ཀྲུང་གོའི་རྒྱལ་ཁབ་ཡུལ་སྐོར་ཅུའུ་དང་ཀྲུང་གོའི་དམངས་སྤྱོད་མཁའ་འགྲུལ་ཅུའུ། ཡུན་ནན་ཞིང་ཆེན་མི་དམངས་སྲིད་གཞུང་བཅས་ཀྱི་ཐུན་མོང་ཐོག་གཙོ་གཉེར་བྱས་པའི་སྤྱི་ལོ2013ལོའི་ཀྲུང་གོ་རྒྱལ་སྤྱིའི་ཡུལ་སྐོར་ཚོང་འདུས་དེ་སྤྱི་ཟླ10པའི་ཚེས24ཉིན་ནས27ཉིན་བར་ཡུན་ནན་ཁུན་མིང་དུ་སྐོང་འཚོག་བྱ་རྒྱུ་དང་མིག་སྔར་སྤྱིའི་གྲ་སྒྲིག་ལས་དོན་བདེ་བླག་ངང་སྤེལ་ནས་མཐའ་མའི་ལས་མཇུག་སྒྲིལ་བའི་དུས་ལ་སླེབས་ཡོད་པ་རེད།

ཡུན་ནན་ཞིང་ཆེན་ཡུལ་སྐོར་གོང་འཕེལ་ཨུ་ཡོན་ལྷན་ཁང་གིས་སྤྱི་ཟླ9བའི་ཚེས13ཉིན་གསར་འགྱུར་མཚམས་སྦྱོར་འོས་སྦྱོར་ཚོགས་འདུ་སྐོང་འཚོགས་བྱས་པ་རེད། བརྡ་ཁྱབ་བཏང་བར་གཞིགས་ན། ད་ལོའི་ཡུལ་སྐོར་ཚོང་འདུས་དེར་འགོ་ཚུགས་མཛད་སྒོ་སྟེ་སྣེ་ལེན་སྤྲོ་ཚོགས་གཉེར་རྒྱུ་མིན་པར་འགྲེམས་ཁང་དུ་འགྲེམས་ཁང་སྒོ་ཕྱེ་བ་དང་འགྲེམས་ཁང་ལ་སྐོར་བསྐྱོད་ཀྱི་བྱེད་སྒོར་བཅོས་རྒྱུ་དང་། གཙོ་གནད་ཐོག་ཡུན་ནན་གྱི་གཞི་རྒྱུ་དང་སྟབས་བདེ་བབ་ཆགས་ཀྱི་ཉམས་འགྱུར་མངོན་པར་བྱ་རྒྱུ་ཡིན་པ་རེད། ཡུལ་སྐོར་ཚོང་འདུས་རིང་གསོལ་སྟོན་བཤམས་ནས་མགྲོན་པོ་སྐད་གཏོང་རྒྱུ་མིན་པར་རང་འདེམས་ཟས་རིགས་རྣམ་པར་འགྱུར་རྒྱུ་ཡིན་པ་རེད།  །