ཉིས་སྟོང་བཅོ་ལྔ་ལོའི་ཟླ་བཞི་བའི་ཚེས་ཉེར་བདུན་ཉིན།ནེ་པཱ་ལཱའི་ཀ་ཏི་མན་ཏུའུ་ནས་ནེ་པཱ་ལཱའི་ཉེན་རྟོག་པས་གཏོར་བཤིག་ཐེབས་པའི་ལྷ་ཁང་ཞིག་གི་ཞིག་རོ་སློག་ནས་སྲོག་ཉེན་ལས་ཐར་བའི་མི་བཙལ་བཞིན་པ།
  ཀྲུང་གོ་བོད་ཀྱི་དྲ་བའི་འཕྲིན། ཚེས་ཉེར་བརྒྱད་ཉིན་བསྒྲགས་པའི་གནས་ཚུལ་ལྟར་ན།ནེ་པཱ་ལཱའི་དཔོན་ཕྱོགས་ཀྱིས་བཤད་རྒྱུར།མིག་སྔར་ཚད་རིམ་བརྒྱད་དང་གྲངས་ཆུང་གཅིག་གི་ས་འགུལ་དྲག་པོ་བྱུང་བ་ལས་མི་སྟོང་བཞི་ལྷག་རྐྱེན་ལམ་དུ་ཤོར་བ་དང་།མི་སྟོང་བདུན་དང་ལྔ་བརྒྱ་ལ་རྨས་ཕོགཤི་བོའི་ཁ་གྲངས་སྔར་ལས་ཇེ་མང་དུ་འགྲོ་ངེས་རེད་ཟེར།ནེ་པཱ་ལཱ་འི་མཐོ་རིམ་གནོད་འཚེའི་དོ་དམ་དཔོན་པོ་ཏན་ཀི་ཨར་གྱིས་བཤད་རྒྱུར།ནེ་པཱ་ལཱའི་ས་འགུལ་དྲག་པོའི་གནོད་འཚེ་ལས་མི་སྟོང་བཞི་དང་བཅུ་རྐྱེན་ལམ་དུ་ཤོར་བ་དང་།གཞན་ཡང་མི་སྟོང་བདུན་དང་ལྔ་བརྒྱ་ལྷག་ལ་རྨས་ཕོག་ཡོད་ཟེར།ཁོས་ད་རུང་བསྟན་དོན།རྒུད་སྐྱོབ་མི་སྣས་ཀ་ཏི་མན་ཏུའུ་ཕྱི་རོལ་གྱི་སྡེ་བ་མང་བོར་གཏོར་བརླག་ཚབས་ཆེན་ཐེབས་པའི་གནས་ཚུལ་ཤེས་ཡོད་ལ།ཤི་བོའི་ཁ་གྲངས་སྔར་ལས་ཇེ་མང་དུ་འགྲོ་ངེས་རེད་ཟེར།འཛམ་གླིང་འཕྲོད་བསྟེན་རྩ་འཛུགས་ཀྱིས་ཚོད་དཔག་བྱས་པ་ལྟར་ན།ས་འགུལ་གྱི་གནོད་འཚེ་དེས་མི་ས་ཡ་ལྔ་ལྷག་ལ་ཤུགས་རྐྱེན་ཐེབས་ཡོད་པ་དང་།འཛམ་གླིང་འཕྲོད་བསྟེན་རྩ་འཛུགས་ཀྱིས་མྱུར་མོར་མི་འབུམ་བཞི་ལྷག་གིས་བེད་སྤྱོད་བྱས་ཆོག་པའི་བྲེལ་མྱུར་སྨན་བཅོས་དང་རྒུད་སྐྱོབ་ཚན་ཆུང་།མེ་སྒོར་ས་ཡ་གཅིག་དང་འབུམ་བདུན་ཁྲི་ལྔའི་རོགས་སྐྱོར་མ་དངུལ་བཅས་འདོན་སྤྲོད་བྱས་ཡོད་ཟེར།མཉམ་འབྲེལ་རྒྱལ་ཚོགས་འཛམ་གླིང་འབྲུ་རིགས་འཆར་འགོད་ཁང་གིས་བཤད་རྒྱུར།མཉམ་འབྲེལ་རྒྱལ་ཚོགས་ཀྱིས་ནེ་པཱ་ལཱ་ནས་གཞི་རྒྱ་ཆེ་བའི་རོགས་སྐྱོར་འགུལ་སྐྱོད་སྤེལ་རྒྱུ་ཡིན་པ་དང་།འབྲུ་རིགས་སྐྱེལ་འདྲེན་བྱེད་པའི་འགྲུལ་སྐྱེལ་གནམ་གྲུ་ཐོག་མ་དེ་ཚེས་ཉེར་བརྒྱད་ཉིན་ནེ་པཱ་ལཱ་རུ་འབྱོར་ཐུབ་ཟེར།  །