ཟླ་དང་པོའི་ཚེས6ཉིན། ཏང་དང་རྒྱལ་ཁབ་ཀྱི་མགོ་ཁྲིད་པ་ཞི་ཅིན་ཕེན་དང་ལིས་ཁི་ཆང་དང་ཀྲང་ཏི་ཅང་། ཡུས་ཀྲིན་ཧྲིན། ལིག་ཡུན་ཧྲན། ཝང་ཆི་ཧྲན། ཀྲང་ཀའོ་ལི་བཅས་ཀྱིས་པེ་ཅིན་མི་དམངས་ཚོགས་ཁང་ཆེན་མོའི་ནང་ཟླ་བར་འཚོལ་ཞིབ་བྱེད་པའི་ཟླ་བའི་ལྷ་མོའི་ཞིབ་འཇུག་དང་ཚོད་ལྟའི་ལས་འགན་ཁྲོད་ཞུགས་པའི་མི་སྣའི་འཐུས་མིར་མཇལ་འཕྲད་གནང་། པར་འདི་ནི་ཞི་ཅིན་ཕེན་གྱིས་གསུང་བཤད་གལ་ཆེན་གནང་བཞིན་པའི་ཚུལ་རེད།

ཟླ་དང་པོའི་ཚེས6ཉིན། ཏང་དང་རྒྱལ་ཁབ་ཀྱི་མགོ་ཁྲིད་པ་ཞི་ཅིན་ཕེན་དང་ལིས་ཁི་ཆང་དང་ཀྲང་ཏི་ཅང་། ཡུས་ཀྲིན་ཧྲིན། ལིག་ཡུན་ཧྲན། ཝང་ཆི་ཧྲན། ཀྲང་ཀའོ་ལི་བཅས་ཀྱིས་པེ་ཅིན་མི་དམངས་ཚོགས་ཁང་ཆེན་མོའི་ནང་ཟླ་བར་འཚོལ་ཞིབ་བྱེད་པའི་ཟླ་བའི་ལྷ་མོའི་ཞིབ་འཇུག་དང་ཚོད་ལྟའི་ལས་འགན་ཁྲོད་ཞུགས་པའི་མི་སྣའི་འཐུས་མིར་མཇལ་འཕྲད་གནང་བ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕེན་གྱིས་ཟླ་དང་པོའི་ཚེས6ཉིན་གྱི་སྔ་དྲོར་པེ་ཅིན་མི་དམངས་ཚོགས་ཁང་ཆེན་མོའི་ནང་ཟླ་བར་ཚོད་ཞིབ་བྱེད་པའི་ཟླ་བའི་ལྷ་མོ་གསུམ་པའི་ཞིབ་འཇུག་དང་ཚོད་ལྟ་བྱ་བར་ཞུགས་པའི་མི་སྣའི་འཐུས་མིར་མཇལ་འཕྲད་གནང་བ་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཀྲུང་དབྱང་དམག་དོན་ཨུ་ཡོན་ལྷན་ཁང་བཅས་ཀྱི་ཚབ་བྱས་ཏེ། ཟླ་བ་ལྷ་མོ་གསུམ་པའི་ཞིབ་འཇུག་དང་ཚོད་ལྟ་བྱེད་པའི་ལས་འགན་ཕུན་སུམ་ཚོགས་པའི་ངང་ཡོངས་འགྲུབ་བྱེད་པར་སྤྲོ་སེམས་འཁོལ་བའི་ངང་རྟེན་འབྲེལ་ཞུས་པ་དང་། ཞིབ་འཇུག་དང་ཚོད་ལྟ་ལས་འགན་ཁྲོད་ཞུགས་པའི་རྒྱ་ཆེའི་མི་སྣར་སྙིང་ཐག་པ་ནས་འཚམས་འདྲི་དང་ལོ་གསར་གྱི་སྨོན་འདུན་ཞུས། ཁོང་གིས་ནན་གྱིས་གསུངས་རྒྱུར། ཚན་རྩལ་གསར་བསྐྲུན་བྱེད་པ་ནི་སྤྱི་ཚོགས་ཀྱི་ཐོན་སྐྱེད་ནུས་ཤུགས་དང་ཕྱོགས་བསྡུས་རྒྱལ་ཤུགས་ཇེ་ཆེར་གཏོང་བའི་འཐབ་ཇུས་ཀྱི་རྒྱབ་བརྟེན་ཡིན་པས། ངེས་པར་དུ་ཚན་རྩལ་གསར་བསྐྲུན་བྱེད་རྒྱུ་དེ་རྒྱལ་ཁབ་འཕེལ་རྒྱས་ཀྱི་ཁྱོན་ཡོངས་ཀྱི་གོ་གནས་གཙོ་བོར་བཞག་སྟེ། ཀྲུང་གོའི་ཁྱད་ཆོས་ཀྱི་རང་བདག་གསར་བསྐྲུན་གྱི་བགྲོད་ལམ་རྒྱུན་འཁྱོངས་བྱེད་པ་དང་། གཞན་སོང་མ་མྱོང་བའི་བགྲོད་ལམ་གསར་གཏོད་བྱེད་པ། རྒྱུན་ཆད་མེད་པར་དཀའ་ཁག་ཁྱད་སེལ་དང་ཡར་རྒྱས་བརྩོན་ལེན་བྱས་ནས། གསར་བསྐྲུན་འཕེལ་རྒྱས་ཀྱི་རྣམ་པ་མྱུར་དུ་བསྒྱུར་དགོས་ཟེར།

