ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། བུའུ་ཁི་ལན་གྱི་ཙུང་ཐུང་ཡཱ་ནོའུ་ཁི་ཝེ་ཆི་ཡིས་ཚེས30ཉིན་ཕོ་ལན་རྒྱལ་ཁབ་ལ་དུས་ཡུན་ཉིན1གི་འཚམས་འདྲི་བྱས་པ་དང་། ཕོ་ལན་གྱི་ཙུང་ཐུང་ཁི་མའོ་ལོ་ཧྥུའུ་སི་ཅི་དང་མཉམ་དུ་ཕྱོགས་གཉིས་ཀྱི་འབྲེལ་བ་དང་ཡོ་རོབ་གླིང་མནའ་འབྲེལ་གྱི་ལས་དོན་ཐད་ནས་གྲོས་བསྡུར་བྱས།

བསྒྲགས་པའི་གནས་ཚུལ་ལྟར་ན། ཁི་མའོ་ལོ་ཧྥུའུ་སི་ཅི་ཡིས་ཕོ་ལན་བྱང་ཕྱོགས་ཀྱི་ཧེ་ཨར་ཕྱེད་གླིང་གི་ཙུང་ཐུང་བཞུགས་ཁག་ནས་ཡཱ་ནོའུ་ཁི་ཝེ་ཆི་ལ་ཐུག་འཕྲད་བྱས། ཕྱོགས་གཉིས་ཀྱིས་ཕོ་ལན་གྱིས་ཡོ་རོབ་གླིང་མནའ་འབྲེལ་གྱི་རེས་སྐོར་ཀྲུའུ་ཞིའི་རྒྱལ་ཁབ་ཀྱི་འགན་ཁུར་བའི་སྐབས་ཀྱི་གནད་དོན་རེ་འགའ་དང་། བུའུ་ཁི་ལན་གྱིས་ཡོ་རོབ་གླིང་མནའ་འབྲེལ་བར་གྲོགས་པོའི་འབྲེལ་བ་འཛུགས་པའི་གནད་དོན་ལ་གྲོས་བསྡུར་བྱས། ཕྱོགས་གཉིས་ཀྱིས་ད་རུང་རྒྱལ་ཁབ་གཉིས་ཀྱི་འབྲེལ་བ་དང་བུའུ་ཁི་ལན་གྱི་ཆབ་སྲིད་གནས་བབ་ལ་གྲོས་བསྡུར་བྱས། དེའི་ནང་བུའུ་ཁི་ལན་གྱི་སྔོན་ཆད་ཀྱི་ཙུང་ལི། ངོ་རྒོལ་ཕྱོགས་ཁག་གི་གཙོ་འཛིན་ཅི་མའོ་ཧྲིན་ཁི་འཛིན་བཟུང་བྱས་པའི་གནད་དོན་ཡང་གླེང་མོལ་བྱས།  །