ད་ལོའི་ཟླ་བཞི་བའི་ཚེས་ཉེར་དྲུག་ཉིན་ནི་བུའུ་ཁི་ལན་གྱི་ཆེ་ཨར་ནོའུ་པེ་ལེ་ཉིང་རྡུལ་གློག་འདོན་ས་ཚིགས་ཀྱི་ཉིང་རྡུལ་དུག་རླངས་ཕྱིར་མཆེད་པའི་དོན་རྐྱེན་བྱུང་ནས་ལོ་ངོ་ཉེར་ལྔ་འགོར་བའི་རྗེས་དྲན་ཉིན་མོ་ཡིན་པ་དང་།མཉམ་འབྲེལ་རྒྱལ་ཚོགས་ཀྱིས་ཚེས་ཉེར་དྲུག་ཉིན་ཉིག་ཡོ་གྲོང་ཁྱེར་དུ་ཡོད་པའི་སྤྱི་ཁྱབ་པུའུ་ནས་བྱ་འགུལ་སྤེལ་ཏེ།ལོ་རྒྱུས་སྟེང་ཆེས་ཚབས་ཆེ་བའི་ཉིང་རྡུལ་དུག་རླངས་ཕྱིར་མཆེད་པའི་དོན་རྐྱེན་ཁྲོད་རྐྱེན་ལམ་དུ་ཤོར་བའི་ཚེ་འདས་ལ་མྱ་ངན་ཞུས་པ་དང་།རྒྱལ་སྤྱིའི་སྤྱི་ཚོགས་ཀྱིས་བུའུ་ཁི་ལན་དང་། ཨུ་རུ་སུ་དཀར་པོ།ཨུ་རུ་སུ་བཅས་ཉིང་རྡུལ་དུག་རླངས་ཀྱི་གནོད་པ་ཐེབས་པའི་ས་ཁུལ་ལ་རོགས་རམ་སྔར་ལས་མང་བོ་བྱེད་དགོས་པའི་འབོད་སྐུལ་བཏང་།
 མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་བུན་གྱིས་ཀྱང་ཉིན་དེར་གསལ་སྒྲོག་སྤེལ་ཏེ།མི་དམངས་ཀྱིས་སྔོན་ཆད་ཀྱི་རྒུད་སྐྱོབ་མི་སྣའི་དཔའ་མཛངས་ཀྱི་བྱ་སྤྱོད་དང་ཕ་ཡུལ་དང་བྲལ་བའི་མང་ཚོགས་ས་ཡ་འགའི་དཀའ་སྡུག་ཡིད་ལ་དམ་པོར་བཅངས་དགོས་པའི་འབོད་སྐུལ་བཏང་།