ཟླ་ལྔ་བའི་ཚེས་བཅུ་བདུན་ཉིན་ནས་ཚེས་ཉི་ཤུ་ཉིན་བར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ལིག་ཡུན་ཧྲན་ཧི་ནན་ཞིང་ཆེན་གྱི་ཨན་ཡང་དང་ཞིན་ཡང་སོགས་ས་ཁུལ་ཏུ་ཕེབས་ནས་བྱ་བར་རྟོག་ཞིབ་མཛད།

ཟླ་ལྔ་བའི་ཚེས་བཅུ་བདུན་ཉིན་ནས་ཚེས་ཉི་ཤུ་ཉིན་བར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ལིག་ཡུན་ཧྲན་ཧི་ནན་ཞིང་ཆེན་གྱི་ཨན་ཡང་དང་ཞིན་ཡང་སོགས་ས་ཁུལ་ཏུ་ཕེབས་ནས་བྱ་བར་རྟོག་ཞིབ་མཛད།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ལིག་ཡུན་ཧྲན་གྱིས་ཧི་ནན་ཞིང་ཆེན་དུ་བྱ་བར་རྟོག་ཞིབ་གནང་སྐབས། ང་ཚོའི་ཏང་ནི་བློ་སེམས་རྩེ་གཅིག་སྒོས་མི་དམངས་ལ་ཞབས་ཕྱི་སྒྲུབ་པའི་ཏང་ཡིན་པ་དང་། མི་དམངས་ཀྱི་བདེ་སྐྱིད་འཚོ་བའི་དོན་དུ་འབད་འཐབ་ལྷོད་མེད་བྱེད་བཞིན་ཡོད། གཞི་རིམ་ཏང་རྩ་འཛུགས་ཀྱིས་མང་ཚོགས་ལ་ཞབས་ཕྱི་བསྒྲུབ་རྒྱུ་དེ་ནང་དོན་གཙོ་བོར་འཇོག་པ་དང་། བྱ་བ་ཡོད་ཚད་ཀྱི་མགོ་རྩོམ་ས་དང་མཇུག་བསྡུ་ས་བྱས་ནས། མང་ཚོགས་ལ་བདེ་སྐྱིད་བསྐྲུན་སྐབས་འགན་འཁྲི་དང་ལས་འགན་ལག་བསྟར་བཟང་བོ་བྱེད་དགོས་ཞེས་ནན་གྱིས་བསྟན།

ཟླ་ལྔ་བའི་ཚེས་བཅུ་བདུན་ཉིན་ནས་ཚེས་ཉི་ཤུ་ཉིན་བར། ལིག་ཡུན་ཧྲན་ཧི་ནན་ཞིང་ཆེན་གྱི་ཨན་ཡང་དང་ཞིན་ཡང་སོགས་ས་ཁུལ་ཏུ་ཕེབས་ཏེ་ཏང་ཡོན་རྒན་པ་དང་དམར་དམག་རྒན་པ། གཞི་རིམ་གྱི་ལས་བྱེད་པ་དང་མང་ཚོགས་བཅས་ལ་འཚམས་འདྲི་ཞུས་པར་མ་ཟད་ཏང་འཛུགས་བྱ་བའི་ཐད་ཀྱི་བསམ་འཆར་དང་གྲོས་གཞི་ལ་ཉན། ལིག་ཡུན་ཧྲན་གྱིས་ཧི་ནན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་ཏང་འཛུགས་བྱ་བར་ཁས་ལེན་གང་ལེགས་མཛད་པ་དང་མཉམ་དུ་ཧི་ནན་ཞིང་ཆེན་གྱིས་མང་ཚོགས་ཕྱུག་ཅིང་ཞིང་ཆེན་སྟོབས་ལྡན་དུ་འགྲོ་བའི་འཕེལ་རིམ་ཁྲོད་དུ་གོམ་སྟབས་ཆེན་པོ་སྤོ་དགོས་བའི་ཐུགས་རེ་བཏོན།

རྟོག་ཞིབ་མཛད་སྐབས། ལིག་ཡུན་ཧྲན་གྱིས་མགོ་འཛིན་མཛད་དེ་བྱ་བའི་བཞུགས་མོལ་ཚོགས་འདུ་བསྡུས་པ་དང་། ཚོགས་ཐོག་ཏུ་ལིག་ཡུན་ཧྲན་གྱིས་གསུངས་རྒྱུར། ཏང་གིས་ཏང་ལ་དོ་དམ་དང་ཏང་སྐྱོང་ནན་མོ་བྱེད་དགོས། ཕྱོགས་གལ་ཆེན་ཞིག་ནས་ལས་བྱེད་པར་དོ་དམ་ནན་མོ་དང་དོ་དམ་བཟང་བོ་བྱེད་དགོས་པར་མ་ཟད། སྒྲིག་སྲོལ་དང་ལམ་ལུགས་སྣ་ཚོགས་དངོས་འབེབས་བཟང་བོ་བྱེད་པ་དང་བྱ་སྤྱོད་ལེགས་པའི་མི་སྣ་གདམ་གསེས་བྱེད་དགོས། རྩ་འཛུགས་སྡེ་ཁག་གིས་སྤོབས་པ་ཆེན་པོས་མི་སྣ་བཀོལ་སྤྱོད་བྱེད་སྐབས་ཀྱི་མི་ལེགས་པའི་སྤྱོད་ངན་ལ་དག་ཐེར་དང་བཅོས་སྐྱོང་ནན་མོ་བྱས་ནས། མི་སྣ་བཀོལ་སྤྱོད་དྲང་བདེན་ཡིན་པ་སྲུང་འཛིན་བྱེད་དགོས་ལ་། གལ་ཏེ་ཁྲིམས་འགལ་ལུགས་འགལ་གྱི་གནས་ཚུལ་བྱུང་ན་དུས་ཐོག་ཏུ་ཞིབ་བཤེར་དང་ཐག་གཅོད་ནན་མོ་བྱེད་དགོས་ཟེར།