《 རྨ་ཆུའི་ཁུགས་སོར་ཕྲ་རུ་བཏབ་པའི་འབའ་རྫོང》 ཞེས་པའི་དཔེ་དེབ་པར་སྐྲུན་འགྲེམ་སྤེལ་གནང་བ།

 རྩོམ་པ་པོ་རྡོ་སྦིས་རྡོ་རྗེ་ལགས་ནས་སྒྲིག་རྩོམ་གནང་བའི་དཔེ་དེབ  《 རྨ་ཆུའི་ཁུགས་སོར་ཕྲ་རུ་བཏབ་པའི་འབའ་རྫོང》 （བོད་ཆའང་དབྱིས་རིགས་ཀྱི་རིག་གནས་དཔེ་ཚོགས）ཞེས་པ་མིག་སྔར་མཚོ་སྔོན་མི་རིགས་དཔེ་སྐྲུན་ཁང་ནས་པར་སྐྲུན་འགྲེམ་སྤེལ་གནང་།  དེབ་དེར་རིག་གནས་ས་ཁམས་ཀྱི་རྟགས་མཚན་དང་།  ས་བབ་ཡུལ་ཁམས་ཀྱི་དོན་སྤྱི།  རྨ་ཆུའི་རྨི་ལམ་གྱི་འཚོལ་སྙེག  མིའི་རིགས་རིག་གནས་ཀྱི་ཞབས་རྗེས།  ངོ་མཚར་ལྷ་སྒྲུང་གི་ཁམས་མྱུལ།  སྨྱུག་རྩེའི་དྭངས་བསིལ་གྱི་འབའ་རྫོང་བཅས་ལེའུ་དྲུག་གི་བདག་ཉིད་ཅན་ཞིག་ཡིན།
     རྩོམ་པ་པོས་རིག་གནས་མིའི་རིགས་རིག་པའི་མཐོང་ལམ་ནས་འབའ་ཡི་ཡུལ་ཁམས་ལ་ཡུལ་དངོས་བརྟག་དཔྱད་བྱས་ཏེ།  ཁོར་ཡུག་དང་སྐྱེ་ཁམས། མི་ཚུལ།  རི་ཆུའི་རིག་གནས།  གེ་སར་སྒྲུང་།  དཔེ་རྙིང་ལྷག་འཕྲོ།  ཆོས་ལུགས་རིག་གནས།  ལོ་རྒྱུས་རྣམ་ཐར། རང་བྱུང་ས་ཁམས།  དམངས་སྲོལ་དང་ངག་བརྒྱུད་རིག་གནས།  ངག་རྒྱུན་རྗེས་ཤུལ།  རྨ་ཆུའི་རིག་གནས།  གནའ་བོའི་ཡུལ་སྡེ་དང་ཚོ་བའི་རིག་གནས། ལག་ཤེས་བཟོ་ལས།  བཟོ་བཀོད་སྒྱུ་རྩལ།  དངོས་པོའི་གཟུགས་འདས་ཤུལ་བཞག་རིག་གནས་སོགས་ཁྱོན་ཡོངས་ནས་ཡིག་རིས་གསར་རྩོམ་གནང་ཞིང་།  ཡིག་ཕྲེང་རེ་རེ་ན་རྩོམ་པ་པོས་ཡུལ་གྲུ་འདིར་བཅངས་པའི་བཀའ་འདྲི་དང་འཚོག་སྙེག  ཞིབ་བརྗོད་ཟབ་མོ་ཞིག་མངོན་པས།  དཔེ་དེབ་འདི་ནི་རྩོམ་པ་པོས་ཡང་ཡུལ་ཁམས་འདིར་ཕུལ་བའི་རིག་གནས་ཀྱི་གྲུབ་འབྲས་གལ་ཆེན་ཞིག་ཡིན་ནོ། །