ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ4པའི་ཚེས29ཉིན་འབྱོར་བའི་གཏམ་གསར། ཚོང་དོན་པུའུ་ནས་ཤེས་རྟོགས་བྱུང་བར་གཞིགས་ན། ནེ་པ་ལ་སྲིད་གཞུང་གིས་འགུལ་འགོག་གནོད་སེལ་བྱེད་པར་རྒྱབ་སྐྱོར་བྱ་ཆེད། ཀྲུང་གོ་སྲིད་གཞུང་གིས་མུ་མཐུད་དེ་ནེ་པ་ལའི་འགུལ་སྐྱོན་ཐེབས་ཁུལ་ལ་རེས་གཉིས་པའི་ཛ་དྲག་ཆེ་བའི་རྒུད་སྐྱོབ་དངོས་རྫས་རོགས་སྐྱོར་བྱ་རྒྱུའི་གྲོས་ཐག་བཅད།
རེས་གཉིས་པའི་ཛ་དྲག་ཆེ་བའི་རྒུད་སྐྱོབ་དངོས་རྫས་ལ་རིན་གོང་སྒོར་ཁྲི4000རི་བའི་འཐུང་ཆུ་གཙང་མ་དང་། མྱུར་སྐྱོབ་སྨན་ཁུག རྒུད་སྐྱོབ་གུར་དང་བལ་ཕྱར་སོགས་གཏོགས་ཡོད། ཚོང་དོན་པུའུ་ཡིས་འབྲེལ་ཡོད་སྡེ་ཚན་དང་མཐུན་སྦྱོར་བྱས་ཏེ་རྒུད་སྐྱོབ་དངོས་རྫས་ཚོ་གཅིག་དེ་ནེ་པ་ལར་སྐྱེལ་འདྲེན་བྱ་རྒྱུའི་འཆར་གཞི་བཟོ་འགོད་བྱས་ཤིང་། དུས་ཚོད་ཐུང་ཐུང་གི་ནང་རྒུད་སྐྱོབ་དངོས་རྫས་ནེ་པ་ལའི་རྒྱལ་ས་ཀ་ཏ་མན་རྡུར་བསྐྱལ་ཐུབ་པར་བྱ་རྒྱུ་རེད།