ཞིན་ཧྭ་གསར་འགྱུར་ཁང་ཧུའུ་ཧོ་ཧའོ་ཐེ་ནས་ཟླ་བ10པའི་ཚེས14ཉིན་འབྱོར་བའི་གཏམ་གསར། གསར་འགོད་པས་ཉིན་སྔར་ནང་སོག་རང་སྐྱོང་ལྗོངས་སྡོད་ཁང་དང་གྲོང་ཁྱེར་དང་གྲོང་རྡལ་འཛུགས་སྐྲུན་ཐིང་ནས་ཤེས་རྟོགས་བྱུང་རྒྱུར། ད་ལོ་ནས་བཟུང་། ནང་སོག་གིས་འགན་ལེན་རང་བཞིན་གྱི་སྡོད་ཁང་འཛུགས་སྐྲུན་གྱི་མ་དངུལ་དང་ས་ཞིང་འགན་ལེན་བྱ་རྒྱུའི་བྱེད་ཐབས་ལ་ཤུགས་སྣོན་བརྒྱབ་སྟེ་རྣམ་གྲངས་འཛུགས་སྐྲུན་ལས་ཚད་ཇེ་མགྱོ གས་བྱས། ཟླ་བ9པའི་ཟླ་མཇུག་གི་བར་དུ། རང་སྐྱོང་ལྗོངས་ཡོངས་ཀྱིས་གསར་འཛུགས་བྱས་པའི་རིགས་སོ་སོའི་འགན་ལེན་རང་བཞིན་གྱི་སྡོད་ཁང་ཁྲི28.15ཡོད་པས་ལོ་ཧྲིལ་པོ་འགན་ལེན་རང་བཞིན་གྱི་སྡོད་ཁང3795བསྐྲུན་རྒྱུའི་དམིགས་ཡུལ་ལས་བརྒལ་ཞིང་། དེའི་ནང་སྡོད་ཁང་ཁྲི12.3ཧ་ལམ་གྲུབ་པ་རེད། རང་སྐྱོང་ལྗོངས་གློག་ཤུགས་སྡེ་ཁག་གིས་ཀྱང་འགན་ལེན་རང་བཞིན་གྱི་སྡོད་ཁང་བསྐྲུན་པར་གློག་ཤུགས་འདོན་སྤྲོད་བྱ་རྒྱུའི་བདེ་བགྲོད་གློག་ལམ་སྒྲིག་སྦྱོར་བྱས་ཏེ་ཐོག་མར་འགན་ལེན་རང་བཞིན་གྱི་སྡོད་ཁང་སྐྲུན་པའི་གློག་སྤྱོད་དགོས་མཁོ་བསྐངས་པ་རེད།