རྒྱལ་ཡོངས་འབྲེལ་ཡོད་སྡེ་ཁག་གིས་ཟླ་བཅུ་བའི་ཚེས་བདུན་ཉིན་གྱི་དགོང་མོར་བསྒྲགས་པའི་དུས་ཆེན་གནས་སྐོར་ཆ་འཕྲིན་ལྟར་ན། 2012ལོའི་ཟླ་མཆོད་དུས་ཆེན་དང་རྒྱལ་སྟོན་དུས་ཆེན་གཉིས་ཀྱི་ངལ་གསོའི་ཉིན་བདུན་གྱི་སྐབས་སུ། རྒྱལ་ཡོངས་ཀྱི་ལྟ་རྟོག་ཚད་ལེན་ཁོངས་སུ་བཀོད་པའི་མཛེས་ལྗོངས་ཁུལ་བརྒྱ་དང་བཅུ་དགུའི་འཁོར་སྐྱོད་ཀྱི་གནས་ཚུལ་རྒྱུན་ལྡན་ཡིན་པ་དང་། རྒྱལ་ནང་གནས་སྐོར་པའི་སྤྱི་གྲངས་ལོ་རྒྱུས་ཀྱི་ཟིན་ཐོ་ལས་བརྒལ་ཏེ། བསྡོམས་པས་གནས་སྐོར་པ་མི་ཐེངས་ཁྲི3424ལྷག་སྣེ་ལེན་བྱས་ཏེ། དུས་མཉམ་ལས20%ལྷག་འཕར། གནས་སྐོར་གྱི་ཡོངས་འབབ་སྒོར་དུང་ཕྱུར17.65ལ་བསླེབས་པ་དང་། དུས་མཉམ་ལས24%ལྷག་འཕར། ཟླ་དགུ་བའི་ཚེས་ཉེར་དགུ་ཉིན་ནས་ཟླ་བཅུ་བའི་ཚེས་དྲུག་ཉིན་བར། རྒྱལ་ཡོངས་མཁའ་འགྲུལ་གྱིས་རིམ་རྩིས་བྱས་ན་གནས་སྐོར་པ་མི་ཐེངས་ཁྲི160ལྷག་བསྐྱལ་བ་དང་། རྒྱལ་ཡོངས་ཀྱི་ལྕགས་ལམ་སྟེང་རིམ་རྩིས་བྱས་ན་གནས་སྐོར་པ་མི་ཐེངས་ཁྲི695བསྐྱལ་ཏེ། དུས་མཉམ་ལས9%ལྷག་འཕར། །