ཨུ་རུ་སིའི་རྒྱལ་སྲུང་པུའུ་ཡིས་ཚེས་དྲུག་ཉིན་བསྒྲགས་པའི་གནས་ཚུལ་ལྟར་ན། ཨུ་རུ་སིའི་མཁའ་དམག་གི་མུས་ཀི—31རྟགས་ཅན་གྱི་འཐབ་འཛིང་གནམ་གྲུ་ཞིག་ཉིན་དེར་ཨུ་རུ་སིའི་པིས་ཨར་མུའུ་མཐའ་མཚམས་ས་ཁུལ་ནས་སར་ལྷུང་སྟེ། གནམ་གྲུའི་སྟེང་གི་ཁ་ལོ་བ་གཉིས་པོ་རྐྱེན་ལམ་དུ་ཤོར་ཟེར།ཨུ་རུ་སིའི་རྒྱལ་སྲུང་པུའུ་ཡི་མགྲིན་ཚབ་པ་ཁི་ནཱ་ཧྲིན་ཁི་ཧྥུའུ་ཡིས་གསར་འགྱུར་ལས་རིགས་ལ་བཤད་རྒྱུར། ཉིན་དེའི་སྔ་དྲོའི་དུས་ཚོད་དྲུག་དང་སྐར་མ་ཞེ་གཅིག་སྟེང་། རྒྱུན་ལྡན་གྱི་འཕུར་བསྐྱོད་ལས་འགན་ལག་བསྟར་བྱེད་པའི་མུས་ཀི—31རྟགས་ཅན་གྱི་འཐབ་འཛིང་གནམ་གྲུ་གར་སོང་མ་རྙེད་པ་དང་། དུས་ཚོད་གཅིག་ཙམ་གྱི་རྗེས་སུ། རྒུད་སྐྱོབ་གྱེན་འཕུར་གནམ་གྲུས་འཐབ་འཛིང་གནམ་གྲུ་དེ་སར་ལྷུང་སའི་གནས་རྙེད་པ་དང་། དེའི་རྗེས་སུ་གནམ་གྲུའི་སྟེང་གི་ཁ་ལོ་བ་གཉིས་པོ་རྐྱེན་ལམ་དུ་ཤོར་བ་བདེན་དཔང་བྱས།ཨུ་རུ་སིའི་རྒྱལ་སྲུང་པུའུ་ཡིས་ཆེད་དོན་ཨུ་ཡོན་ལྷན་ཁང་བཙུགས་ཏེ་དོན་རྐྱེན་དེའི་འབྱུང་རྐྱེན་ལ་རྟོག་ཞིབ་བྱེད་བཞིན་ཡོད་པ་དང་། རྒྱུ་རྐྱེན་གསལ་བོར་མ་ཤེས་གོང་གནས་སྐབས་སུ་མུས་ཀི–31རྟགས་ཅན་གྱི་འཐབ་འཛིང་གནམ་གྲུ་ཚང་མའི་འཕུར་བསྐྱོད་མཚམས་འཇོག་རྒྱུའི་བཀའ་རྒྱ་བཏང་།