ཁུལ་སྤྱི་བདེ་ཅུས་རྒྱལ་མཚམས་ཕྱིར་འགྲོ་ནང་འོང་དོ་དམ་ཁྲུའུ་ཡིས་བྱེད་ཐབས་གསར་པ་བླངས་ནས་དམངས་ལ་སྟབས་བདེ་བསྐྲུན།

རྣམ་རྒྱལ། 2011-03-14

ཉེ་ཆར།སྤྱི་དམངས་ལམ་ཡིག་ལས་མཁན་རྣམས་ཀྱིས་དོ་དམ་ཁྲུའུ་ལ་ལམ་ཡིག་ལས་བཟོ་བྱེད་ཚེ་དངུལ་ཁང་དུ་སོང་ནས་གྲལ་རིང་སྒྲིག་སྟེ་ལས་ཡུན་སྤྲོད་པའི་ལོ་རྒྱུས་ཀྱི་ངལ་བ་དེར་རྫོགས་ཚིག་བཀོད།2011ལོའི་ལོ་འགན་ནས་སྡེ་ཚན་འདིསSOFTPOSདངུལ་ལེན་གཅིག་འགྱུར་གྱི་མ་ལག་བེད་སྤྱོད་བཏང་ནས་ལམ་ཡིག་ཡར་ཞུ་བས་ཐད་ཀར་ཁྲུའུ་འདིའི་ལམ་ཡིག་ལས་སར་དངུལ་ཁང་གི་ཉར་བྱང་སྤྱད་ནས་སྒོར་མོ་སྤྲོད་ཆོག་ཅིང་མ་ལག་འདི་ལོ་འདིའི་ནང་རྫོང་སོ་སོར་དར་སྤེལ་གཏང་རྒྱུའི་འཆར་གཞི་ཡང་བཞག
གློག་རྡུལ་དངུལ་ལེན་མ་ལག་འདི་བེད་སྤྱོད་སོགས་སྔོན་ཐོན་གྱི་སྒྲིག་ཆས་དང་ཡ་རབས་ཀྱི་རྣམ་འགྱུར་སོགས་ཀྱིས་དམངས་ལ་སྟབས་བདེ་བསྐྲུན་པ་མ་ཟད་ཉེན་རྟོག་པ་དང་མང་ཚོགས་བར་གྱི་འཆམ་མཐུན་གྱི་འབྲེལ་བ་དམ་ཟབ་ཏུ་བཏང་ངོ།
འདི་ནི་ཆེད་དུ་བཤད་རྒྱུ་ནི་རྒྱལ་མཚམས་ཕྱིར་འགྲོ་ནང་འོང་དོ་དམ་ཁྲུའུ་ནི་རྒྱལ་དམངས་རྒྱལ་མཚམས་བརྒལ་ནས་འགྲོ་བའི་ལམ་ཡིག་ཁག་དང་ཕྱི་རྒྱལ་བ་ནང་དུ་འོང་བའི་མཆན་ཡིག་ཁག་ལས་བཟོ་དང་ལྟ་སྐུལ་བྱེད་པར་ཆེད་འཛུགས་ཀྱི་སྤྱི་བདེའི་སྡེ་ཚན་ཞིག་རེད།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10