ཟླ་བ7པའི་ཚེས22ཉིན་གྱི་ཞོགས་པའི་ཆུ་ཚོད7དང་སྐར་མ45ཐོག ཀན་སུའུ་ཞིང་ཆེན་མིང་རྫོང་དང་ཀྲང་རྫོང་གི་ས་མཚམས་སུ་ས་ཡོམ་རིམ་པ6.6ཡོང་ནས་མི་དང་ཁང་ས་རྒྱུ་ནོར་བཅས་ལ་གནོད་སྐྱོན་ཚབས་ཐེབས་པ་རེད། གསར་འགོད་པས་ཀན་སུའུ་ཞིང་ཆེན་འགུལ་འགོག་གནོད་སྐྱོབ་བཀོད་འདོམས་པུའུ་ནས་ཤེས་རྟོགས་བྱུང་བར་ལྟར་ན། ཚེས24ཉིན་གྱི་ཆུ་ཚོད13བར་བསླེབས་ཚེ་ཀན་སུའུ་ཞིང་ཆེན་མིང་རྫོང་དང་ཀྲང་རྫོང་དུ་ས་ཡོམ་རིམ་པ6.6ཡོང་ནས་ཏིང་ཞི་དང་། ལུང་ནན། ཐེན་ཧྲུའེ། པད་ཡིང་། ལིན་ཞ། ཀན་ལྷོ་བཅས་གྲོང་ཁྱེར་དང་ཁུལ་གྱི་རྫོང་དང་སྡེ་ཁུལ33དང་། ཡུལ་ཚོ་དང་གྲོང་རྡལ491 མི་གྲངས་ཁྲི78.01ལ་གནོད་སྐྱོན་ཐེབས་ཤིང་། དུད་ཚང་ཁྲི1.79ཡི་ཁང་པ་ཁྲི6.97རྡིབ་པ་རེད།
    ས་འགུལ་ཁྲོད་མི95རྐྱེན་ལམ་དུ་ཤོར་ཞིང་མི1366ལ་རྨས་ཕོག་པ་དང་། ཀན་སུའུ་ཞིང་ཆེན་གྱིས་ཁྱོན་བསྡོམས་མི་ཁྲི26.84ལ་མྱུར་སྤོ་བཀོད་སྒྲིག་བྱས་པ་རེད།