2012ལོའི་ཟླ་8ཚེས་9ཉིན་ལྷོ་ཁ་ས་ཁུལ་རྒྱ་ཚྭ་རྫོང་མངར་རབ་གྲོང་རྡལ་རུ་མི་གྲོང་ཚོའི་རྩམ་འཐག་དང་སྣུམ་འཚག་ཁང་ལས་འགོ་ཚུགས་ཤིང་།འཕྲུལ་འཁོར་གྱི་སྒྲའི་ཁྲོད་མི་རྣམས་ཀྱིས་ལི་ཅང་ལུང་གི་གཟུགས་བརྙན་མཐོང་རྒྱུ་མེད་པར་གྱུར།གྲོང་ཚོར་བཅའ་སྡོད་ལས་དོན་རུ་ཁག་གི་རུ་མི་ཚོ་བྲེལ་བས་ཁེངས་པ་དང་ཁོང་གི་སྐད་ཆ་དག་བློར་འཆར་བ་སྟེ།“སློབ་གྲྭའི་ནང་ཕྲུ་གུའི་སློབ་སྦྱོང་དང་གཟུགས་པོ་གང་འདྲ་འདུག་གམ”“ཨ་མ་ལགས།ཁྱེད་རང་བློ་བདེ་པོ་གྱིས་ཤིགང་ཚོ་ལས་དོན་རུ་ཁག་ཡོད”“ངས་བོད་གཞས་ཡག་པོ་གཏོང་ཤེས་ཀྱི་འདུག་གམ”ཞེས་པ་སོགས་ཡིན།

    ཁོང་དྲན་པ་དང་ཁོང་གི་སྐོར་བརྗོད་སྐབས་ཁོང་དྲན་ཤུགས་ཆེ་རུ་འགྲོ་བ་དང་།ཁོང་གི་གཟུགས་བརྙན་དེ་མིག་ལམ་ནས་རྦད་དེ་ཡལ་དཀའ་བར་གྱུར།

    ཀྲི་ཧྲུའུ་སྐལ་བཟང་ཚེ་རིང་གིས་མིག་ཆུ་གཏོང་བཞིན་མགོ་བོ་བཏེགས་ནས་ན་བུན་གྱིས་བཏུམས་པའི་རྒྱ་ཚྭ་རི་བོར་ལྟ་བཞིན་མཆིས།

    རྒྱ་མཚོའི་ངོས་ལས་མཐོ་ཚད་སྨི་5000ཙམ་ཡོད་པའི་རྒྱ་ཚྭ་བོའི་རི་ལམ་ཀྱག་ཀྱོག་ཏུ་སྣང་ཞིང་།ཁོང་གིས་གནས་དེའི་མང་ཚོགས་ཀྱི་བསམ་འདུན་བསྒྲུབ་རྒྱུ་ལུས་ནས་རང་ཉིད་ཀྱི་ཚེ་སྲོག་གནས་དེར་ཕུལ།

    2012ལོའི་ཟླ་7ཚེས་18ཉིན་གྱི་ཆུ་ཚོད་13སྐབས་མི་རྣམས་ཀྱི་གུས་བཀུར་དང་དགའ་གཅེས་ཐོབ་པའི་ལི་ཅང་ལུང་ང་ཚོ་དང་རྦད་དེ་ཞལ་གྱེས།

    ཏང་གི་བྱ་གཞག་གི་ལམ་ཚད་རྡོ་རིང་ཐོག་དེ་དང་ཆབས་ཅིག་མི་ཞིག་གི་མིང་བཀོད་ཡོད་པ་སྟེ།ལི་ཅང་ལུང་།སི་ཁྲོན་ལུའུ་ཀྲོའུ་ཡི་མི།1974ལོའི་ཟླ་བ་དྲུག་པར་སྐྱེས།1998ལོའི་ཟླ་བ་བདུན་པར་ལས་ཀར་ཞུགས།1999ལོར་ཏང་ནང་ཞུགས་ཞེས་བརྐོས་ཡོད།འཚོ་བཞུགས་སྐབས་ལྷོ་ཁ་ས་ཨུད་དྲིལ་བསྒྲགས་པུའུ་ཡི་པུའུ་ཀྲང་གཞོན་པ་དང་།ས་ཁུལ་རིག་གནས་ཁྲོམ་རའི་ཕྱོགས་བསྡུས་ཁྲིམས་འཛིན་ཉིང་ལག་རུ་ཁག་གི་ཉིང་ལག་རུ་དཔོན།རྒྱ་ཚྭ་རྫོང་མངར་རབ་གྲོང་རྡལ་རུ་མི་གྲོང་ཚོར་བཅའ་སྡོད་ས་ཨུད་དྲིལ་བསྒྲགས་པུའི་ལས་དོན་རུ་ཁག་གི་རུ་དཔོན་བཅས་གནང་མྱོང་ཞིང་།རུ་མི་གྲོང་ཚོའི་སྣུམ་འཚག་ཁང་དང་ཆུ་འཁོར་གྱི་ས་བཀྲ་བཟོ་བཅོས་རྒྱག་ཆེད་རྩེད་ཐང་གྲོང་རྡལ་དུ་ཕྱིར་ལོག་བྱེད་སྐབས་རྒྱ་ཚྭ་རྫོང་རྒྱ་ཚྭ་རི་བོར་རླངས་འཁོར་གྱི་ལས་འཛོལ་བྱུང་ནས་སྟབས་མི་ལེགས་པར་སྐུ་གཤེགས་པ་དང་སྐུ་གཤེགས་སྐབས་ལོ་38ཡིན།

    ལི་ཅང་ལུང་སྐུ་གཤེགས་པ་དེས་ང་ཚོའི་ཏང་ཡོན་ཡག་པོ་ཞིག་དང་ལས་བྱེད་པ་ཡག་པོ་ཞིག་མེད་པར་གྱུར།ཁོང་ང་ཚོ་དང་བྲལ་ཡང་ཏང་ལ་བཅངས་པའི་བློ་དཀར་སེམས་དཀར་དང་།རང་དཔེ་གཞན་སྟོན་གྱི་ལས་ཀའི་སྤྱོད་ཚུལ།སྒེར་སེམས་མེད་པའི་ཕུལ་བྱུང་སྤྱོད་བཟང་།བླ་ན་མེད་པའི་ཀུན་སྤྱོད་བཅས་ཁོང་གི་སྤྱོད་བཟང་ལ་ང་ཚོས་ནམ་ཡང་སློབ་སྦྱོང་བྱེད་དགོས་པ་ཞིག་ཡོད།

    སེམས་རྣལ་དུ་ཕབ་ནས་གྲོང་ཚོ“ཨུ་ཡོན་ལྷན་ཁང་གཉིས”ཀྱི་ཁོངས་མི་དང་མཉམ་དུ་དཔུང་པ་མཉམ་གཤིབ་ཐོག་ཉིན་གང་གྲོང་ཚོའི་ལས་དོན་བསྒྲུབས་པ།

