ཟླ་བ11པའི་ཚེས17ཉིན།སྡེ་དགེ་རྫོང་མ་ཎི་གད་འགོ་ཤུག་གུ་གྲོང་པའི་འབྲོག་པའི་དུད་ཚང་55ཁྱིམ་གཞིས་གསར་པར་སྤོ་བའི་མཛད་སྒོ་སྤེལ་བ་རེད།འབྲོག་མིས་སྐུ་ཚབ་པས་རྫོང་ཨུའི་ཧྲུའུ་ཅི་དབྱང་དབྱི་ཁང་གི་ལག་ནས་གཞིས་ཆགས་སྡོད་ཁང་གི་ལྡེ་མིག་བླངས་པ་ནས་བཟུང་གཏན་འཇགས་ཀྱི་སྡོད་གནས་མེད་པ་དང་།ཡུལ་གྱར་ནས་རུ་སྤོ་ཕྱུགས་འཚོའི་འཚོ་བ་རོལ་རྒྱུ་དང་ཁ་བྲལ་ནས་རང་ཉིད་ཀྱི་ཐོག་ཁང་དང་གཏན་འཇགས་ཀྱི་ཁྱིམ་གཞིས་དབང་ཐུབ་པ་རེད།རྫོང་དེའི་རྫོང་ཨུའི་ཧྲུའུ་ཅི་ཡིས་སྤྲོ་སྐྱིད་ངང་ཁྱིམ་གཞིས་གསར་པ་སྤོ་བཞིན་པའི་འབྲོག་མི་དང་ལབ་གླེང་བྱེད་བཞིན་འཆམ་མཐུན་གྱི་རྣམ་པ་རབ་ཏུ་ཁེངས་འདུགརྫོང་ཨུའི་ཧྲུའུ་ཅི་དང་ལྷན་ཕེབས་བཅས་པས་གྲོང་སྡེ་གསར་པའི་ཆུ་དང་།ལམ།ཆ་འཕྲིན།རིག་གནས་སྤེལ་ས་སོགས་རྨང་གཞིའི་སྒྲིག་ཆས་འཛུགས་སྐྲུན་ལས་ཀ་ཞིབ་བཤེར་བྱས་རྗེས་འབྲོག་མི་ཚེ་དབང་གི་ཁྱིམ་དུ་ཕྱིན།སྒོ་ཁར་སླེབས་མ་ཐག་ཚེ་དབང་གིས་གཉེན་ཉེ་སླེབས་ཡོང་བ་བཞིན་དུ་ལག་ཏུ་དར་དཀར་ཁྱེར་ནས་ཧྲུའུ་ཅི་རང་གི་གཞིས་ཆགས་སྡོད་ཁང་ནང་བསུ་མ་བྱས།ཧྲུའུ་ཅི་དབྱང་དབྱི་ཁང་གིས་མི་རིགས་ཀྱི་ཁྱད་ཆོས་རབ་ཏུ་ལྡན་པའི་རྐོས་རིས་རྣམ་པ་སྣ་ཚོགས་ཀྱིས་སྡོད་ཁང་རྒྱན་བཞིན་པ་དང་དེང་རབས་ཅན་གྱི་གློག་ཆས་ཆ་ཚང་འཛོམས་ནས་བདེ་སྐྱིད་ཕུན་སུམ་ཚོགས་པའི་འཚོ་བ་རོལ་ནས་སྡོད་བཞིན་པ་མིག་ལམ་དུ་མིག་ལམ་དུ་མཐོང་ཚེར་སྤྲོ་ཉམས་ལྡན་པའི་ངང་ཚེ་དབང་དང་ཁ་བརྡ་ལབ་རེས་བྱས།ཧྲུའི་ཅི་དབྱང་དབྱི་ཁང་གིས“སྲིད་གཞུང་གིས་གཅིག་གྱུར་གྱིས་འཆར་འགོད་དང་འཛུགས་སྐྲུན་བྱས་པའི་གཞིས་ཆགས་སྡོད་ཁང་དེ་བློ་ལ་ཨེ་བབ་འདུག”ཅེས་དྲིས།ཚེ་དབང་གིས་“ཡག་མོ་རེད་ཧ་ཅང་བློ་ལ་བབ་འདུག གལ་ཏེ་སྲིད་གཞུང་གིས་རོགས་རམ་མ་བྱས་ན་ང་ཚོས་རྨི་ལམ་ནང་ལའང་དེ་ལྟ་བུའི་ཁང་པ་ཡག་པོ་ཞིག་བསྐྲུན་ཐུབ་པ་རྨིས་ཐུབ་པ་མ་རེད”ཅེས་བཤད།ཧྲུའུ་ཅི་ཡིས་དགའ་སྤྲོའི་ངང“ཁྱོད་བློ་བདེ་ན་འགྲིག ཁྱོད་ཚོ་འབྲོག་མི་ཚོ་བློ་བདེ་རོགས་བྱས་ན་ང་ཚོས་བསྒྲུབས་པའི་ལས་དོན་ལ་ཁས་བླངས་པ་རེད”ཅེས་བཤད།ད་དུང་ཚེ་དབང་ལ་ཏང་དང་སྲིད་གཞུང་ལ་ད་དུང་ཞུ་དགོས་པའི་དགོས་མཁོ་དང་རེ་བ་ཅི་ཡོད་དྲིས་སྐབས།ཚེ་དབང་མིག་ནང་མཆི་མ་འཁོར་ནས་“ཅི་མེད།ཏང་དང་སྲིད་གཞུང་གིས་ང་ཚོར་འདི་འདྲའི་མཛེས་ཤིང་ལྟ་ན་སྡུག་ལ་སྤྱོད་གོ་ཆེ་བའི་གཞིས་ཆགས་སྡོད་ཁང་དང་།གཙང་ཞིང་གྲ་སྟར་འགྲིག་པའི་གྲོང་ཚོ་བསྐྲུན་རོགས་བྱས་པ་དང་ཁྱིམ་ནང་ཡང་གློག་བཪྙན་དང་ཁ་པར་ཡོད་པ།ཐོན་སྐྱེད་དང་འཚོ་བའི་ཁོར་ཡུག་དང་ཆུ་ཚད་ལྡབ་མང་པོ་བསྒྱུར་ཡོད་ཅིང་གྲོང་ཁྱེར་གྱི་འཚོ་བ་དང་དབྱེ་མི་ནུས་པ་གྱུར་འདུགགནས་ཚུལ་ཆེན་པོ་འདི་དག་ཐག་གཅོད་བྱས་ཟིན་རྗེས་ཕྱིན་ཆད་རང་སྟོབས་རང་སྤེལ་བྱས་ནས་ཕྱུག་འགྱུར་ཡོང་བ་བྱ་རྒྱུ་ནི་རང་ལ་རག་ལས་པ་རེད།ནམ་ཡིན་ཏང་དང་སྲིད་གཞུང་ལ་ལག་པ་རྐྱོང་ན་ངོ་ཚ་རེད”ཅེས་བཤད་བཞིན་དུ་ཚང་མའི་གདོང་ལ་འཛུམ་མདངས་ཁེངས།