ཧྥ་རན་སིའི་གསར་འགྱུར་ལས་རིགས་ཀྱིས་བསྒྲགས་པའི་གནས་ཚུལ་ལྟར་ན། ཧྥ་རན་སིའི་ཉེན་རྟོག་ཕྱོགས་ཀྱིས་ཚེས་བཅུ་ཉིན་ཕཱ་རེ་སི་བྱང་ངོས་ཀྱི་ཉེ་འདབས་ས་ཁུལ་ནས་དབྱི་སི་ལན་གྱི་ཐལ་སྤྱོད་རྩ་འཛུགས་ཀྱི་ཁོངས་མི་བདུན་འཛིན་བཟུང་བྱས་ཟེར།
 བསྒྲགས་པའི་གནས་ཚུལ་ལྟར་ན། ཐལ་སྤྱོད་ཉེས་ཅན་བདུན་པོ་དེ་སོ་སོར་ཕཱ་རེ་སི་བྱང་ངོས་ཀྱི་ཧྲིན་ཏན་ནེ་ཞིང་ཆེན་དང་། ཝ་ལེ་ཏི་ཝ་ཚི་ཞིང་ཆེན། པཱ་རེ་སིའི་ཏའེ་ཀའོ་ལི་གནམ་གྲུ་ཐང་བཅས་ནས་འཛིན་བཟུང་བྱས་པ་རེད། ཉེན་རྟོག་ཕྱོགས་ཀྱིས་མི་དེ་དག་རྒྱུན་པར་ཨ་ཧྥུའུ་ཧན་དང་ཕཱ་ཁི་སི་ཐན། ཧྥ་རན་སི་བཅས་ཀྱི་བར་དུ་ཕར་འགྲོ་ཚུར་འོང་བྱེད་བཞིན་ཡོད་པར་དོགས་པ་ཟ་བཞིན་ཡོད་པ་རེད། ཉེན་རྟོག་ཕྱོགས་ཀྱིས་ཁོ་ཚོ་རྒྱལ་ཁབ་གང་གི་ཡིན་པ་དང་། ལོ་ཚད་སོགས་གནས་ཚུལ་ཞིབ་རྒྱས་གསལ་བོར་མ་བཤད། འབྲེལ་ཡོད་སྔོག་བཤེར་བྱ་བ་ད་རུང་སྤེལ་བཞིན་ཡོད།