    2011ལོའི་ཟླ་བ་བཅུ་པར་ལྗོངས་ཡོངས་སུ་སྔོན་གཏོད་ལེགས་བརྩོན་དང་རྨང་བརྟན་དམངས་ཕན་གྱི་བྱེད་སྒོ་སྤེལ་འགོ་ཚུགས།

    གྲོང་ཚོར་བཅའ་སྡོད་ལས་དོན་ནི་ཏང་གི་འབོད་སྐུལ་ཞིག་ཡིན་ལ་མང་ཚོགས་ཀྱི་རེ་སྒུག་ཞིག་ཀྱང་ཡིན།ཏང་གི་ལས་བྱེད་པ་ཞིག་ཡིན་ཕྱིན་མང་ཚོགས་ཀྱི་ལས་དོན་ཁྲོད་སྦྱོང་བརྡར་ཐེབས་པ་བྱེད་དགོས།ལི་ཅང་ལུང་གིས་རང་འགུལ་དང་བླངས་བྱས་རྐྱེན་གྲོང་ཚོར་བཅའ་སྡོད་ལས་བྱེད་པའི་ཁྲོད་ཀྱི་ཁོངས་མི་ཞིག་ལ་གྱུར།

    ལོ་བཅུ་གསུམ་གོང་སློབ་ཆེན་ཐོན་རྗེས་ལི་ཅང་ལུང་ཟངས་རི་རྫོང་ཞོལ་པ་ཤང་དུ་བསྐྱོད་ནས་ཤང་གི་ལས་བྱེད་པ་ཞིག་བྱས་པ་དང་དེ་གའི་མང་ཚོགས་དང་བརྩེ་སེམས་ཀྱི་རྩ་བ་བཙུགས།ལོ་བཅུ་གསུམ་རྗེས་ཀྱི་དེ་རིང་གྲོང་ཚོར་བཅའ་སྡོད་ལས་དོན་རུ་ཁག་གི་རུ་དཔོན་ཡིན་པའི་ཁོང་སླར་ཡང་གྲོང་ཚོར་བཅའ་སྡོད་བྱེད་སྐབས་བརྗོད་མི་ཤེས་པའི་སྤྲོ་བ་ཞིག་འཕེལ་བཞིན“ཡང་གྲོང་ཚོར་ལོག་ཐུབ་པ་བྱུང”ཞེས་བཤད།

    2011ལོའི་ཟླ་10ཚེས་18ཉིན་གྱི་ཉིན་དགུང་ཐལ་བས་བཏུམས་པའི་རླངས་འཁོར་མཐར་རྒྱ་ཚྭ་རྫོང་རུ་མི་གྲོང་ཚོར་འབྱོར།སྔོ་ལྗང་ལྗོན་ཤིང་དང་གསེར་མདོག་ཅན་གྱི་ཞིང་ཁས་བརྒྱན་པའི་རུ་མི་གྲོང་ཚོའི་རང་བྱུང་ཆ་རྐྱེན་དེ་བས་རྣམ་པར་མཛེས།

    རླངས་འཁོར་ནས་བབས་རྗེས་རྡོག་ཁྲེས་མ་ཕབ་གོང་ལི་ཅང་ལུང་གི་ཀྲི་ཧྲུའུ་སྐལ་བཟང་ཚེ་རིང་ལ་ཕྱི་དྲོ་སྔོན་གཏོད་ལེགས་བརྩོན་དང་རྨང་བརྟན་དམངས་ཕན་བྱེད་སྒོའི་སྐུལ་སློང་ཚོགས་ཆེན་འཚོགས་ནས་ལྗོངས་ཡོངས་ཀྱི་སྔོན་གཏོད་ལེགས་བརྩོན་དང་རྨང་བརྟན་དམངས་ཕན་བྱེད་སྒོ་གཏིང་ཟབ་སྤེལ་རྒྱུའི་སྐོར་གྱི་དོན་སྙིང་གལ་ཆེན་བརྒྱུད་བསྒྲགས་བྱས་ནས་བྱེད་སྒོའི་ལས་དོན་གྱི་བསམ་ཕྱོགས་སྔར་བས་གསལ་བཟོ་བྱས་ན་མ་རེད་དམ་ཞེས་བཤད།མལ་ཆས་ཀྱང་འདིང་ཁོམ་མ་བྱུང་བར་ཉིན་དགུང་སྐབས་ཁོང་གིས《ལས་དོན་རུ་ཁག་གི་གནས་སྐབས་ཏང་ཀྲི་པུའི་ལམ་ལུགས》དང་།《ལས་དོན་རུ་ཁག་གི་ནོར་དོན་ལམ་ལུགས》《གྲོང་ཚོར་བཅའ་སྡོད་ལས་དོན་རུ་ཁག་གི“ཁས་ལེན་བཞི”》《བྱས་མི་ཆོག་པ་བརྒྱད་ཀྱི་གྲོང་ཚོར་བཅའ་སྡོད་ལས་དོན་གྱི་སྒྲིག་ཁྲིམས》སོགས་གྲོང་ཚོའི་སྒྲིག་ལམ་དོན་ཚན་བཟོས་ནས་གྱང་གི་སྟེང་དུ་སྦྱར་བ་རེད།

    སྐུལ་སློང་ཚོགས་ཆེན་ཐོག་ལི་ཅང་ལུང་གིས་གྲོང་ཚོར་བཅའ་སྡོད་ལས་དོན་ཚོགས་ཆུང་གི་ཚབ་ཞུས་ཏེ་གྲོང་མི་ཚོར་ཆབ་སྲིད་དང་།ལས་དོན།འཚོ་བ།མང་ཚོགས་བཅས་ཀྱི་སྒྲིག་ཁྲིམས་ནན་པོ་སྲུང་རྒྱུ་དང་མང་ཚོགས་ཀྱིས་ཞུས་པའི་གནད་དོན་དང་ལྷག་པའི་དཀའ་གནད་ལ་ལྟ་སྟངས་ནན་ཏན་འཛིན་ཏེ་དམངས་འཚོ་ལེགས་སུ་གཏོང་རྒྱུའི་ཐད་ཧུར་ཐག་གཞོལ་ནས་མང་ཚོགས་ཚོར་བྱེད་སྒོའི་ཕན་པ་ཐོབ་ཐུབ་པ་བྱ་རྒྱུ་ཡིན་ཞེས་བཤད་པ་རེད།