ཏང་དང་རྒྱལ་ཁབ་ཀྱི་མགོ་ཁྲིད་པ་ལིས་ཁི་ཆང་དང་ཀྲང་ཏི་ཅང་། ཡུས་ཀྲིན་ཧྲིན། ལིག་ཡུན་ཧྲན། ཝང་ཆི་ཧྲན། ཀྲང་ཀའོ་ལི་བཅས་མཇལ་འཕྲད་ལ་ཞུགས།

མི་དམངས་ཚོགས་ཁང་ཆེན་མོའི་ཚོམས་ཁང་བྱང་མའི་ནང་སྤྲོ་སེམས་འཁོལ་བའི་རྣམ་པས་ཁེངས། སྔ་དྲོའི་དུས་ཚོད་བཅུ་ཡས་མས་སུ། ཞི་ཅིན་ཕེན་སོགས་ཀྲུང་དབྱང་གི་མགོ་ཁྲིད་བློ་མཐུན་ཟླ་བའི་ལྷ་མོའི་ཞིབ་འཇུག་དང་ཚོད་ལྟ་བྱ་བར་ཞུགས་པའི་མི་སྣའི་འཐུས་མིའི་ཁྲོད་ཕེབས་སྐབས། ཚོགས་ར་ཡོངས་སུ་ཐལ་མོའི་རྡེབ་སྒྲས་ཁེངས། ཞི་ཅིན་ཕེན་སོགས་ཀྱིས་དགའ་སྤྲོའི་ངང་འཐུས་མི་རྣམས་དང་ཕྱག་འཇུ་མཛད་པར་མ་ཟད། ཟླ་བར་འཚོལ་ཞིབ་བྱེད་པའི་བཟོ་སྐྲུན་གྱི་སྤྱིའི་བཀོད་འདོམས་པ་དང་སྤྱིའི་ཇུས་འགོད་པ་སོགས་བློ་མཐུན་དང་སྙིང་ཉེ་བའི་ངང་གསུང་གླེང་མཛད་དེ། ཁོ་ཚོའི་བྱ་བ་དང་ལུས་ཁམས་བདེ་ཐང་གི་གནས་ཚུལ་ལ་ཞིབ་མོར་དྲིས།

ཞི་ཅིན་ཕེན་གྱིས་ཚང་མ་དང་མཉམ་དུ་དྲན་རྟེན་ཏུ་པར་བླངས།

དེའི་རྗེས་སུ་ཞི་ཅིན་ཕེན་གྱིས་གསུང་བཤད་གལ་ཆེན་

ཞི་ཅིན་ཕེན་གྱིས་གསུངས་རྒྱུར། ཟླ་བའི་ལྷ་མོ་གསུམ་པའི་ཞིབ་འཇུག་དང་ཚོད་ལྟའི་ལས་འགན་ཕུན་ཚོགས་པའི་ངང་ལེགས་གྲུབ་བྱུང་བ་ལས་རང་རྒྱལ་གྱི་མཁའ་སྐྱོད་ལས་དོན་འཕེལ་རྒྱས་སུ་གཏོང་བར་ལོ་རྒྱུས་རང་བཞིན་ལྡན་པའི་བྱས་རྗེས་གསར་བ་བསྐྲུན་པ་དང་། མིའི་རིགས་ཀྱིས་ཚན་རྩལ་གྱི་ཡང་རྩེར་སྙེག་པའི་བརྒྱུད་རིམ་ཁྲོད་གྲུབ་འབྲས་ཆེན་པོ་བླངས་མཚོན་ཡོད་ཟེར། 　

ཞི་ཅིན་ཕེན་གྱིས་ནན་གྱིས་གསུངས་རྒྱུར། ཟླ་བར་ཚོད་ཞིབ་བྱེད་པའི་བཟོ་སྐྲུན་ལས་འགན་ལ་བསྟུད་མར་ལེགས་གྲུབ་བྱུང་སྟེ། འཛམ་གླིང་གི་ཟླ་བར་འཚོལ་ཞིབ་བྱེད་པའི་ལོ་རྒྱུས་སྟེང་ཀྲུང་གོའི་ཟིན་ཐོ་བསྐྲུན། གྲུབ་འབྲས་དེ་ལས་མཁའ་སྤྱོད་པ་རབས་འགའི་བློ་གྲོས་དང་སེམས་ཤུགས་འདུས་ཡོད་ལ། ང་ཚོའི་རྒྱལ་ཁབ་ཀྱི་ཕྱོགས་བསྡུས་སྟོབས་ཤུགས་ལ་རྒྱབ་རྟེན་བྱས་ཡོད་པར་མ་ཟད། ཀྲུང་གོའི་མི་དམངས་ཀྱི་སྤྱིའི་སྟོབས་ཤུགས་གཅིག་བསྡུ་བྱས་པ་རེད། དེ་ལས་མངོན་པའི་དོན་སྙིང་ཆེས་གལ་ཆེན་ནི་རྒྱལ་ཡོངས་ཀྱི་རིགས་སོ་སོའི་མི་དམངས་ཀྱིས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་སུ་གཏོང་བའི་ཆོད་སེམས་དང་ཡིད་ཆེས་སྔར་ལས་ཇེ་ཆེར་གཏོང་རྒྱུ་དེ་ཡིན་ཟེར།  །