བོད་ཀྱི་ལོ་སར་འདས་མ་ཐག སྙེ་མོ་རྫོང་གི་ཞིང་བ་ཚོ་དཔྱིད་འདེབས་གྲ་སྒྲིག་གི་ལས་ལ་བྲེལ་བཞིན་པ།

   ཀྲུང་གོ་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་ཡོངས་ཀྱི་ཞིང་སྡེ་བྱ་བའི་གྲོས་ཚོགས་ལས་བཏོན་པའི་ད་ལོའི་འབྲུ་རིགས་ཐོན་ཚད་ཏུན་ཁྲི95ཡན་ལོན་དགོས་པའི་དམིགས་འབེན་མངོན་འགྱུར་བྱེད་པར་ཁག་ཐེག་བྱེད་ཆེད། བོད་ལྗོངས་ཀྱི་ས་ཆ་སོ་སོའི་ཞིང་ཕྱུག་སྡེ་ཁག་དང་རོང་འབྲོག་མང་ཚོགས་ཀྱིས་ཞིང་ས་སྙོམས་པ་དང་ཆུ་རྐ་བསྐོ་བ། ས་བོན་དང་ལུད་རྫས་ཞིང་ཁར་བསྐྱེལ་བ་སོགས་དཔྱིད་འདེབས་གྲ་སྒྲིག་གི་ལས་ལ་བྲེལ་བཞིན་ཡོད།