ཀྲུང་གོ་བོད་ཀྱི་དྲ་བའི་འཕྲིན།  10པའི་ཚེས26ཉིན། སེམས་ཀྱི་ཉི་ཟླ་ནས་འདབ་པ་བར་གྱི་གཞུང་ལམ་གྱི་ལས་གཞིའི་ལམ་ཐིག་ཁྱོན་ཡོངས་འཛུགས་འགོ་བརྩམས་པའི་མཛད་སྒོ་དེ་སེམས་ཀྱི་ཉི་ཟླ་གྲོང་ཁྱེར་སྐད་ཚག་ཤང་སྐད་ཚག་གྲོང་སྡེའི་ཕུའུ་ཧྲེང་ནས་བསྡུས་པ་རེད།

རྒྱུས་ལོན་བྱུང་བ་ལྟར་ན། སེམས་ཀྱི་ཉི་ཟླ་ནས་འདབ་པ་བར་གྱི་གཞུང་ལམ་ནི་སེམས་ཀྱི་ཉི་ཟླའི་གྲོང་ཁྱེར་གྱི་“གཙོ་བོའི་ལམ་ཐིག་གཅིག་དང་འཁོར་ལམ་གསུམ། ལམ་ཆེན་དྲུག”ཁྲོད་ཀྱི་ཞིང་ཆེན་ནས་ཕྱིར་བསྐྱོད་པའི་གལ་ཆེའི་ལམ་ཆེན་ཡིན། སེམས་ཀྱི་ཉི་ཟླ་ནས་འདབ་པ་བར་གྱི་གཞུང་ལམ་ནི་སེམས་ཀྱི་ཉི་ཟླ་གྲོང་ཁྱེར་གྱི་རྒྱལ་ཐང་གྲོང་རྡལ་ནས་འགོ་བརྩམས་པ་དང་། སྐད་ཚག་ཤང་སོགས་བརྒྱུད་དེ་མཐར་སི་ཁྲོན་ཞིང་ཆེན་འདབ་པ་རྫོང་S216ལམ་ཐིག་མཐུད་ཡོད་པ་དང་། སྤྱིའི་ལམ་ཚད་ལ་སྤྱི་ལེ་135.1ཡོད་པ་རེད། གཞུང་ལམ་འདི་ནི་སེམས་ཀྱི་ཉི་ཟླ་གྲོང་ཁྱེར་གྱི་གཙོ་བོའི་དཔལ་འབྱོར་ལམ་ཐིག་ཁྲོད་ཀྱི་གཅིག་ཡིན་པ་མ་ཟད། ཏན་ཁྲོན་བོད་བཅས་ཞིང་ཆེན་དང་ལྗོངས་གསུམ་གྱི་འགྲིམ་འགྲུལ་དྲ་བའི་ཁྲོད་ཀྱི་གཙོ་བོའི་ལམ་ཐིག་གི་ཁ་གསབ་ལམ་ཐིག་ཀྱང་ཡིན། ལམ་ཐིག་འདིས་བོད་ཁུལ་བརྟན་རླིང་དང་ཞིང་ཆེན་བར་གྱི་ཆབ་སྲིད་དང་དཔལ་འབྱོར། རིག་གནས་བརྗེ་རེས་ལ་གལ་ཆེའི་བྱེད་ནུས་འདོན་ཡོད་པ་རེད།

རྒྱུས་ལོན་བྱུང་བ་ལྟར་ན། སེམས་ཀྱི་ཉི་ཟླ་ནས་འདབ་པ་བར་གྱི་གཞུང་ལམ་ནི་རིམ་པ་གསུམ་པའི་གཞུང་ལམ་ཡིན་པ་དང་། སྤྱིའི་མ་གཏོང་སྒོར་དུང་ཕྱུར་21.9བཏང་ཡོད། ལས་གཞིའི་ཇུས་འགོད་བྱས་པའི་གཞུང་ལམ་གྱི་ཞེང་ཚད་ནི་སྨི7.5ཡིན་ལ། ཇུས་འགོད་བྱས་པའི་འཁོར་གཏོང་མྱུར་ཚད་ནི་ཆུ་ཚོད་རེར་སྤྱི་ལེ་30ཡིན་པ་རེད། ལམ་ཐིག་འདི་ཉིད་དུས་རིམ་གསུམ་བགར་ནས་འཛུགས་སྐྲུན་བྱེད་བཞིན་ཡོད་དེ། དུས་རིམ་དང་པོའི་ལམ་ཐིག་ནི2013ལོའི་ཟླ12པའི་ཚེས16ཉིན་འཛུགས་སྐྲུན་གྱི་འགོ་བརྩམས་པ་དང་། རིང་ཚད་ལ་སྤྱི་ལེ་45ཡོད་པ་རེད། མིག་སྔར་ལམ་གཞིའི་འཛུགས་སྐྲུན་དེ་གཞི་རྩའི་ཐོག་ནས་ལེགས་འགྲུབ་བྱུང་ནས། ལམ་ངོས་ཀྱི་ཨར་ལས་ལས་བཞིན་པའི་སྒང་ཡིན། དུས་རིམ་གཉིས་པའི་ལམ་ཐིག་ལ་སྤྱི་ལེ13ཡོད་པ་དང་མིག་སྔར་ལམ་གཞིའི་འཛུགས་སྐྲུན་གྱི70%ལེགས་འགྲུབ་བྱུང་ཡོད། ཐེངས་འདིར་ལས་འགོ་བརྩམས་པ་ནི་དུས་རིམ་གསུམ་པའི་ལས་གཞི་ཡིན་ཞིང་། རིང་ཚད་ལ་སྤྱི་ལེ77.1ཡོད་པ་རེད།  །