ཉེ་སྔོན། 2012ལོའི《མི་རིགས་རྩོམ་རིག》བྱ་དགའི་མིང་ཐོ་ཁྱབ་སྒྲོག་བྱས་ཤིང་། མིང་གྲགས་དཔྱད་འཇོག་པ་དང་རྩོམ་སྒྲིག་པ། ཡིག་སྒྱུར་ཆེད་མཁས་སོགས་སྡོམ་པས་མི24གདན་འདྲེན་ཞུས་ཏེ་དཔྱད་འདེམ་པའི་འགན་ཁུར་བ་དང་། དེ་ཡང་ཐོག་མའི་དཔྱད་འདེམ་དང་མཐའ་མའི་དཔྱད་འདེམ།  དེ་མིན་ཡིག་ཤོག་འཕེན་པ་བཅས་ཀྱི་རྣམ་པར་བརྒྱུད《མི་རིགས་རྩོམ་རིག》རྒྱ་ཡིག་དང་བོད་ཡིག  སོག་ཡིག དེ་མིན་ཡུ་གུར་སྐད་སོགས་པར་གཞི6གི་བརྩམས་ཆོས25བདམས་ཐོན་བྱུང་།
        དེའི་ཁྲོད་བོད་རིགས་རྩོམ་པ་པོ་ཉི་མ་ཕན་ཐོགས་ཀྱི་བརྩམས་སྒྲུང《གཞིས་སྒར་སྡེ་བའི་གཡང་འཛོམས》(རྒྱ་ཡིག)ཞེས་པ་དང་།  རྡོ་རྗེ་ཚེ་བརྟན་གྱིས་བསྒྱུར་བའི་བརྩམས་སྒྲུང《འཛམ་གླིང་ན་ཆེས་ངོ་མཚར་བའི་ཆུར་ལྷུང་མཁན་ཞིག་གི་གཏམ་རྒྱུད》(རྒྱ་ཡིག་ནས་བོད་ཡིག་ཏུ་བསྒྱུར)། སྐྱབས་ཆེན་བདེ་གྲོལ་གྱིས་བསྒྱུར་བའི་ལྷུག་རྩོམ《ས་འོག་གི་རྨི་ལམ》(རྒྱ་ཡིག་ནས་བོད་ཡིག་ཏུ་བསྒྱུར)། ལྷ་བྱམས་རྒྱལ་གྱི་བརྩམས་སྒྲུང《ལམ་གྱི་ཉི་འོད》(བོད་ཡིག)བཅས་ཚུད་ཡོད་པ་རེད།