ཞིན་ཧྭ་གསར་འགྱུར་ཁང་དབྱིན་ཇི་ནས་འབྱོར་བའི་གཏམ་གསར། དུས་ཡུན་ཉིན་གཉིས་རིང་ལ་འཚོགས་པའི་རྒྱལ་ཁབ་བརྒྱད་ཀྱི་རིམ་པ་ཆེས་མཐོའི་གྲོས་ཚོགས་དེ་ཟླ་བ6པའི་ཚེས17ཉིན་གྱི་ཕྱི་དྲོར་དབྱིན་ཇིའི་ཨའེ་ཨེར་ལན་གྱི་ཨེ་ཨོ་མཚོའུ་དུ་འཚོགས་པ་རེད། འཛམ་གླིང་ཡོངས་ཀྱི་དཔལ་འབྱོར་དང་འཇིགས་སྐུལ་ལ་ངོ་རྒོལ་བྱ་རྒྱུའི་གནད་དོན་ལ་གྲོས་བསྡུར་བྱེད་པ་དེ་གལ་ཆེའི་གྲོས་དོན་ནང་བཞག་ཡོད།
   དེ་མིན་ཚོགས་ཞུགས་འགོ་ཁྲིད་རྣམ་པས་སི་རི་ཡའི་རྣམ་པ་སོགས་མི་ཚང་མས་དོ་སྣང་བྱས་པའི་གནད་དོན་ལ་ཕྱོགས་གཉིས་དང་ཡང་ན་ཕྱོགས་མང་པོའི་ཐད་ནས་གྲོས་བསྡུར་བྱས་ཡོད་པ་རེད།
  རྒྱལ་ཁབ་བརྒྱད་ཀྱི་ཚོགས་པའི་ལས་རེས་ཀྲུའུ་ཞི་རྒྱལ་ཁབ་དང་རིམ་པ་ཆེས་མཐོ་བའི་མགྲོན་བདག་རྒྱལ་ཁབ་ཡིན་པའི་དབྱིན་ཇི་སྲིད་གཞུང་གིས་རིམ་པ་ཆེས་མཐོ་བའི་གྲོས་ཚོགས་ཀྱིས་གཙོ་གནད་དུ་གླིང་ཆེན་ཡོ་རབ་མནའ་འབྲེལ་དང་ཨ་རིའི་རང་མོས་ཉོ་འཚོང་གི་ཆོད་དོན་ལ་གྲོས་མོས་བྱ་རྒྱུ་དང་། རྒྱལ་ཁོངས་ལས་བརྒལ་བའི་ཁེ་ལས་ཀྱིས་དབྱེ་ཁྲལ་གཡོལ་བ་དང་ཡིབ་པའི་གནས་ཚུལ་ལ་རྡུང་རྡེག་རྒྱག་རྒྱུ། སྲིད་གཞུང་དང་ཚོང་ལས་འཁོར་སྐྱོད་ཀྱི་གསལ་ཚད་མཐོར་འདེགས་གཏང་རྒྱུ། རེ་འདོད་བཟང་པོ་དེ་གནད་འགག་རང་བཞིན་གྱི་བྱ་སྤྱོད་དུ་འགྱུར་ལྡོག་ངོ་མ་གཏོང་བ་སོགས་ཀྱི་གནད་དོན་ལ་གྲོས་བསྡུར་བྱས་ཏེ་འཛམ་གླིང་གི་དཔལ་འབྱོར་འཕར་སྣོན་དང་དར་རྒྱས་ཡོང་བར་སྐུལ་འདེད་གཏོང་བའི་རེ་བ་བཅངས་པ་རེད།