རྒྱལ་སྤྱིའི་དང་བླངས་པའི་ཉིན་མོ་ཐེངས27པ་ཐོན་ལ་ཉེ་བའི་སྐབས། ཚེས4ཉིན་རྒྱལ་ཡོངས་ཀྱི་རིག་གནས་དང་བླངས་ཞབས་ཞུའི་ལས་དོན་ཚོགས་འདུ་པེ་ཅིན་དུ་འཚོགས་ཤིང་། པེ་ཅིན་དང་། ཐན་ཅིང་། ཧྲང་ཧའེ། ཁྲུང་ཆིང་བཅས་ཐད་གཏོགས་གྲོང་ཁྱེར་བཞིས་རྒྱལ་ཡོངས་ལ་རིག་གནས་དང་བླངས་ཞབས་ཞུའི་བྱེད་སྒོ་མཉམ་དུ་རྒྱ་ཁྱབ་སྤེལ་རྒྱུའི་འབོད་སྐུལ་ཡི་གེ་བསྲིངས། དེ་ནི་རིག་གནས་པུས་དང་བླངས་ཞབས་ཞུའི་ལས་ཀའི་སྐོར་གྱི་ཆེད་དོན་ཚོགས་འདུ་ཚོགས་ཐེངས་དང་པོའང་ཡིན།

རིག་གནས་པུའི་པུའུ་ཀྲང་ཚའེ་ཝུས་རང་རྒྱལ་གྱི་རིག་གནས་དང་བླངས་ཞབས་ཞུའི་ཐད་འཚོལ་ཞིབ་ལག་ལེན་ལོ10ལྷག་བྱས་པར་ཡར་རྒྱས་ཆེན་པོ་བྱུང་ནས་རིག་གནས་དང་བླངས་ཞབས་ཞུའི་དྲ་བ་འཛུགས་པ་དང་། ཚད་ལྡན་དོ་དམ་བྱེད་པ།གཞི་རྟེན་གསར་གཏོད་བྱེད་པ། སྤུས་རྟགས་གཏོད་པ་སོགས་ཐད་ཉམས་མྱོང་རྩ་ཆེན་བསགས་ཡོད། བསྡོམས་རྩིས་རགས་ཙམ་ལ་གཞིགས་ན། ད་ཆ་རྒྱལ་ཡོངས་ཀྱི་ཞིང་ཆེན(རང་སྐྱོང་ལྗོངས་དང་གྲོང་ཁྱེར)12དང་། ས་གནས་རིམ་པའི་གྲོང་ཁྱེར80ཙམ། རྫོང(གྲོང་ཁྱེར་དང་ཆུས)500ལྷག་བཅས་ལ་རིག་གནས་དང་བླངས་ཞབས་ཞུའི་རྩ་འཛུགས་དང་རིག་གནས་དང་བླངས་ཞབས་ཞུའི་ཚོགས་པ2000ལྷག་བཙུགས་པ་དང་། ཐོ་བཀོད་དང་བླངས་ཞབས་ཞུ་བ་ཁྲི30ལས་བརྒལ་བས་རིག་གནས་འཛུགས་སྐྱོང་ལ་སྐུལ་མ་གཏོང་བའི་རྗེས་སྣོན་སྟོབས་ཤུགས་གལ་ཆེན་ཞིག་ཏུ་གྱུར་ཡོད།  །