གླུ་མ་དབང་མོས་གླུ་གཞས་གསར་པ《སྐལ་བཟང་མེ་ཏོག་གི་རེ་སྨོན》ཞེས་པ་གཏོང་འགོ་བརྩམས་པ།

　　ཉེ་ཆར། གླུ་མ་དབང་མོས་ཆེད་བསྒྲིགས་གསར་བ《རྩྭ་ཐང་གི་མཛས་གཞས》ཞེས་པའི་གཙོ་གྱུར་གླུ་གཞས《སྐལ་བཟང་མེ་ཏོག་གི་རེ་སྨོན》ཞེས་པ་དངོས་སུ་གཏོང་འགོ་བརྩམས་པ་རེད།
　　གླུ་གཞས་འདི་རུ་སྐལ་བཟང་མེ་ཏོག་ལ་བརྟེན་ནས་ལྷད་མེད་ཀྱི་རེ་སྨོན་རེ་རེ་སྒྲ་འཛིན་རྣ་བའི་བཅུད་ལེན་གྱི་ངག་གི་པི་ཝང་ལ་སྦྱར་ཐོག  གློག་རྡུལ་རོལ་ཆས་ཀྱི་འགྲོས་མྱུར་གྱིས་རམ་འདེགས་བྱས་ནས། མི་རིགས་དང་དེང་རབས་གླུ་གཞས་ཀྱི་ཁྱད་ཆོས་མཉམ་དུ་བསྲེས་འདུག་པ་བཅས་ལས་ཐུན་མོང་མ་ཡིན་པའི་ཁྱད་ཆོས་ཤིག་ཐོན་ཡོད་ཅིང་། བྱེ་བྲག་ཏུ་གླུ་མ་དབང་མོས་གླུ་གཞས་ལ་ཧུར་ལེན་བྱེད་པའི་དང་པའི་སེམས་པ་དང་ལྷན་སྐྱེས་ཀྱི་སྐད་ངག་སྙན་མོ་ལས་གླུ་གཞས་དེ་ལ་ཀུན་ལས་ལྷག་པའི་དཔལ་ཞིག་བསྩལ་ལ། མི་རིགས་ཀྱི་ཁྱད་ཆོས་མངོན་པར་མཚོན་ཡོད་པ་རེད།