ཉེ་ཆར།ཁུལ་ཨུ་གཞི་རིམ་རྩ་འཛུགས་ཕྱོགས་བསྡུས་ལེགས་སྒྲིག་ཞིབ་འཇུག་བརྟག་དཔྱད་དང་སྔོན་ཐོན་གསར་སྐྲུན་དང་ཕུལ་བྱུང་འགྲན་རྩད་སྐུལ་འདེད་ཚོ་ཆུང་སོགས་མཉམ་དུ་སྡེ་རོང་རྫོང་དུ་འོང་ནས་ལས་ཀར་ཞིབ་བཤེར་སློབ་སྟོན་བྱེད་པ་རེད།
ལས་སྒྲུབ་ཚོ་ཆུང་གིས་ཐོག་མ་རྫོང་དེ་ཉིད་ཀྱི་ཙེ་ལྤོ་ཤང་དང་ཕུག་མདོ་ཤང་སོགས་གྲོང་རྡལ་གྱི་གྲོང་སྡེ་རིམ་པའི་གནས་ཚུལ་གཙོ་བོ་དང་གཞི་རིམ་རྩ་འཛུགས་ཕྱོགས་བསྡུས་ལེགས་སྒྲིག་སྤེལ་བའི་གནས་ཚུལ་དང་སྲིད་འཛིན་གྲོང་ཚོ་སྐབས་བརྗེའི་གྲ་སྒྲིག་ལས་ཀ་བཅས་ཀྱི་གནས་ཚུལ་རྒྱུས་ཤེས་གནང་རྗེས་བཞུགས་མོལ་ཚོགས་འདུ་འཚོགས་ཏེ་ཞིབ་ཕྲའི་སྒོ་ནས་འབྲེལ་ཡོད་གནས་ཚུལ་བརྒྱུད་མངའ་ལོན་པ་མ་ཟད།  ད་དུང་ཚོགས་འདུའི་ཐོག་རྫོང་ཨུའི་འགོ་ཁྲིད་དང་འབྲེལ་ཡོད་སྡེ་ཁག་གིས་སྙན་སེང་ཞུས་པར་ཉན་འཇོག་གནང་བ།
ལས་སྒྲུབ་ཚོ་ཆུང་སླར་ཡང་སྡེ་རོང་རྫོང་གི་ཞིབ་དཔྱོད་ཁང་དང་བཟོ་ཚོགས།  གུང་གཞོན་ཚོགས་པའི་རྫོང་ཨུ་དང་བུད་མེད་མཉམ་འབྲེལ་ལྷན་ཚོགས་སོགས་ལས་ཁུངས་སུ་བསྐྱོད་དེ་སྔོན་ཐོན་གསར་སྐྲུན་དང་ཕུལ་བྱུང་འགྲན་རྩོད་ཀྱི་ལས་ཀ་ལྟ་སྐུལ་སློབ་སྟོན་དང་ཞིབ་བཤེར་བྱེད་པ་རེད།
ལས་སྒྲུབ་ཚོ་ཆུང་གིས་སྡེ་རོང་རྫོང་གིས་གཞི་རིམ་རྩ་འཛུགས་ཀྱི་འཛུགས་སྐྲུན་ལས་ཀ་སྒྲུབ་པ་དང་།  གྲོང་སྡེ་རིམ་པ་སྐབས་བརྗེའི་གྲ་སྒྲིག་ལས་ཀ་སྒྲུབ་པ།  སྔོན་ཐོན་གསར་སྐྲུན་དང་ཕུལ་བྱུང་འགྲན་རྩོད་བྱེད་སྒོ་སྤེལ་བའི་གནས་ཚུལ་ལ་ཁས་ལེན་གང་ལེགས་འཇོག་པ།  དུས་མཚུངས་སུ།  རྫོང་དེ་ཉིད་ལ་རེ་བ་སྟོན་ཏེ།  སྔར་ལས་ལྷག་པར་གཞི་རིམ་རྩ་འཛུགས་ཀྱི་སྐབས་བརྗེའི་ལས་ཀ་ལ་སློབ་སྟོན་བྱེད་དགོས་པ་དང་།  སྔོན་ཐོན་གསར་སྐྲུན་དང་ཕུལ་བྱུང་འགྲན་རྩོད་ལས་ཀའི་སྔོན་ཐོན་མིག་དཔེའི་གསར་བཟོ་ལ་དྲིལ་བསྒྲགས་བྱེད་དགོས་པ།   སྐྱེལ་བྱེད་དངོས་པོ་ཀུན་འཛོམས་དང་གསར་སྐྲུན་དཔེ་དབྱིབས་ལ་ཤུགས་སྣོན་རྒྱག་དགོས་པ།  དངོས་གནས་སུ་རྩ་འཛུགས་གསར་སྐྲུན་ཏང་ཡོན་ཕུལ་བྱུང་འགྲན་རྩད་དང་མི་དམངས་ལ་དངོས་ཕན་ཐོགས་ཐུབ་པ་བྱེད་དགོས་པ་བཅས་རེད།