ཉེ་ཆར། བོད་ལྗོངས་གསོ་རིག་སློབ་གླིང་གིས་ཚན་རིག་ལག་རྩལ་མཐུན་ཚོགས་འཛུགས་པའི་ཚོགས་ཆེན་འཚོགས་ཏེ། བོད་ལྗོངས་གསོ་རིག་སློབ་གླིང་ཚན་རྩལ་མཐུན་ཚོགས་སྐབས་དང་པོའི་འཐུས་མི་ཚོགས་ཆེན་ཨུ་ཡོན་ལྷན་ཁང་གི་ཨུ་ཡོན་དང་འགོ་ཁྲིད་བདམས་ཐོན་བྱུང་བ་རེད།

འབྲེལ་ཡོད་འགན་འཁུར་མི་སྣས་ངོ་སྤྲོད་གནང་བར་གཞིགས་ན། བོད་ལྗོངས་གསོ་རིག་སློབ་གླིང་ཚན་རྩལ་མཐུན་ཚོགས་བཙུགས་པ་དེས་བོད་ལུགས་གསོ་རིག་དང་བོད་སྨན་གྱི་ཚན་རྩལ་གྲུབ་འབྲས་དེ་ཐོན་སྐྱེད་ནུས་ཤུགས་སུ་སྒྱུར་རྒྱུའི་གོམ་སྟབས་དང་། བོད་ལུགས་གསོ་རིག་དང་བོད་སྨན་རིག་གཞུང་དེ་སྲོལ་རྒྱུན་ལ་བརྟེན་པའི་རྣམ་པ་ནས་གསར་གཏོད་སྐུལ་འདེད་རྣམ་པར་སྒྱུར་རྒྱུའི་གོམ་སྟབས་མགྱོགས་སུ་འགྲོ་རྒྱུ། ཐོན་རྫས་ཞིབ་སྤེལ་ནུས་པ་དང་ཆུ་ཚད་མཐོ་རུ་འགྲོ་བ་དང་མཐོ་སློབ་ཀྱི་ཚན་རྩལ་སྔོན་གཏོད་སྟོབས་ཤུགས་སྔར་བས་འདོན་སྤེལ་ཐུབ་པ། རིག་གཞུང་གི་ཤུགས་རྐྱེན་ནུས་པ་ཆེ་རུ་ཕྱིན་ནས་བོད་ལུགས་གསོ་རིག་དང་བོད་སྨན་རིག་གཞུང་འཛམ་གླིང་ཐོག་བསྐྱོད་རྒྱུར་སྐུལ་འདེད་ཆེན་པོ་ཐེབས་རྒྱུ་རེད།  །