ཀྲུང་གོ་དང་མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གིས་འཐབ་ཇུས་གྲོས་མོལ་ཐེངས་གཉིས་པ་སྤེལ་བ།

བསོད་ནམས་ཚེ་རིང་།    མཚོ་སྔོན་བོད་སྐད་རླུང་འཕྲིན།    2011-05-03

ཀྲུང་གོ་དང་མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གི་འཐབ་ཇུས་གྲོས་མོལ་ཐེངས་གཉིས་པ་དེ་ཚེས་གཉིས་ཉིན་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་རྒྱལ་ས་ཨ་པུའུ་ཀྲ་པུས་ནས་ཚོགས།
 གྲོས་ཚོགས་ལ་ཀྲུང་གོའི་ཕྱི་འབྲེལ་པུའུ་ཀྲང་དབྱང་ཅེ་ཁྲི་དང་། མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་པུའུ་ཀྲང་ལས་འཛིན་ཚོགས་པའི་རེས་སྐོར་ཀྲུའུ་ཞིའི་རྒྱལ་ཁབ་སྟེ་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཕྱི་འབྲེལ་བློན་ཆེན་ཨ་ལེ་ནཱ་ཧཱ་དབྱང་གཉིས་ཀྱིས་མཉམ་དུ་མགོ་འཛིན་བྱས། ཁི་ཝེ་ཐི་རྒྱལ་ཁབ་ཀྱི་དབུ་བཞུགས་བློན་ཆེན་གཞོན་པ་དང་ཕྱི་འབྲེལ་བློན་ཆེན་གྱི་འགན་གཅིག་ལྕོགས་སུ་འཁུར་མཁན་སཱ་པཱ་ཧི་དང་། པཱ་ལིན་གྱི་ཕྱི་འབྲེལ་བློན་ཆེན་ཧཱ་ལི་ཏི། མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གི་ཐེངས་རྗེས་མའི་རེས་སྐོར་ཀྲུའུ་ཞིའི་རྒྱལ་ཁབ་སོ་ཏི་ཨ་རབ་ཀྱི་ཕྱི་འབྲེལ་བློན་ཆེན་དང་རྒྱལ་སྲིད་བློན་ཆེན་གྱི་འགན་གཅིག་ལྕོགས་སུ་འཁུར་མཁན་མེད་ཨ་ནེ། མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གི་དྲུང་ཡིག་ཆེན་མོ་ཀྲ་ཡེ་ནེ་བཅས་གྲོས་ཚོགས་ལ་ཞུགས།
 ཀྲུང་གོ་དང་མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གིས་ཕྱོགས་གཉིས་ཀྱི་འབྲེལ་བའི་འཕེལ་རྒྱས་དང་། ཁྱབ་ཁོངས་སོ་སོ་ནས་བླངས་པའི་གྲུབ་འབྲས་ལ་ཡིད་ཚིམས་པའི་བསམ་ཚུལ་བསྟན་པ་དང་། ཕྱོགས་གཉིས་ཀྱིས་བལྟས་ན། འཐབ་ཇུས་གྲོས་མོལ་ནང་རྐྱེན་བཙུགས་པ་དེས་ཕྱོགས་གཉིས་ཀྱི་ཡིད་ཆེས་དང་མཉམ་ལས་ཇེ་ཟབ་ཏུ་སོང་བར་མ་ཟད། ཕྱོགས་གཉིས་ཀྱི་གྲོས་མོལ་དང་མཐུན་སྦྱོར་ལ་ཤུགས་སྣོན་ཐོབ་ཡོད་པར་འདོད།
  • ལེ་ཚན་སྔོན་མ།:ཨ་མེ་རུ་ཁའི་གསར་འགྱུར་ལས་ཁུངས་ཀྱིས་པིན་ལ་ཏིན་བསད་པ་དང་བེམ་པོ་རྙེད་ཟིན་ཞེས་བཤད་པ།
  • ལེ་ཚན་རྗེས་མ།:ཨ་མེ་རི་ཁའི་ཉིག་ཡོ་གྲོང་ཁྱེར་ནས་དོགས་ཟོན་མཐོར་འདེགས་བྱས་ཏེ་འཇིགས་སྐུལ་འཇབ་རྒོལ་ཐེབས་པར་སྔོན་འགོག་བྱས
  • དོ་སྣང་ཆེ་བའི་རྩོམ།