སློབ་མ་རྣམས་ཀྱིས་པི་ཝང་རྒྱུད་གསུམ་མའི་རྒྱང་སྒྲོག་ལུས་སྦྱོང་འཁྲབ་བཞིན་པ།

སློབ་མ་རྣམས་ཀྱིས་པི་ཝང་རྒྱུད་གསུམ་མའི་རྒྱང་སྒྲོག་ལུས་སྦྱོང་འཁྲབ་བཞིན་པ།
　　སྨར་ཁམས་ཀྱི་པི་ཝང་རྒྱུད་གསུམ་མའི་ཞབས་བྲོ་ནི་བོད་ལྗོངས་ཆབ་མདོའི་སྨར་ཁམས་རྫོང་དུ་དར་ཁྱབ་ཆེ་བའི་དམངས་ཁྲོད་ཀྱི་ཞབས་བྲོ་ཞིག་ཡིན་ཞིང་། 2006ལོར་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་མིང་ཐོ་རུ་བཞག་ནས་འཛིན་སྐྱོང་སྤེལ་གསུམ་བྱེད་ཀྱིན་ཡོད་པ་རེད། 
　　བོད་ལྗོངས་ཆབ་མདོ་ས་ཁུལ་གྱི་ཚོད་ལྟའི་སློབ་ཆུང་གིས2012ལོར་སྨར་ཁམས་ཀྱི་པི་ཝང་རྒྱུད་གསུམ་མའི་ཞབས་བྲོ་དེ་ཉིན་རེའི་རྒྱང་སྒྲོག་ལུས་སྦྱོང་འཇོག་རྒྱུའི་རེ་བ་བཏོན་ཞིང་། ད་ལོ་ནས་བཟུང་སློབ་གྲྭ་རུ་དངོས་སུ་ལག་བསྟར་བྱས། རྒྱུས་ལོན་པ་ལྟར་ན་སློབ་གྲྭ་དེ་གས་གླུ་གར་ཚོགས་པའི་ཆེད་ལས་འཁྲབ་སྟོན་པ་གདན་ཞུ་བྱས་ནས་ཞབས་བྲོའི་འཁྲབ་སྟངས་འཁྲབ་སྦྱོང་བྱས་པས། སློབ་མ་རྣམས་ཀྱིས་པི་ཝང་རྒྱུད་གསུམ་མའི་ཞབས་བྲོའི་རྩ་གནད་དག་ཁོང་དུ་ཆུད་པར་སྦྱངས། སློབ་གསེང་གི་སྐབས་སུ་སློབ་གྲྭས་པི་ཝང་རྒྱུད་གསུམ་མའི་ཞབས་བྲོའི་འགྲན་སྡུར་ཁག་ཅིག་སྤེལ་ལ། བྱ་འགུལ་དེ་དག་བརྒྱུད་ནས་སློབ་མ་རྣམས་ཀྱི་ལུས་ཕུང་ལ་སྦྱོང་བརྡར་ཐོབ་པར་མ་ཟད། བོད་ཀྱི་ཕུལ་དུ་བྱུང་བའི་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་བྱེད་པར་དགེ་མཚན་ཆེན་པོ་ལྡན་པ་རེད།