ཉེ་ལམ།  ཀུན་གྱིས་དོ་སྣང་བྱེད་བཞིན་པའི་སྐབས་དྲུག་པའི་ཀྲུང་གོའི་མཛེས་རྩལ་མཁན་པོའི་མིང་ཐོ་ཁྱབ་བསྒྲགས་བྱས།  གནས་ཚུལ་འདི་བཟོ་ལས་དང་བརྡ་འཕྲིན་པུའུ་དང་རིག་གནས་པུའུ། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་ཡིས་མཉམ་དུ་ཁྱབ་བསྒྲགས་བྱས་པ་རེད།  མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་རི་མོ་སྒྱུ་རྩལ་གླིང་གི་ཡོན་ཀྲང་སྙིང་འབུམ་ལ་མཛེས་རྩལ་མཁན་པོའི་མཚན་སྙན་ཐོབ།

ཀྲུང་གོའི་མཛེས་རྩལ་མཁན་པོ་ནི་རྒྱལ་ནང་གི་མཛེས་རྩལ་གསར་རྩོམ་པར་གནང་བའི་ཆེས་མཐོ་བའི་མཚན་སྙན་ཡིན་ལ།  1979ལོར་དཔྱད་བསྡུར་འདེམས་བསྐོ་བྱེད་འགོ་བརྩམས་པ་དང་། སྔ་གཞུག་ཏུ་རང་ཞིང་གི་ཤ་བོ་ཚེ་རིང་དང་།  ཆོས་སྐྱབས།  ཕྱག་རྡོ།  གདུགས་དཀར། དགེ་འདུན་དར་རྒྱས་སོགས་དམངས་ཁྲོད་ནས་ཐོན་པའི་མཛེས་རྩལ་པ་ལྔ་ལ“ཀྲུང་གོའི་མཛེས་རྩལ་མཁན་པོའི”མཚན་སྙན་ཐོབ།  །