སྐོར་ཐེངས་གཉིས་པའི་མང་ཚོགས་ལམ་ཕྱོགས་སློབ་གསོ་ལག་ལེན་བྱ་འགུལ་གྱི་སྐུལ་འདེད་ཚོགས་འདུ་ཚེས20ཉིན་ཧྲིན་ཡང་ནས་ཚོགས་པ་དང་།ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན།ཀྲུང་དབྱང་ཏང་གི་མང་ཚོགས་ལམ་ཕྱོགས་སློབ་གསོ་ལག་ལེན་བྱ་འགུལ་མགོ་ཁྲིད་ཚན་ཆུང་གི་ཚན་གཙོ་ལིག་ཡུན་ཧྲན་སྐུལ་འདེད་ཚོགས་འདུར་ཞུགས་ནས་གསུངས་བཤད་གནང་།ཁོང་གིས་ཚད་གཞི་མཐོ་ཞིང་སྤུས་ཚད་མཐོ་བ་རྒྱུན་འཁྱོངས་བྱེད་པ་དང་།ཕྱོགས་སོ་སོའི་བྱ་བ་སྣ་ཚོགས་བཟང་བོར་སྒྲུབ་ནས།སློབ་གསོ་ལག་ལེན་བྱ་འགུལ་ཐད་ནས་གྲུབ་འབྲས་བཟང་བོ་ལེན་པར་འགན་སྲུང་བྱེད་དགོས་ཞེས་ནན་གྱིས་གསུངས།
ཚོགས་ཐོག་ཏུ་ལེའོ་ཉིན་དང་པེ་ཅིན།ཐེན་ཅིན།ཧི་པེ།ཅི་ལིན།ཧེ་ལུང་ཅང་།ཧྲང་ཧེ།ཅང་སུའུ།ཀྲེ་ཅང་།ཧྥུའུ་ཅན།ཧྲན་ཏུང་བཅས་ཞིང་ཆེན་དང་གྲོང་ཁྱེར་བཅུ་གཅིག་གི་ཏང་ཨུའི་འགན་ཁུར་པ་དང་དེའི་ཁོངས་སུ་གཏོགས་པའི་གྲོང་ཁྱེར་དང་རྫོང་གི་ཏང་ཨུའི་ཧྲུའུ་ཅིའི་འཐུས་མི།དེ་མིན་ཀྲུང་དབྱང་སྐོར་ཞིབ་ལྟ་རྟོག་མཛུབ་སྟོན་ཚན་ཁག་གི་ཚན་གཙོ་བཅས་ཀྱིས་སྔ་གཞུག་ཏུ་གཏམ་བཤད།ཁོ་ཚོས་གཅིག་གྱུར་སྒོས་བལྟས་ན།སྐོར་ཐེངས་གཉིས་པའི་སློབ་གསོ་ལག་ལེན་བྱ་འགུལ་སྤེལ་མགོ་བརྩམས་པ་བཟང་ནའང་ས་ཁུལ་ཁ་ཤས་སུ་མཐོང་ཆེན་བྱས་པ་མི་འདང་བ་དང་ཕྱི་ཚུལ་གྱི་རྣམ་པ་ཙམ་སྤེལ་བའི་གནད་དོན་གནས་ཡོད་པས།བསམ་བློའི་ངོས་ཟིན་སྔར་ལས་ཇེ་མཐོར་གཏོང་བ་དང་བྱ་བའི་བྱེད་ཐབས་སྔར་ལས་ཇེ་དྲག་ཏུ་གཏོང་དགོས་པར་སྙམ།
ལིག་ཡུན་ཧྲན་གྱིས་གསུངས་རྒྱུར།སློབ་སྦྱོང་སློབ་གསོ་དེ་གོ་གནས་གལ་ཆེན་ཏུ་བཞག་སྟེ་ཏང་ཡོན་ལས་བྱེད་པ་རྩ་འཛུགས་བྱས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱི་གསུངས་བཤད་གལ་ཆེན་རབ་དང་རིམ་པར་ནན་ཏན་སྒོས་སློབ་སྦྱོང་བྱེད་པ་དང་།ཀྲུང་དབྱང་གིས་གཏན་ལ་ཕབ་པའི་དཔེ་ཆ་ལ་སློབ་སྦྱོང་བཟང་བོ་བྱས་ནས།སྔོན་ཐོན་དཔེ་ལེགས་ཅན་མིག་དཔེར་འཛིན་པ་དང་བསམ་བློ་སྟེང་ནས་ངོས་འཛིན་གསལ་བོ་བྱེད་དགོས་པར་མ་ཟད་ཏང་གཤིས་བློ་སྦྱོང་ལ་ཤུགས་སྣོན་དགོས།སྲོལ་ངན་བཞི་ཡི་གནད་དོན་དེ་ཕྱོགས་སོ་སོ་དང་རིམ་པ་སོ་སོ་རུ་གནས་ཡོད་པ་དང་།གནད་འགག་ནི་རང་རྟོགས་སྒོས་ཁས་ལེན་དང་དོན་དངོས་དང་འབྲེལ་ནས་རྩད་གཅོད་པ་དང་།རྩད་ཆོད་པའི་གནད་དོན་དེ་དུས་ལྟར་ཐག་བཅད་ན་ཧ་ཅང་བཟང་ཟེར།
ལིག་ཡུན་ཧྲན་གྱིས་གསུངས་རྒྱུར།སྐོར་ཐེངས་གཉིས་པའི་སློབ་གསོ་ལག་ལེན་བྱ་འགུལ་བཟང་བོར་སྤེལ་ན།ཞིང་ཆེན་དང་རང་སྐྱོང་ལྗོངས།གྲོང་ཁྱེར་བཅས་སོ་སོའི་ཏང་ཨུ་ཡིས་སྤྱིའི་འཁུར་ཁུར་པ་དང་མགོ་ཁྲིད་པ་གཙོ་བོས་དངོས་སུ་བྱ་བ་སྒྲུབ་དགོས།གྲོང་ཁྱེར་དང་རྫོང་གི་མགོ་ཁྲིད་ལས་བྱེད་པས་ངེས་པར་དུ་སློབ་གསོ་ཐོབ་པ་དང་བྱ་འགུལ་དམ་འཛིན་བྱེད་པ་གཉིས་ཀྱི་ནུས་པ་འདོན་སྤེལ་བཟང་བོ་བྱས་ཏེ།སྣེ་ཁྲིད་ནས་བྱ་འགུལ་ལ་ཞུགས་པ་དང་དཔེ་སྟོན་གྱི་རྣམ་པ་བཟང་བོ་ཆགས་པར་བྱེད་དགོས་པར་མ་ཟད།སྣེ་ཁྲིད་མཁན་དང་རྩ་འཛུགས་མཁན་གྱི་འཁན་འཁྲི་ལག་བསྟར་བཟང་བོ་བྱེད་དགོས་ཟེར།  །