    གྲོང་ཚོར་བསྐྱོད་དེ་མཐོང་ཐོས་མྱོང་གྲུབ་ཀྱི་དཔྱད་གཞི་ཁོང་དུ་ཆུད་པ་བྱས་པ་དང་གྲོང་ཚོའི་མཉམ་སྡེབ་འཕེལ་རྒྱས་སྐོར་གྱི་གྲོས་འགོ་བརྒྱད་དང་ཞིང་འབྲོག་དུད་ཚང་དང་མི་སྒེར་གྱི་དཀའ་ངལ་དང་རེ་བ་ཉི་ཤུ་ལྷག་ཙམ་བསྡུ་རུབ་བྱས་ཡོད།ལི་ཅང་ལུང་གི་ཡིག་འབྲུ་ཁྲི་གསུམ་ཟིན་པའི་བརྟག་ཞིབ་ཐོག་བཀོད་པ་དེ་ཐོག་ནས་ཁོང་གིས་གྲོང་ཚོ་དང་མང་ཚོགས་ལ་བཅངས་པའི་བརྩེ་སེམས་མངོན་ཡོད།

    གནད་དོན་ཆེ་ཆུང་ལ་གཞིགས་ནས་རིམ་གྱིས་ཐག་གཅོད་བྱེད་དགོས།ལི་ཅང་ལུང་གིས་གྲོང་ཚོ“ཨུ་ཡོན་ལྷན་ཁང་གཉིས”ཀྱི་འགོ་ཁྲིད་ཚན་ཁག་དང་གྲོང་ཚོར་བཅའ་སྡོད་ལས་དོན་རུ་ཁག་གི་རུ་མི་བསྐོངས་ནས་རུ་མི་གྲོང་ཚོའི་གནད་དོན་ལ་བརྟག་ཞིབ་བྱེད་པའི་ཚོགས་འདུ་འཚོགས་པ་དང་རུ་མི་ཚོས་གཅིག་རྗེས་གཉིས་མཐུད་ངང་རང་ཉིད་ཀྱི་གྲོས་འགྲོ་བཏོན་པ་རེད།

    “མགོ་བོ་ན་ཚེ་མགོ་བོར་སྨན་བཅོས་བྱེད་པ་དང་རྐང་པ་ན་ཚེ་རྐང་པར་སྨན་བཅོས་བྱེད་པའི་བྱེད་ཐབས་དེ་རིགས་སྤྱད་ན་མི་འགྲིགསྤྱི་ཡོངས་ལ་བསམ་བློ་གཏོང་དགོས”ཞེས་ཤང་ཀྲང་བྱེད་མྱོང་བའི་སྐལ་བཟང་ཚེ་རིང་གིས་རང་ཉིད་ཀྱི་ལྟ་ཚུལ་བཤད།

    སྐལ་བཟང་ཚེ་རིང་གིས་དེ་འདྲ་ཤོད་སྐབས་ལི་ཅང་ལུང་གིས“ད་ག་རང་རེད།ང་ཚོས་ཏང་འཛུགས་དཔེ་སྟོན་གྲོང་ཚོ་སྐུལ་འདེད་གཏོང་རྒྱུ་དེར་དམ་འཛིན་བྱས་ནས་གཞི་རིམ་ཏང་རྩ་འཛུགས་འཛུགས་སྐྱོང་ལ་སྐུལ་འདེད་བཏང་སྟེ་ཏང་རྩ་འཛུགས་ཀྱི་དམག་འཐབ་མཁར་རྫོང་གི་ནུས་པ་འདོན་སྤེལ་གང་ལེགས་བྱེད་དགོས”ཞེས་བཤད།

    བཤད་པ་རྣམས་སྒྲུབ་ཐུབ་པ་བྱས་ཤིང་།གྲོང་ཚོར་བཅའ་སྡོད་ལས་དོན་རུ་ཁག་གིས་གཟའ་འཁོར་རེར་གྲོང་ཚོ“ཨུ་ཡོན་ལྷན་ཁང་གཉིས”ཀྱི་འགོ་ཁྲིད་ཚན་ཁག་གི་མཐུན་སྦྱོར་ཚོགས་འདུ་འཚོགས་ནས་ལས་ཀ་ཞིབ་ཏུ་བཏང་བ་དང་གཟའ་འཁོར་རེའི་ལས་འགན་གཙོ་བོ་དང་ཞིབ་ཕྲའི་ལས་དོན་ཁ་གསལ་བཟོས་ཏེ་གྲོང་ཚོ“ཨུ་ཡོན་ལྷན་ཁང་གཉིས”ཀྱི་འགོ་ཁྲིད་ཚན་ཁག་གི་ཁོངས་མིས་སེམས་ནུས་དང་སྟོབས་ཤུགས་གཅིག་ཏུ་བསྒྲིལ་ནས་གྲོང་ཚོ་དེ་ཡོངས་ཀྱི་གྲོང་མིར་མཐུན་སྒྲིལ་དང་སྣེ་ཁྲིད་བྱས་ཏེ་ལས་དོན་ཁག་སྤེལ་བ་རེད།

    འགོ་ཁྲིད་ཚན་ཁག་མཐུན་སྒྲིལ་ཐུབ་པ་བྱུང་བ་དང་ལམ་ལུགས་ཁག་འཐུས་ཚང་བྱུང་བར་བརྟེན་གྲོང་ཚོར་བཅའ་སྡོད་ལས་དོན་བདེ་བླག་ངང་སྤེལ་ཐུབ་པ་བྱུང་ཞིང་།གྲོང་ཚོ་དེ་ཡོངས་ཀྱི་ཏང་ཡོན་46གིས་བྱ་བ་60ལྷག་ཙམ་སྒྲུབ་རྒྱུའི་དམ་བཅའ་བཞག་པ་དང་ལས་དོན་རུ་ཁག་གིས་ཀྱང་བྱ་བ་བཞི་སྒྲུབ་རྒྱུའི་ཁས་ལེན་བྱས་པ་མ་ཟད།དེ་དག་གྱང་ལ་སྦྱར་ནས་ཁྱབ་བསྒྲགས་བྱས་པའི་ཁར་མང་ཚོགས་ཀྱི་ལྟ་སྐུལ་དང་ལེན་བྱས་པ་རེད།

    དམངས་ལ་གཅེས་སེམས་བཅངས་ཏེ་མང་ཚོགས་ཀྱིས་བསམ་བློ་གཏོང་སར་བསམ་བློ་གཏོང་བ་དང་མང་ཚོགས་ཀྱི་རེ་བ་ཆུད་ཟོས་སུ་མི་གཏོང་བའི་ཆེད་དོན་དངོས་ཚང་མ་ནུས་པས་ལྕོགས་ཚོད་ཀྱིས་བསྒྲུབས།

