སྨྱུག་འཛིན་པས་རྒྱལ་ཁབ་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་གི་གཞུང་ཕྱོགས་དྲ་ཚིགས་ནས་གོ་རྟོགས་བྱུང་བ་ལྟར་ན།ཉེ་ཆར་རང་རེའི་ཞིང་ཆེན་གྱི་རྒྱལ་རོང་རྒྱལ་མོ་དངུལ་ཆུའི་ཆུ་གློག་ས་ཚིགས་ཀྱི་རྣམ་གྲངས་དེར་རྒྱལ་ཁབ་ཀྱི་ཞིབ་དཔྱད་ཆོག་མཆན་ཐོབ།ལོ་ལྔའི་འཆར་གཞི་བཅུ་གཉིས་པའི་འགོ་ཚུགས་སྐབས་སུ་རྒྱལ་ཁབ་ཀྱི་ཞིབ་དཔྱད་ཆོག་མཆན་ཐོབ་པའི་ཆུ་གློག་གསར་འབྱེད་ཀྱི་རྣམ་གྲངས་འབའ་ཞིག་ཡིན།
     ཧོང་ཅིང་ཕིང་ཆུ་གློག་ས་ཚིགས་དེ་དར་མདོ་རྫོང་གི་ཁོངས་སུ་གནས་ཡོད་ལ།རྒྱལ་རོང་རྒྱལ་མོ་དངུལ་ཆུའི་འགྲམ་རྒྱུད་དུ་གནས་ཡོད་པས།རྒྱལ་རོང་རྒྱལ་མོ་དངུལ་ཆུའི་ཆུ་ལག་གི་ཆུ་གློག་འཆར་གཞི་སྟེ་ཆུ་མཛོད་གསུམ་དང་རིམ་པ22ཞེས་པ་ལས་རིམ་པ11ཅན་གྱི་ཆུ་གློག་ས་ཚིགས་ཞིག་ཡིན།ཆུ་གློག་ས་ཚིགས་ལ་འགུལ་ཚུལ་གྱི་མ་དངུལ་དུང་ཕྱུར120བཏང་བ་དང་།འཕྲུལ་འཁོར་སྤྱིའི་གཤོང་ཚད་སྟོང་ཝ་ཁྲི85ཡིན་ལ།ཆུ་འགོའི་ཧྲང་ཅང་ཁུའོ་དང་།འབྲི་ཆུའི་ཆུ་རགས་ཀྱི་ཆུ་གློག་ས་ཚིགས་དང་མཉམ་དུ་འཁོར་སྤྱོད་བྱས་ཡོད་ཞིང་།ལོ་རེར་གློག་འདོན་ཚད་སྟོང་ཝ་38ལ་ཟིན་པ་བྱ་རྒྱུའི་འཆར་འགོད་བཞག་ཡོད།རྣམ་གྲངས་དེ་ནི་སི་ཁྲོན་ཐང་ཆེན་རྒྱལ་སྤྱི་དཀར་མཛེས་ཆུ་གློག་གསར་འབྱེད་ཀུང་སིས་འཛུགས་སྐྲུན་དང་བདག་གཉེར་བྱེད་འགན་ཁུར་ཡོད།