ཟླ་བ5པའི13ཉིན།དཔེ་གསར་ཅན་གྱི་སྦྲ་གུར1273གང་འཇུག་ཡོད་པའི་ཁྲེང་ཏུའུ་དམག་ཁུལ་གྱི་སྐྱེལ་འདྲེན་ལེན་གྱི་རླངས་འཁོར་རུ་ཁག་ཞིག་གིས་ཕྱག་ཕྲེང་རྫོང་ས་སྒང་ཤང་དུ་སྐྱེལ་འདྲེན་རླངས་འཁོར་གཏོང་ཡོང་སྐབས།ལས་རིགས་ཁག་གི་མང་ཚོགས་ཚོས་ལག་ཏུ་དར་དཀར་འཛིན་ནས་སྤྲོ་སེམས་འཁོལ་བའི་ངང་ནས་དགའ་བསུ་ཞུས་པ་རེད།
     ཐེངས་འདིའི་སྐྱེལ་འདྲེན་ལས་འགན་ཁུར་མཁན་ཁྲེང་ཏུའུ་དམག་ཁུལ་གྱི་དམག་དཔུང་ཞིག་གི་དཔོན་དམག79ཡིས་མཐོ་སྒང་གི་དབྱང་རླངས་མི་འདང་བ་དང་ལམ་ཡག་པོ་མེད་པ།གནམ་གཤིས་འགྱུར་ལྡོག་མང་བ་སོགས་ཀྱི་དཀའ་ངལ་ཁྱད་བསད་བྱས་ནས་རྒྱ་མཚོའི་ངོས་ལས་མཐོ་ཚད་སྨི4000ཡན་ཆད་ཡོད་པའི་རི་བོ་བརྒལ་ནས་རྒྱང་ཐག་སྤྱི་ལེ་སྟོང་ལ་བསྐྱོད་དེ་ཉིན4ཡི་ནང་དཔེ་གསར་ཅན་གྱི་སྦྲ་གུར་བདེ་བླག་ངང་ཕྱག་ཕྲེང་རྫོང་དུ་བསྐྱལ་བ་རེད།
     ཉིན་དེར་ཕྱག་ཕྲེང་རྫོང་གིས་དགའ་བསུ་ཞུ་བའི་མཛད་སྒོ་སྤེལ་ནས་དཔེ་གསར་ཅན་གྱི་སྦྲ་གུར་སྐྱེལ་མཁན་དཔོན་དམག་རྣམས་ལ་གོས་ཆེན་གྱི་དར་ཆ་དང་དར་དཀར་ཕུལ་ནས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་བོད་ཁུལ་མང་ཚོགས་ལ་ཐུགས་ཁུར་ཟབ་མོ་གནང་བ་དང་མི་དམངས་བཅིངས་འགྲོལ་དམག་གིས་བོད་ཁུལ་གྱི་འཕེལ་རྒྱས་ལ་རྒྱབ་སྐྱོར་གནང་བར་དཀའ་དྲིན་ཆེ་ཞུས་པ་རེད།