    གྲོང་ཚོར་བཅའ་སྡོད་རུ་མིའི་ཁས་ལེན་དེ་དངོས་གནས་རི་བོ་ལས་ཀྱང་ལྗིད།དེའི་ནང་ཏང་ཡོན་གྱི་འགན་འཁྲི་དང་ཁ་དན་ཚིག་གནས་ཡོད་ལ་མང་ཚོགས་ཀྱི་རེ་སྒུག་དང་གདེང་འཇོག་ཀྱང་ཚུད་ཡོད།དོན་དངོས་དེ་དག་ཡག་པོ་སྒྲུབ་མ་ཐུབ་ཚེ་མང་ཚོགས་ཀྱི་ཡིད་ཆེས་མི་ཐོབ་པ་དང་ཡག་པོ་སྒྲུབ་ཚེ་ཏང་ཡོན་ལས་བྱེད་པའི་གཟུགས་བརྙན་བཟང་པོ་མང་ཚོགས་ཀྱི་སེམས་ནང་འཇོག་ཐུབ།

    གྲོང་ཚོར་བཅའ་སྡོད་ལས་དོན་རུ་མིའི་ཁས་ལེན་སྒྲོམ་ནང་ལི་ཅང་ལུང་གིས་དུད་ཚང་དབུལ་པོ་ཆོས་འཛོམས་ཀྱི་བུ་མོ་པ་སངས་སྒྲོལ་དཀར་སློབ་གྲྭ་ཆེ་མོ་འགྲིམས་རྒྱུར་རོགས་རམ་བྱ་རྒྱུའི་ཁས་ལེན་དམ་བཅའ་བཀོད་ཡོད།

    2011ལོའི་ཟླ་9པར་པ་སངས་སྒྲོལ་དཀར་སློབ་ཆེན་དུ་ཚུད་ཀྱང་ཁྱིམ་ཚང་ལ་དཀའ་ངལ་ཡོད་པ་དང་ཨ་མར་སྙིད་ནད་ཡོད་པའི་རྐྱེན་གྱིས་སློབ་ཡོན་དེ་ཁྱིམ་ཚང་དེའི་གནད་དོན་ཆེན་པོ་ཞིག་ཏུ་གྱུར་པས་ཨ་མ་ཆོས་འཛོམས་སེམས་ཁྲལ་གྱིས་རྐྱེན་པས་ཤ་ཡང་རིད་པར་གྱུར།

    གནས་ཚུལ་དེ་ཤེས་སྐབས་ལི་ཅང་ལུང་གིས་ཆོས་འཛོམས་ཀྱི་ཁྱིམ་དུ་བསྐྱོད་དེ་ཆོས་འཛོམས་ཀྱི་ལག་ནས་འཇུས་ནས“ཨ་ཅག་ལགས།སེམས་ཁྲལ་བྱེད་དགོས་མེད།གནས་ཚུལ་དེ་ངས་རྩིས་བླངས་ཆོག”ཅེས་སེམས་གཏིང་གི་ཁས་ལེན་དམ་བཅའ་ཆོས་འཛོམས་ལ་བཤད་པ་དང་གཟི་བརྗིད་ཆེ་བའི་ཁས་ལེན་དམ་བཅའ་དེ་ཏང་ཡོན་གྱི་ཡོངས་བསྒྲགས་ཁས་ལེན་སྒྲོམ་ནང་དུ་བཀོད།

    ཕྲུ་གུ་སློབ་གྲྭར་བསྐྱོད་རྒྱུའི་དོན་དེ་སྐར་ཆ་ཙམ་ཡང་འགྱངས་རྒྱུ་མེད།ལི་ཅང་ལུང་གིས་སྐལ་བཟང་སྒྲོལ་དཀར་ལ་དགོས་ངེས་ཀྱི་ཡིག་ཆ་འབྲི་རོགས་བྱས་ཏེ་ཐད་ཀར་རྒྱ་ཚྭ་རྫོང་སློབ་གསོ་ཅུས་སུ་སྐྱོད་པ་དང་གནས་ཚུལ་དེ་ཞུས་ནས་སློབ་གསོ་ཅུས་ཀྱི་རོགས་སྐྱོར་ཐོབ་ཐབས་བྱས།

    ལི་ཅང་ལུང་སློབ་གསོ་ཅུས་ནས་ལོག་སྟེ་ཆོས་འཛོམས་ཀྱི་ཁྱིམ་དུ་བསྐྱོད་ནས་“ཨ་ཅག་ལགས།པ་སངས་སྒྲོལ་དཀར་གྱི་ཁ་པར་ཨང་གྲངས་དང་ད་དུང་དངུལ་ཁང་གི་གཱ་ང་ལ་སྤྲོད་རོགས”ཅེས་བཤད།པ་སངས་སྒྲོལ་དཀར་གྱི་ཁ་པར་ཨང་གྲངས་རག་རྗེས་ཁོང་གིས་པ་སངས་སྒྲོལ་དཀར་ལ“བློ་བདེ་པོས་སློབ་གྲྭར་སྐྱོད་ན་འགྲིགསློབ་ཡོན་ཐག་གཅོད་བྱུང་སོང་།དཀའ་ངལ་ག་རེ་ཡོད་ནའང་ང་ལ་ཐད་ཀར་ཁ་པར་རྒྱག་རྒྱུ་མ་བརྗེད་པ་བྱོས”ཞེས་བཤད།

    མང་ཚོགས་ཀྱི་གནད་དོན་རང་ཉིད་ཀྱི་བྱ་བར་བརྩི་བ།ལི་ཅང་ལུང་གིས་ཆོས་འཛོམས་ཀྱི་བུ་མོའི་སློབ་དུས་དང་པོའི་སློབ་ཡོན་སྒོར་3000བརྩོན་ལེན་ཐུབ་ནས་སློབ་གྲྭར་སྐྱོད་དཀའ་བའི་གནད་དོན་བདེ་བླག་ངང་ཐག་གཅོད་ཐུབ་ཡོད།

    “དངོས་གནས་མི་བཟང་པོ་ཞིག་རེད།མ་གཞི་བུ་མོ་འདི་ལོ་ནང་དུ་ལོག་ནས་པུའུ་ཀྲང་ལི་ལགས་ཐུག་པར་འགྲོ་མཁན་རེད།ཡིན་ནའང་....”ཞེས་ཆོས་འཛོམས་ཀྱིས་ལག་ཟུང་སྙིང་ཁར་སྦྱར་ནས་མིག་ཆུ་གཏོང་བཞིན་གང་ཡང་སྨྲ་མ་ཐུབ།

    ཁས་ལེན་དམ་བཅའ་ཁག་གཅིག་ཁས་ལེན་སྒྲོམ་ནང་བཀོད་ཡོད་ཀྱང་མང་པོ་ཞིག་ལི་ཅང་ལུང་གི་སེམས་ནང་གནས།

