ཉེ་བའི་ལོ་ཤས་རིང་།སྡེ་རོང་རྫོང་ཨུ་དང་རྫོང་སྲིད་གཞུང་གིས་ཚད་མཐོན་པོའི་མཐོང་ཆེན་དང་ཁྲིད་སྟོན་ཤུགས་ཆེན་བྱས་ནས་ནུས་ཤུགས་གང་ཡོད་ཀྱིས་སྟར་ཀའི་ཐོན་ལས་བསྐྲུན་པ་རེད།ནགས་ལས་གཙོ་གཉེར་སྡེ་ཁག་དང་རྒྱ་ཆེའི་ཞིང་པ་མང་ཚོགས་ཀྱིས་ཐུན་མོང་དུ་འབད་བརྩོན་བྱས་འོག་སྟར་ཀའི་ཐོན་ལས་རིམ་བཞིན་རྒྱ་ཆེར་ཕྱིན་བཞིན་པས།ཞིང་པ་མང་ཚོགས་ཀྱི་ཡོང་འབབ་ཀྱང་མུ་མཐུད་དེ་འཕར་སྣོན་བྱུང་བ་རེད།
     2008ལོ་ནས་2011ལོའི་བར་རྫོང་དེས་སྟར་ཀའི་ཤིང་སྡོང་ཁྲི་24གསར་དུ་བཙུགས་ནས་གཞི་ཁྱོན་མུའུ་19800ལ་སླེབས་པས།དེའི་ནང་ཁྱོན་ཡོངས་སུ་མུའུ་13650རྒྱ་སྐྱེད་འཕེལ་རྒྱས་བཏང་བ་དང་ཐར་ཐོར་དུ་མུའུ་6150འདེབས་འཛུགས་བྱས་པ།སྟར་ཀའི་ཤིང་སྡོང་རྒྱ་ཡན་ཆད་བཙུགས་མཁན་གྱི་ཞིང་དུད་ཧ་ཅང་མང་པོ་ཡོད།2010ལོར་རྫོང་དེའི་སྟར་ཀའི་ཐོན་ཚད་བསྡོམས་འབོར་ཏུན་650ལ་སླེབས་པ་དང་ཡོང་འབབ་སྒོར་ཁྲི་650ལ་སླེབས་ཡོད།རྫོང་ཡོངས་ཀྱི་ཞིང་ལས་མི་གྲངས་གྱིས་ཆ་སྙོམས་མི་རེས་སྟར་ཀའི་ཐོན་ལས་ནས་ཡོང་འབབ་སྒོར་309རག་པ་དེ་ཆ་སྙོམས་ལོ་རེའི་ཡོང་འབབ་ཁེར་གཙང་གི་བརྒྱ་ཆ་13.2ཟིན་ཡོད།