གསར་འགོད་པས་བོད་ལྗོངས་སློབ་ཆེན་དྲིལ་བསྒྲགས་པུའུ་ནས་ཤེས་རྟོགས་བྱུང་བར་གཞིགས་ན།   ཉེ་བའི་ལོའི་ཚུན།   བོད་ལྗོངས་སློབ་ཆེན་གྱིས་སྔར་ལས་ལྷག་པའི་སྒོ་ནས་སློབ་གསོ་གསར་གཏོད་དང་།བྱང་ཚད་ཤུགས་སྣོན་སོགས་བྱས་ནས་སློབ་མ་ཚོའི་ལགས་ལེན་གྱི་ནུས་པ་གོང་མཐོར་ཕྱིན་སྟེ་སྣེ་མང་གི་རྒྱལ་ཡོངས་འགྲན་བསྡུར་ཁྲོད་གྲུབ་འབྲས་ལེགས་པོ་ཐོབ་ཡོད་པ་རེད།  
     བོད་ལྗོངས་སློབ་ཆེན་གྱི་འགྲན་བསྡུར་རུ་ཁག་༡༤སྤྱི་ལོ་༢༠༡༣ལོའི་རྒྱལ་ཡོངས་ཀྱི་སློབ་ཆེན་སློབ་མའི་གློག་རྡུལ་འཆར་འགོད་འགྲན་བསྡུར་ཟི་ཁྲོན་འགྲན་བསྡུར་ཁུལ་དུ་ཞུགས་པ་དང་འཛུབ་ཁྲིད་དགེ་རྒན་༧གྱི་གཟབ་ནན་གྱིས་འཛུབ་ཁྲིད་འོག་རུ་ཁག་༩ཟི་ཁྲོན་འགྲན་བསྡུར་ཁུལ་གྱི་རུ་ཁག་༦༦༧ཁྲོད་གྲུབ་འབྲས་བཟང་པོ་ཞིག་ཐོབ་ནས་ཁག་སོ་སོར་བྱ་དགའ་རིམ་པ་དང་པོ་གཅིག་དང་།  བྱ་དགའ་རིམ་པ་གཉིས་པ་གསུམ།བྱ་དགའ་རིམ་པ་གསུམ་པ་ལྔ་བཅས་ཀྱི་གཡུར་ཟའི་གྲུབ་འབྲས་ཐོབ་ཡོད་པ་རེད།
    ཨེ་ཤ་ཡའི་སློབ་གསོ་པེ་ཅིང་གླིང་སྟེགས་དང་།  ཀྲུང་གོའི་ན་གཞོན་ཚགས་པར།  ཀྲུང་གོའི་མཐོ་སློབ་སྨྱན་སྦྱོར་གནའ་འབྲེལ་ཚོགས་པ་བཅས་ཀྱི་མཉམ་དུ་གཙོ་གཉེར་བྱས་པ་དང་ཕིང་ཡའོ་རྒྱལ་སྤྱིའི་པར་ལེན་འགྲན་བསྡུར་ཆེན་མོ་སྒྲིག་འཛུགས་ཨུ་ཡོན་ལྷན་ཁང་གི་གཞོགས་འདེགས་བྱས་པའི་སྐབས་བརྒྱད་པའི་ཨེ་ཤ་ཡའི་སློབ་ཆེན་སློབ་མའི་པར་ལེན་འགྲེམ་སྟོན་ཐོག་བོད་ལྗོངས་སློབ་གྲྭ་ཆེན་མོའི་བཟོ་ལས་སློབ་གླིང་སྤྱི་ལོ་༢༠༡༠ལོའི་ཨར་སྐྲུན་འཛིན་གྲྭའི་སློབ་མ་མེང་ཧྲའོ་ཀེང་གི་བརྩམས་ཆོས་༼སྤྲོ་སྣང་ལྡན་པའི་དུས་སྐབས༽ཞེས་པ་དེར་རྒྱལ་ཁབ་དང་ས་ཁུལ་༣༠ཙམ་ཡོང་བའི་བརྩམས་ཆོས་༢༡༠༠ཁྲོད་རིམ་པ་ཨང་དང་པོ་ཐོབ་ཡོད་པ་རེད།