    གསུང་ཆོས་ཀྱི་བུ་བཟོད་པ་མཐོ་རིམ་སློབ་འབྲིང་ཐོན་པའི་སློབ་རྒྱུས་ཡོད་པ་དང་ད་བར་གླ་པ་བྱས་ནས་འཚོ་བ་སྐྱེལ་གྱི་ཡོད།“ཁྱེད་ཚོ་བློ་བདེ་པོ་བྱོས།གུང་ཁྲན་ཏང་གི་སྲིད་ཇུས་དང་བྱེད་ཕྱོགས་ཡག་པོ་ཡོད།ངས་ངེས་པར་དུ་བཟོད་པར་ལས་ཀ་ཞིག་རག་ཐབས་བྱས་ཆོག”གནས་ཚུལ་ཤེས་རྗེས་ལི་ཅང་ལུང་གིས་རྒྱ་ཚྭ་རྫོང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་སྡེ་ཚན་དང་འབྲེལ་བ་བྱས།ཟླ་བ་གཉིས་ཙམ་སོང་རྗེས་བཟོད་པར་སྤྱི་ཕན་རང་བཞིན་གྱི་ལས་གནས་ཤིག་རགད་ཆ་བཟོད་པ་རྒྱ་ཚྭ་རྫོང་ལོག་གླེན་ཤང་སྲིད་གཞུང་དུ་ལས་ཀ་བྱས་ནས་ཟླ་བ་གསུམ་སོང་ཡོད་པ་རེད།

    “དེ་ནི་ངས་བསྒྲུབས་ཐུབ་པ་ཞིག་རེད།ཐུགས་རྗེ་ཆེ་ཞུ་དགོས་དོན་མེད”ལི་ཅང་ལུང་ཆེད་མངགས་གསུང་ཆོས་ཀྱི་ཁྱིམ་དུ་གཏམ་བཟང་དེ་ཤོད་པར་ཡོང་བ་དང་གསུང་ཤོས་ཀྱིས་ཐུགས་རྗེ་ཆེ་ཞུ་བཞིན་སྒོ་ང་སྤྲོད་རྩིས་བྱེད་སྐབས་ལི་ཅང་ལུང་གིས་ལག་ནས་འཇུས་ཏེ་གད་མོ་དགོད་བཞིན“བྱ་བ་དེ་ངས་ངེས་པར་དུ་སྒྲུབ་དགོས་པ་ཞིག”རེད་ཅེས་བཤད།

    2012ལོའི་ཟླ་3པའི་ཚེས་ཤར་དུ་ལས་དོན་རུ་ཁག་གིས་རྫོང་གྲོང་གི་འཛུགས་སྐྲུན་ཅུས་དང་འབྲེལ་བ་བྱས་ཏེ་བཀྲ་ཤིས་རྡོ་རྗེར་ཞིང་པའི་ཨར་ལས་རུ་ཁག་འཛུགས་རྒྱུའི་རེ་ཞུ་འབུལ་རོགས་བྱས་པ་དང་ཐོ་འགོད་མ་དངུལ་བསྡོམས་སྒོར་ཁྲི་170ཟིན་པ་དང་ལས་ཀ་བྱེད་མཁན་98ཡོད་པས་ཡུལ་མིའི་འབབ་འཕར་ཐབས་ལམ་རྒྱ་ཆེར་ཕྱིན་ཡོད།

    ས་ཆ་དེའི་གནམ་གཤིས་ལེགས་པ་དང་ས་རྒྱུ་ལེགས་པའི་ཁྱད་ཆོས་དང་ཟུང་འབྲེལ་གྱིས་ཟླ་གསུམ་པའི་ཚེས་ཤར་དུ་ལས་དོན་རུ་ཁག་གིས་རྫོང་ནགས་ལས་ཅུས་དང་གཞོགས་འདེགས་ཀྱིས་གྲོང་ཚོའི་མང་ཚོགས་ཀྱི་སྣེ་འཁྲིད་དེ་ས་ཆ་མུའུ་64ལ་སྟར་སྡོང་རྐང་758བཙུགས་ནས་འབབ་འཕར་གྱི་ཐབས་ལམ་བཏོད་ཡོད།

    ལས་དོན་རུ་ཁག་གིས་མངར་རབ་གྲོང་རྡལ་སྲིད་གཞུང་དང་གནད་དོན་སྙན་ཞུ་དང་མཐུན་སྦྱོར་བྱ་རྒྱུར་ཤུགས་སྣོན་བརྒྱབ་པས་ལུག་སྡོམ་གསོས་རྣམ་གྲངས་ཀྱི་མ་དངུལ་སྒོར་ཁྲི་30དམིགས་སར་འབྱོར་ཡོད་པ་རེད།

    2012ལོའི་ཟླ་5པར་ལས་དོན་རུ་ཁག་གིས་རྫོང་ཞིང་འབྲོག་ཅུས་དང་མངར་རབ་གྲོང་རྡལ་སྲིད་གཞུང་དང་མཐུན་སྦྱོར་བྱས་པ་བརྒྱུད་གྲོང་ཚོའི་ནང་བོད་བྱ་གསོ་ཚགས་དུད་ཚང་20མང་དུ་བཏང་བར་བསྡོམས་བོད་བྱ་1000ལྷག་ཙམ་ཟིན་ཡོད་པ་རེད།

    བོད་རྒྱ་ཁྱིམ་ཚང་གཅིག་ཡིན།བྱ་སྤྱོད་ངོ་མའི་ཐོག་ནས་མི་རིགས་མཐུན་སྒྲིལ་སྲུང་སྐྱོང་བྱེད།དྲིལ་བསྒྲགས་ལས་བྱེད་པ་ཞིག་ཡིན་པའི་ཁོང་མང་ཚོགས་དང་སེམས་པ་གཅིག་ཏུ་སྒྲིལ་ཡོད།

    “བོད་རིགས་དང་རྒྱ་རིགས་ནི་ཨ་མ་གཅིག་གི་བུ་མོ་ཡིན།ང་ཚོའི་ཨ་མའི་མིང་ལ་ཀྲུང་གོ་ཟེར”བོད་ཀྱི་ལོ་གསར་སྐབས་ལི་ཅང་ལུང་གིས་བོད་སྐད་ཀྱི་ཐོག་ནས་གྲོང་མི་ཚོར《ཨ་མ་གཅིག་གི་བུ་མོ》ཞེས་པའི་གླུ་གཞས་དེ་གཏོང་སྐབས་ཐལ་མོའི་རྡེབ་སྒྲས་ཁེངས།

