ཟླ3པའི་ཚེས10ཉིན་གྱི་སྔ་དྲོར་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན།རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲེན་ཧྲིན་བོད་ལྗོངས་ཀྱི་འཐུས་མི་ཚོགས་པའི་གྲོས་ཞིབ་ནང་ཞུགས།ཡུས་ཀྲིན་ཧྲིན་གྱིས་འཐུས་མི་རྣམས་ཀྱི་གཏམ་བཤད་ལ་ཉན་རྗེས་གསུངས་རྒྱུར།བློ་མཐུན་ཞི་ཅིན་ཕེན་སྤྱི་ཁྱབ་ཧྲུའུ་ཅི་ཡིན་པའི་ཏང་ཀྲུང་དབྱང་གིས་བོད་ལྗོངས་བྱ་བའི་ཐད་ལ་གནང་བའི་མཛུབ་སྟོན་གསར་བ་དང་རེ་བ་གསར་བར་ནན་ཏན་སྒོས་སློབ་སྦྱོང་དང་ལག་ལེན་མཐར་ཕྱིན་བྱས་ཏེ།རྒྱལ་ཁབ་སྐྱོང་ན་ངེས་པར་དུ་མཐའ་མཚམས་སྐྱོང་དགོས་པ་དང་མཐའ་མཚམས་སྐྱོང་ན་ཐོག་མར་བོད་ལྗོངས་བརྟན་འཇགས་སུ་གཏོང་དགོས་པའི་འཐབ་ཇུས་བསམ་བློ་གལ་ཆེན་གསལ་བོར་ཤེས་པར་བྱེད་པ་དང་།ཁྲིམས་ལྟར་བོད་ལྗོངས་སྐྱོང་བ་དང་ཡུན་རིང་ལ་བོད་ལྗོངས་འཛུགས་སྐྲུན་བྱེད་པ།མི་སེམས་འགུག་པ་དང་རྨང་གཞི་སྲ་བརྟན་དུ་གཏོང་བ་བཅས་རྒྱུན་འཁྱོངས་བྱེད་པ་དང་།ལས་བྱེད་པ་དང་མང་ཚོགས་ལ་སྣེ་ཁྲིད་བྱས་ཏེ་སྐུ་ཕྲེང་བཅུ་བཞི་བའི་ཏཱ་ལའི་སྡེ་ཚོགས་ཀྱི་དབུ་མའི་ལམ་དང་ཚད་མཐོའི་རང་སྐྱོང་གི་ངོ་བོ་དང་གནོད་འཚེ་གསལ་བོར་ཤེས་པར་བྱེད་དགོས་ལ།དཔལ་འབྱོར་མྱུར་དུ་འཕེལ་རྒྱས་སུ་གཏོང་བ་དང་དམངས་འཚོ་ལེགས་བཅོས་བྱས་ནས་ཧུར་ཐག་སྒོས་བོད་ལྗོངས་ཕྱོགས་ཡོངས་ནས་འཕེལ་རྒྱས་སུ་འགྲོ་བ་དང་རྒྱུན་མཐུད་བརྟན་འཇགས་ཀྱི་རྣམ་པ་བཟང་བོ་སྲུང་འཛིན་བྱེད་དགོས་པར་མ་ཟད།བོད་ལྗོངས་ཀྱི་ཡུན་རིང་བདེ་འཇགས་ལ་འགན་སྲུང་བྱེད་དགོས་ཟེར།