ཤིན་ཧྭ་གསར་འགྱུར་ཁང་པེ་ཅིན་ནས་ཟླ8ཚེས30ཉིན་གློག་འཕྲིན་འབྱོར་གསལ།རྒྱལ་སྲིད་སྤྱི་ཁྱབ་ཁང་གི་ཙུལ་ལི་ཝུན་ཅ་པའོ་ཡིས་ཚེས30ཉིན་ཡེ་ཐན་ཅ་ཡན་ལ་གློག་འཕྲིན་བཏང་ནས་ཁོང་རི་པིན་གྱི་དབུ་བཞུགས་བློན་ཆེན་དུ་བདམས་ཐོན་བྱུང་བར་བཀྲ་ཤིས་བདེ་ལེགས་ཞུས་གནང་བ་རེད།
ཝུན་ཅ་པའོ་ཡི་བཀྲ་ཤིས་བདེ་ལེགས་ཞུ་བའི་གློག་འཕྲིན་ནང་ཀྲུང་རི་ནི་ཁྱིམ་མཚེས་རྒྱལ་ཁབ་གལ་ཆེན་ཞིག་ཡིན་པ་དང་ཚང་མ་ཨེ་ཤེ་ཡ་དང་འཛམ་གླིང་དུ་ཤུགས་རྐྱེན་གལ་ཆེན་ལྡན་པའི་རྒྱལ་ཁབ་ཅིག་རེད།ཡུན་རིང་བརྟན་ལྷིང་དང་ཁྱིམ་མཚེས་མཛའ་གྲོགས་ལྡན་པའི་ཀྲུང་རི་དབར་གྱི་འབྲེལ་བ་འཕེལ་རྒྱས་གཏོང་རྒྱུ་དེ་རྒྱལ་ཁབ་གཉིས་པོ་དང་རྒྱལ་ཁབ་གཉིས་པོའི་མི་དམངས་ཀྱི་རྩ་བའི་ཁེ་ཕན་དང་འཚམས་ཡོད་ལ་ཨེ་ཤེ་ཡ་དང་ཐ་ན་འཛམ་གླིང་གི་ཞི་བདེ་དབང་།བརྟན་ལྷིང་།དར་རྒྱས་བཅས་ལའང་ཕན་ཐོགས་ཡོད་པ་ཞིག་རེད་ཅེས་འཁོད་ཡོད།ཝུན་ཅ་པའོ་ཡིས་མིག་སྔར་ཀྲུང་རི་བར་གྱི་འབྲེལ་བ་སྔར་བས་འཕེལ་རྒྱས་གཏོང་རྒྱུའི་གོ་སྐབས་གལ་ཆེན་འཕྲད་ཡོད་པས་ཕྱོགས་གཉིས་པོས་ཐུན་མོང་འབད་བརྩོན་བྱས་ཏེ་ཁྱབ་ཁོངས་ཁག་གི་སྤེལ་རེས་དང་མཉམ་ལས་བྱ་རྒྱུར་སྐུལ་འདེད་བཏང་ནས་ཀྲུང་རིའི་འཐབ་ཇུས་གཉིས་ཕན་འབྲེལ་བ་ཟམ་མི་ཆད་པར་ཟབ་ཏུ་གཏོང་རྒྱུའི་རེ་བ་ཡོད་ཅེས་གསུངས་པ་རེད།