    “པུའུ་ཀྲང་ནི་གཤིས་རྒྱུད་བཟང་བའི་མི་ཞིག་རེད།ང་ཚོ་དང་མང་ཚོགས་དབར་འབྲེལ་བ་ཟབ་ཏུ་གཏོང་ཆེད་ཁོང་གིས་ཆེད་མངགས་བོད་གཞས་སྦྱངས་པ་དང་བོད་ཀྱི་ལོ་གསར་སྐབས་འཁྲབ་སྟོན་བྱས་པས་ང་ཚོ་དགའ་པོ་བྱུང”ཞེས་རུ་མི་གྲོང་ཚོའི་ཡུལ་མི་ཡེ་ཤེས་ཆོས་སྒྲོན་གྱི་མིག་ནང་རྒྱ་རིགས་ལས་བྱེད་པ་དེ་མི་རྣམས་ལ་བྱམས་བརྩེ་ཆེ་བ་ཞིག་ཏུ་མངོན་ལུགས་བཤད།

    ལི་ཅང་ལུང་གིས་དྲིལ་བསྒྲགས་ལས་དོན་ནི་ཏང་གི་སྲོག་རྩ་དང་འབྲེལ་བ་ཡོད།དྲིལ་བསྒྲགས་ལས་བྱེད་པ་ཞིག་ཡིན་པའི་ངོས་ནས་སྐད་ཆ་དྲང་པོ་ཤོད་པ་དང་སྙིང་གཏམ་དྲང་པོ་བཤད་དེ་ནུས་ཤུགས་ཡོད་རྒུས་མི་སེར་ཚོར་མཁོ་བ་དང་མང་ཚོགས་བློ་ཡིད་ཚིམ་པའི་དྲིལ་བསྒྲགས་བྱེད་དགོས་ཞེས་རྒྱུན་དུ་ཤོད་ཀྱི་ཡོད།

    ཏང་གི་དྲིན་ཚོར་བའི་སློབ་གསོ་སྤེལ་རྒྱུ་ནི་གྲོང་ཚོར་བཅའ་སྡོད་ལས་དོན་གྱི་ནང་དོན་གལ་ཆེན་ཞིག་རེད།དྲིན་ཚོར་བའི་སློབ་གསོ་མི་སེམས་ལ་ཟུག་པ་དང་མི་རིགས་ཁག་གི་མང་ཚོགས་དང་ལྷག་དོན་དུ་ན་གཞོན་ཚོས་དེང་གི་རང་ཐག་རང་གཅོད་དང་བདེ་སྐྱིད་ཁམས་བདེའི་འཚོ་བ་བཟང་པོ་ནི་གུང་ཁྲན་ཏང་གི་འགོ་ཁྲིད་འོག་བྱུང་བ་ཞིག་ཡིན་པ་གསལ་པོ་ཤེས་པ་བྱས་ཏེ་རང་རྟོགས་ངང་ཏང་ལ་དགའ་ཞེན་དང་།རྒྱལ་ཁབ་ལ་དགའ་ཞེན།སྤྱི་ཚོགས་རིང་ལུགས་ལ་དགའ་ཞེན་བཅས་བྱས་ཏེ་ཏང་གི་དྲིན་ཚོར་བ་དང་ཏང་གི་རྗེས་སུ་འབྲངས་ཐུབ་པ་བྱེད་དགོས།

    དྲིལ་བསྒྲགས་ལས་བྱེད་པ་ཞིག་གི་འགྲམ་དུ་དྲིལ་བསྒྲགས་དཔུང་ཁག་གཅིག་ཡོད།གྲོང་ཚོའི་ནང་རིག་རྩལ་དྲིལ་བསྒྲགས་རུ་ཁག་མེད་པ་ཤེས་རྗེས་ལི་ཅང་ལུང་གིས་མང་ཚོགས་ཀྱི་ཁྲོད་དུ་སྐྱོད་དེ་གཞས་དང་ཞབས་བྲོ་ཤེས་པའི་ཕྲུ་གུ་རྣམས་ཐོ་འགོད་བྱས།

    དཔུང་ཁག་དམིགས་འཛུགས་ཡོད་པས་ཁོང་ལྷོ་ཁ་ས་ཨུད་དྲིལ་བསྒྲགས་པུའུ་རུ་བསྐྱོད་དེ་རང་ཉིད་ཀྱི་བསམ་ཚུལ་བཤད་པ་སྟེ།རིག་རྩལ་དྲིལ་བསྒྲགས་རུ་ཁག་ཅིག་བཙུགས་ཚེ་མང་ཚོགས་ཀྱི་ལས་ཞོར་རིག་གནས་འཚོ་བ་ཕུན་སུམ་ཚོགས་སུ་འགྲོ་བ་མ་ཟད་ཏང་གི་བྱེད་ཕྱོགས་དང་སྲིད་ཇུས་དུད་ཚང་ཁྲི་སྟོང་མང་པོར་དྲིལ་བསྒྲགས་ཀྱང་བྱེད་ཐུབ།དྲིལ་བསྒྲགས་བསམ་བློའི་ལས་དོན་ཡུལ་མི་ཚོའི་སེམས་ནང་ཟུག་ཐུབ་པ་བྱེད་དགོས།

    ས་ཨུད་དྲིལ་བསྒྲགས་པུས་འགྲོ་གྲོན་སྒོར་ཁྲི་5བཏང་སྟེ་རོལ་ཆ་དང་གྱོ ན་ཆས་ཉོས་པ་དང་འཁྲབ་སྟོན་པ་14ལས་གྲུབ་པའི་རིག་རྩལ་དྲིལ་བསྒྲགས་རུ་ཁག་མྱུར་དུ་བཙུགས་ཡོད།རིག་རྩལ་དྲིལ་བསྒྲགས་རུ་ཁག་ཡོད་པས་ལི་ཅང་ལུང་གིས་གྲོང་ཚོའི་ནང་གི་ལས་ཞོར་རིག་རྩལ་རུ་ཁག་སྒྲིག་འཛུགས་ཀྱིས་ལེ་ཚན་རྩོམ་སྒྲིག་བྱས་ཡོད།དཔྱིད་གསར་དུས་ཆེན་དང་བོད་ཀྱི་ལོ་གསར་དང་དེ་བཞིན་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོའི་ཉིན་མོའི་དུས་སུ་འཁྲབ་སྟོན་བྱས་ཡོད།ཡུལ་གྱི་ཁྱད་ཆོས་ཟབ་མོ་ལྡན་པའི་ལེ་ཚན་དེ་དག་གིས་མང་ཚོགས་ཀྱི་ཡིད་དབང་ཅིག་ཅར་དུ་འཕྲོག་ཡོད་པ་རེད།

    བློ་གཅིག་སེམས་གཅིག་ངང་གྲོང་ཚོར་བཅའ་སྡོད་ལས་དོན་ལ་གཞོལ་བ་དང་སྤྱི་སེམས་ལས་སྒེར་སེམས་མེད་ཀྱང་ཁོང་ལ་ནང་མིས་ཇི་སྲིད་བར་དྲན་གསོ་ཞུ་སྲིད།

