ཀྲུང་གོ་བོད་ཀྱི་དྲ་བའི་འཕྲིན། ཟླ6པའི་ཚེས6ཉིན། ཟི་ལིང་གྲོང་ཁྱེར་ཧོང་ཀྲུང་རྫོང་དུ་བཙུགས་ཡོད་པའི་པད་མ་འདབ་བརྒྱད་དངོས་མིན་ཤུལ་བཞག་རིག་དངོས་རྒྱུད་འཛིན་ལྟེ་གནས་དངོས་སུ་ཕྱི་ཕྱོགས་ལ་སྒོ་འབྱེད་པ་དང་། རྒྱ་ཆེའི་ལྟད་མོ་བས་གནས་འདི་ནས་བོད་མི་རིགས་ཀྱི་དངོས་མིན་ཤུལ་བཞག་རིག་དངོས་རོལ་མྱོང་བྱེད་ཐུབ་པ་དང་ལྟེ་གནས་འདི་གནས་མཆོག་སྐུ་འབུམ་བྱམས་པ་གླིང་དང་ཐག་ཉེ་ནས་ཆགས་ཡོད་ལ། དེས་བོད་ཀྱི་རིག་གནས་ཐོན་ལས་ཐད་ཀྱི་ཤུལ་བཞག་རིག་དངོས་སྲུང་སྐྱོང་རྣམ་གྲངས་ལ་ཁ་གསབ་བྱས་པ་རེད།
དངོས་མིན་ཤུལ་བཞག་རིག་གནས་རྒྱུད་འཛིན་བྱས་ཏེ་བོད་མི་རིགས་ཀྱི་དམངས་ཁྲོད་སྒྱུ་རྩལ་རོལ་མྱོང་བྱེད་པ་ནི་ལྟེ་གནས་འདིའི་ཁྱད་ཆོས་ཡིན་པ་དང་། གནས་སྐོར་བས་དམངས་ཁྲོད་ཀྱི་ལག་ཤེས་བཟོ་རྩལ་གཙོ་བྱས་པའི་ཟངས་ལྕགས་རིགས་དང་ཐང་ག མ་ཎི་རྡོ་བརྐོས། བོད་ཀྱི་ས་གདན། ཞིང་བའི་རི་མོ་སོགས་ལྟ་སྐོར་རོལ་མྱོང་བྱེད་ཐུབ་པ་མ་ཟད། ད་དུང་མ་ཎི་འཁོར་ལོ་དང་བོད་ལུགས་ཅ་ལག མཆོད་རྫས་སོགས་གཙོ་ཡིན་པའི་བོད་མི་རིགས་ཀྱི་དམངས་སྲོལ་འཚོ་བ་རོལ་མྱོང་བྱེད་ཐུབ་པ་རེད།
རང་ཞིང་དུ་བྱེད་ནུས་ཡོངས་རྫོགས་ཆ་ཚང་ཡིན་པའི་ཁྱད་ལྡན་གནས་སྐོར་ས་ཁུལ་གཅིག་པུ་ཡིན་པའི་ཆ་ནས། པད་མ་འདབ་བརྒྱད་དངོས་མིན་ཤུལ་བཞག་རིག་དངོས་རྒྱུད་འཛིན་ལྟེ་གནས་ཀྱིས་དངོས་མིན་ཤུལ་བཞག་རིག་དངོས་རྣམ་གྲངས་དང་མི་རིགས་ལག་ཤེས་བཟོ་རྩལ་གཉིས་ཟུང་འབྲེལ་བྱས་ཏེ། སྔར་ལས་ལྷག་པར་གནས་སྐོར་བའི་མཚོ་སྔོན་ཞིང་ཆེན་གྱི་མིང་རྟགས་གྲགས་ཅན་ཁེ་ལས་དང་ས་དེའི་དམངས་ཁྲོད་ལག་ཤེས་བཟོ་རྩལ་ལ་རྒྱུས་ལོན་བྱེད་ཐུབ་པ་དང་རང་ཞིང་གི་དངོས་མིན་ཤུལ་བཞག་རིག་དངོས་རྒྱལ་ཁབ་ཕྱི་ནང་ཀུན་ལ་གྲགས་པར་གར་སྟེགས་གསར་བ་ཞིག་སྐྲུན།  །