སྔར་ལས་ལྷག་པར་དབུལ་སྐྱོར་བྱ་འགུལ་སྤེལ་ནས།  གྲྭ་བཙུན་དབུལ་བོ་རྣམས་དཀའ་ཁག་ལས་ཐར་ཆེད།  ཉེ་ལམ། མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་པད་མ་རྫོང་གིས་གྲྭ་བཙུན་དབུལ་བོར་རིན་ཐང་སྒོར་ཁྲི25.6ཡོད་པའི་རོགས་སྐྱོར་དངོས་ཟོག་འགྲེམ་གཏོང་བྱས།

ཉེ་བའི་ལོ་འགའི་རིང་།  རྒྱ་ཆེའི་མང་ཚོགས་དང་ནང་སྒོས་སུ་གྲྭ་བཙུན་དབུལ་བོའི་ཐོན་སྐྱེད་འཚོ་བའི་ཆ་རྐྱེན་ལེགས་བཅོས་བྱེད་ཆེད།  རྫོང་ཏང་ཨུ་དང་རྫོང་སྲིད་གཞུང་གིས་དམངས་འཚོ་ལེགས་བཅོས་བྱེད་པ་ནི་བྱ་བ་ཀུན་གྱི་གཙོ་གནད་དུ་བཞག་པ་དང་།  དགོན་སྡེ་དོ་དམ་བྱ་བ་དང་ཞིང་སྡེའི་རིམ་པའི་རྩ་འཛུགས་འཛུགས་སྐྲུན་གཉིས་གཅིག་གྱུར་སྒོས་འཆར་འགོད་བྱེད་པ་དང་ལག་བསྟར་བྱེད་པ་སོགས་དམངས་ཕན་བྱེད་ཐབས་རབ་དང་རིམ་པ་སྤྱད་དེ།  རྣམ་གྲངས་བརྩོན་ལེན་བྱས་པ་དང་ཕྱོགས་མང་པོར་མ་དངུལ་ཧྲག་བསྡུ་བྱས་པས་དགོན་སྡེའི་རྨང་གཞི་སྒྲིག་ཆས་འཛུགས་སྐྲུན་ལ་ཤུགས་བསྣན་པས།  ཕན་འབྲས་ཡོད་པའི་སྒོ་ནས་དགོན་སྡེའི་རྨང་གཞི་སྒྲིག་ཆས་འཛུགས་སྐྲུན་ལེགས་བཅོས་བྱས། དུས་མཚུངས་སུ་ཆ་རྐྱེན་དང་མཐུན་པའི་གྲྭ་བཙུན་དག་སྨན་བཅོས་དང་སྤྱི་ཚོགས་འགན་སྲུང་།  སྤྱི་ཚོགས་རོགས་སྐྱོར་ཁྱབ་ཁོངས་སུ་བཞག་ནས།  དོན་དངོས་སྟེང་འཚོ་བ་དཀའ་ཁག་ཡོད་པའི་གྲྭ་བཙུན་ཚོའི“ནད་བརྟག་དཀའ་བ་དང་འཚོ་བའི་དཀའ་ཁག”གནད་དོན་ཐག་བཅད་པ་རེད།  །