    གྲོང་ཚོར་བཅའ་སྡོད་ལས་དོན་རྒྱུན་ཆད་མེད་པར་གཏིང་ཟབ་ཏུ་འགྲོ་བ་དང་བསྟུན་ནས་ལི་ཅང་ལུང་གི་ལས་འབོར་ཀྱང་རྒྱུན་ཆད་མེད་པར་མང་དུ་ཕྱིན་པ་དང་ཁོང་གིས་བློ་གཅིག་སེམས་གཅིག་ངང་གྲོང་ཚོར་བཅའ་སྡོད་ལས་དོན་ལ་གཞོལ་བས་མང་ཚོགས་ཀྱི་དགའ་གུས་ཐོབ་ཀྱང་ནང་མིར་གནོང་འགྱོ ད་ཚད་མེད་བྱུང་ཡོད།

    རང་ཉིད་དང་བཟའ་ཟླ་བོད་དུ་ལས་ཀ་བྱེད་ཁར་ཕ་མ་གཉིས་གྲོངས་པར་བརྟེན་བཟའ་ཚོ་གཉིས་ཀྱིས་ཕུའུ་ཅན་དུ་ཡོད་པའི་གྲོགས་པོར་ཕྲུ་གུ་མ་བཅོལ་ཀ་མེད་བྱུང་བ་རེད།

    ད་ལོའི་ཟླ་བ་གཉིས་པར་ཕྲུ་གུ་བོད་དུ་ཡོང་བ་དང་ལི་ཅང་ལུང་རྒྱུས་མངའ་ཡོད་པའི་ལས་གྲོགས་ཚོས་ཁོང་ལ་ནང་དུ་ལོག་ནས་ཕྲུ་གུར་བལྟ་བར་སྐྱོད་རྒྱུའི་ཁ་ཏ་བྱས་ཀྱང་ཁོང་གིས“ལས་བྲེལ་ཆེ་བ་དང་མང་ཚོགས་ཀྱི་བྱ་བ་རྣམས་གལ་ཆེ་ཤོས་ཡིན་པས་ངས་སྔོན་ལ་ལས་ལ་བྲེལ་རྗེས་ལོག་ན་འགྲིག”ཅེས་བཤད་པ་རེད།

    ད་ལོའི་ཟླ་དང་པོ་ནས་ལྔ་པ་བར་ཁོང་གིས་གྲོང་ཚོར་བཅའ་སྡོད་ཀྱི་ལས་གནས་བརྟན་སྲུང་བྱས་ནས་གྲོང་ཚོ་ཡོངས་ཀྱི་ཞིང་འབྲོག་ཏང་ཡོན་སྒྲིག་འཛུགས་བྱས་ཏེ་ལམ་བཟོ་བ་དང་ཡུར་བུ་བཤངས་ནས་གྲོང་ཚོའི་ལམ་སྤྱི་ལེ་3ཉམས་གསོ་བྱས་པ་དང་ཆུ་ཡུར་སྤྱི་ལེ་4ཡན་བཤངས་ཡོད་པ་རེད།

    ལས་བྲེལ་གྱིས་རྐྱེན་པས་ནང་དུ་ལོག་ཐུབ་མེད་ཀྱང་ཕྲུ་གུ་མི་དྲན་པ་ག་ལ་སྲིད།ཁོང་གིས་ཁ་པར་བརྒྱུད་ནས་ཕྲུ་གུའི་སྐད་ཉན་པ་དང་བཟའ་ཟླས་བསྐུར་བའི་མཚར་འཕྲིན་བརྒྱུད་ནས་ཕྲུ་གུ་ཆེ་རུ་ཕྱིན་ཡོད་མིན་བལྟ་རྒྱུ་ཙམ་ལས་མ་མཆིས།

    ཁོམ་པ་ཡོད་དུས་ཕྲུ་གུར་ཁ་པར་རྒྱག་སྐབས་པ་ཕ་དྲན་པའི་ཕྲུ་གུས“པཱ་ལགས།ཁྱེད་ག་དུས་ང་ལ་བལྟ་བར་ཕེབས་ཀྱི་ཡིན་ནམ”ཞེས་དྲིས་པས་ཕྲུ་གུའི་སྐད་ཆ་རྣམས་ཁོང་གི་སེམས་ནང་ཟུག་བཞིན་ནང་དུ་ལོག་ནས་ཕྲུ་གུར་བལྟ་བར་འགྲོ་འདོད།ཡིན་ན་ཡང་གྲོང་ཚོར་བཅའ་སྡོད་ལས་དོན་དྲན་མ་ཐག་ཁོང་གིས་སེམས་ཐག་བཅད་དེ“ཉིན་ཤས་སོང་རྗེས་སླེབས་ཡོང”ཞེས་བཤད་ཅིང་།ཁས་ལེན་དེ་ཟླ་ལྔ་པར་སླེབས་སྐབས་གཞི་ནས་སྒྲུབ་ཐུབ་པ་བྱུང་བ་རེད།

    “བཟའ་ཟླ་དང་བུ་ལ་མང་ཤོས་ཆད་ཡོད།བུ་ད་ལོ་ལོ་8ལ་སླེབས་ཀྱང་ཁོང་དང་གཤིབ་པའི་དུས་ཚོད་ལོ་ཕྱེད་ཀྱང་མི་ཟིན་པ་དང་བུའི་ཆེད་དུ་བྱ་བ་གཅིག་ལས་སྒྲུབ་མྱོང་མེད་པ་དེ་ནི་ད་ལོ་ཕྲུ་གུར་སྒོ་ངའི་བག་ལེབ་གཅིག་ཉོས་ནས་སྐྱེས་སྐར་ཐེངས་གཅིག་བཏང་བ་དེ་རེད”ཅེས་བཤད་ཅིང་།ལི་ཅང་ལུང་གི་སྐད་ཆ་དེ་བཟའ་ཟླས་ཐོས་མེད་ལ་བུས་ཀྱང་ཐོས་མེད་ནའང་ལས་གྲོགས་ཚོས་མང་ཤོས་ཤེས་ཀྱི་ཡོད།

    རྣམ་གྲངས་གཞན་ཞིག་ལག་བསྟར་བྱ་རྒྱུ་རེད།ལི་ཅང་ལུང་གིས་ས་ཁུལ་ལ་རེ་བ་ཞུས་པའི་དམངས་འཚོའི་རྣམ་གྲངས་ཏེ་རུ་མི་གྲོང་ཚོའི་འབྲུ་རིགས་དང་པད་ཁ་ལས་སྣོན་ཁང་གི་རེ་ཞུར་ཆོག་མཆན་ཐོབ་པ་རེད།

