ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ཀྱིས་ཟུར་སྐྱོར་བྱེད་ཤུགས་ཆེ་རུ་གཏོང་བ་བརྒྱུད་རྫོང་རིམ་པའི་དམངས་ཁྲོད་སྒྱུ་རྩལ་ཚོགས་པའི་འཛུགས་སྐྲུན་ལ་སྐུལ་འདེད་བཏང་ཡོད། གཞིས་རྩེ་ས་ཁུལ་གྱི་ས་སྐྱ་རྫོང་དུ་དུས་ཆེན་ཆེ་ཁག་ཚང་མར་ས་གནས་དེའི་དམངས་ཁྲོད་སྒྱུ་རྩལ་ཚོགས་པས་ཐག་རིང་གི་ཞིང་འབྲོག་ཁུལ་དང་། རི་གྲོང་གི་སློབ་གྲྭར་བསྐྱོད་དེ་བོད་རིགས་མང་ཚོགས་ཚོར་ལྷ་མོ་དང་། ཟློས་གར་སོགས་སྣེ་མང་ཕུན་སུམ་ཚོགས་པའི་རིག་གནས་འཁྲབ་སྟོན་བྱེད་ཀྱི་ཡོད་པ་རེད།

རྫོང་རིམ་པའི་དམངས་ཁྲོད་སྒྱུ་རྩལ་ཚོགས་པ་ཚང་མར་ལོ་ལྟར་བོད་ཀྱིས་ནོར་སྲིད་ཡོང་འབབ་ཁྲོད་ནས་རང་སྐྱོང་ལྗོངས་ཀྱིས་དངུལ་སྒོར་ཉིས་འབུམ་དང་། ས་ཁུལ་གྱིས་སྒོར་ཆིག་འབུམ། རྫོང་གིས་སྒོར་ཆིག་འབུམ་བཅས་གཏོང་དགོས་པའི་ཚད་གཞི་ལྟར་མ་དངུལ་ཐད་ནས་ཟུར་སྐྱོར་བྱེད་ཀྱི་ཡོད། མིག་སྔའི་བར། ལྗོངས་ཡོངས་ཀྱི་རྫོང་74ཡི་ནང་རྫོང་67གྱིས་རྫོང་རིམ་པའི་དམངས་ཁྲོད་སྒྱུ་རྩལ་ཚོགས་པ་བཙུགས་ཡོད་པ་དང་། ལྗོངས་ཡོངས་ཀྱི་བརྒྱ་ཆ་90ཡན་ཟིན་གྱི་ཡོད་པ་རེད། །