    དུས་ཐོག་ཏུ་ལས་སྒོ་བཙུགས་ནས་མང་ཚོགས་ལ་སྔ་ཙམ་ཕན་པ་ཐོབ་པ་བྱེད་ཆེད་ཁོང་གིས་དུས་ཐོག་ཏུ་ས་ཁུལ་འཆར་འགོད་ཁང་གི་གྲོགས་པོ་དང་འབྲེལ་བ་བྱས་ནས་ཨར་ལས་ཀྱི་ས་བཀྲ་བཟོ་རོགས་བྱས་པས་རྣམ་གྲངས་ཀྱི་མ་དངུལ་ཁག་གཅིག་གྲོན་ཆུང་ཐུབ་པ་རེད།འོན་ཀྱང་ས་བཀྲ་དང་ཨར་ལས་ཀྱི་ཆ་རྐྱེན་དབར་མི་འཚམ་པའི་གནས་ཡོད་ཁར་ལས་སྒོ་འཛུགས་པའི་དུས་ཚོད་སླེབས་ཉེར་ཡོད་སྟབས་ཁོང་གིས་བཟོ་སྐྲུན་བྱེད་མཁན་ཕྱོགས་དང་མཐུན་སྦྱོར་ཡང་ཡང་བྱས་པ་དང་ས་བཀྲ་འཆར་འགོད་བྱེད་མཁན་དང་འབྲེལ་བ་ཡང་ཡང་བྱས་པ་རེད།

    2012ལོའི་ཟླ་7ཚེས་18ཉིན་ལི་ཅང་ལུང་གིས་འཆར་འགོད་ས་བཀྲ་འཁྱེར་ནས་རླངས་འཁོར་ནང་ཞུགས་ཏེ་རྩེད་ཐང་ཕྱོགས་སུ་བསྐྱོད་པ་རེད།རླངས་འཁོར་རྒྱ་ཚྭའི་རི་ལམ་ཐོག་རྒྱུན་ཆད་མེད་པར་འཛེགས་སྐབས་ཁོང་གི་བསམ་པར་འཆར་འགོད་ས་བཀྲ་དེ་བཟོ་སྐྲུན་བྱེད་མཁན་ཕྱོགས་ཀྱི་རེ་བ་ལྟར་བཟོ་བཅོས་བརྒྱབ་རྗེས་ལས་སྒོ་བཙུགས་ཆོག་པ་དང་།དམངས་ཕན་རྣམ་གྲངས་གཞན་ཞིག་དོན་འཁྱོལ་བྱེད་ཆོག་པ།མང་ཚོགས་ཀྱི་ངལ་ནུས་ལྷག་མར་ཐབས་ལམ་ཡོང་བ་བཅས་བྱེད་ཐུབ་སྙམ་པ་རེད།

    རྒྱ་ཚྭའི་རིའི་རི་ལམ་དེ་རི་ལ་རི་རྒྱུད་དུ་བཟོས་ཡོད་པས་ཀྱག་ཀྱོག་ཇི་ཙམ་སྐྱོད་དགོས་མིན་མི་ཤེས།ལམ་ཀྱོག་གཅིག་སྐྱོད་ཚེ་སྨི་ག་ཚོད་མཐོ་རུ་འགྲོ་བ་མི་ཤེས།ཡར་ཀླུང་གཙང་འགྲམ་དུ་བསྐྲུན་པའི་སྣང་རྫོང་ནས་རྒྱ་ཚྭ་བར་གྱི་སྣུམ་ནག་ལམ་དེ་གྲོང་ཚོ་བརྒྱུད་ནས་སྐྱོད་དགོས་པ་དེ་ནི་གོ་སྐབས་ཡག་པོ་ཡིན་པས་ཞིང་ཁྱིམ་སྤྲོ་ཁང་དང་།འདེབས་འཛུགས་ལས་རིགས།ཞབས་ཞུའི་ལས་རིགས།ལག་ཤེས་བཟོ་ལས་སོགས་འཕེལ་རྒྱས་གཏོང་བར་གྲ་སྒྲིག་ཡག་པོ་བྱས་ན་མ་གཏོགས་མི་འགྲིག

    ལམ་རྒྱུན་ཆད་མེད་པར་མཐོ་རུ་འགྲོ་བ་དང་རྒྱ་ཚྭའི་རི་བརྒལ་ཚེ་ཡར་ཀླུང་གཞུང་དུ་སླེབས་པ་དང་ཁྱིམ་ཡང་ཐག་ཉེ་རུ་འགྲོ་གི་ཡོད།

    གཏམ་ངན་ཁྱབ་པ་སྟེ་ལི་ཅང་ལུང་རྒྱ་ཚྭ་རྫོང་རྒྱ་ཚྭའི་རིའི་སྟེང་ནས་རླངས་འཁོར་རི་གཤམ་དུ་ཟགས་ནས་སྟབས་མི་ལེགས་པར་འཇིག་རྟེན་འདི་ནས་ཁ་བྲལ་ཞིང་།དེ་ནི་མི་ཞིག་གི་ངོས་ནས་བརྗོད་ན་དེ་འདྲའི་རྩ་ཆེ་བའི་ཚེ་སྲོག་ཅིག་དང་ཇི་འདྲའི་གསོན་ཉམས་ལྡན་པའི་མི་ཚེ་ཞིག་མ་ཡིན་ནམ།

    དེ་ནི་དོན་དངོས་ཤིག་ཡིན་པ་མི་རྣམས་ཡིད་མི་ཆེས་ཀྱང་དེ་ནི་དངོས་སུ་བྱུང་བ་ཞིག་རེད།

    ཆོས་འཛོམས་ཀྱིས་མིག་ལ་མཆི་མ་འཁོར་བཞིན་དུ“པུའུ་ཀྲང་སྟབས་མི་ལེགས་པར་གྲོངས་ཀྱང་ཁོང་གིས་ཕྱག་ལས་གནང་སར་བལྟ་འདོད་འདུག”ཅེས་ཤོད་བཞིན་དུ་དྲན་སེམས་ཚད་མེད་མཚོན་པར་བྱས་པ་རེད།

    ལི་ཅང་ལུང་ཚེ་ལས་འདས་ཀྱང་རྒྱ་ཚྭའི་རི་བོའི་ཐོག་འཐིབས་པའི་སྨུག་པ་དེ་ནི་ཁྱེད་དཔའ་བོའི་རྣམ་ཤེས་ཡིན་པ་དང་།རི་ཚོགས་ཀྱིས་ཁྱེད་ལ་མྱ་ངན་ཞུ་གི་ཡོད་པས་ཁྱེད་ཐག་རིང་དུ་མ་ཕེབས་པར་རི་ཚོགས་ཁྲོད་དུ་བཞུགས་དང་།ཡར་ཀླུང་གཙང་པོས་གདོང་གྲོགས་བྱས་པས་རྒྱ་ཚྭའི་རི་ཆེན་དེའི་དཔའ་བོའི་རྣམ་ཤེས་ཀྱིས་ཏང་ཡོན་ཞིག་གི་དཔའ་ཉམས་མངོན་པ།