ཚེས་དགུ་ཉིན་རྒྱལ་ཁབ་ཀྱི་ཀྲུའུ་ཞི་ཧུའུ་ཅིན་ཐོ་ཡིས་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་མཉམ་ལས་རྩ་འཛུགས་ཀྱི་མགོ་ཁྲིད་པའི་དངོས་གཞི་མིན་པའི་གྲོས་ཚོགས་ཐེངས་ཉི་ཤུ་བར་ཞུགས་པའི་སྐབས་སུ་འཇར་པན་གྱི་དབུ་བཞུགས་བློན་ཆེན་ཡེ་ཐེན་ཅ་ཡན་དང་ཁ་བརྡ་མཛད། ཧུའུ་ཅིན་ཐོ་ཡིས་དེང་སྐབས་ཀྱི་ཀྲུང་གོ་དང་འཇར་པན་བར་གྱི་འབྲེལ་བ་དང་ཏེའོ་དབྱི་གླིང་ཕྲན་གནད་དོན་ཐད་ཀྱི་ཀྲུང་གོའི་ལངས་ཕྱོགས་གསལ་བོར་བསྟན།

ཧུའུ་ཅིན་ཐོ་ཡིས་ནན་གྱིས་བསྟན་དོན། ཉེ་བའི་ལོ་འགའི་རིང་ལ། ཀྲུང་གོ་དང་འཇར་པན་གཉིས་ཏེའོ་དབྱི་གླིང་ཕྲན་གྱི་གནད་དོན་ཚབས་ཆེན་ལ་འཕྲད་ཡོད། ཏེའོ་དབྱི་གླིང་ཕྲན་གྱི་གནད་དོན་སྟེང་ནས། ཀྲུང་གོ་ཕྱོགས་ཀྱི་ལངས་ཕྱོགས་ནི་སྔོན་བཞིན་གསལ་བོ་ཡིན། འཇར་པན་ཕྱོགས་ཀྱིས་གླིང་ཕྲན་ཉོ་བར་སྤྱད་པའི་རྣམ་པ་གང་ཡིན་རུང་ཚང་མ་ཁྲིམས་འགལ་ཡིན་པ་དང་ཕན་འབྲས་མེད། ཀྲུང་གོ་ཕྱོགས་ཀྱིས་བློ་ཐག་རྦད་ཆོད་ཀྱིས་དེར་ངོ་རྒོལ་བྱས་པ་ཡིན། ཀྲུང་གོ་སྲིད་གཞུང་གིས་མངའ་ཁོངས་ཀྱི་བདག་དབང་ལ་སྲུང་སྐྱོབ་བྱེད་པའི་གནད་དོན་ཐད་ཀྱི་ལངས་ཕྱོགས་བརྟན་པོ་དེར་གཡོ་འགུལ་སྤུ་ཙམ་ཡང་མེད། འཇར་པན་ཕྱོགས་ཀྱིས་ངེས་པར་དུ་དོན་དག་ཚབས་ཆེན་ཡིན་པར་ངོས་འཛིན་གང་ལེགས་བྱེད་དགོས་པ་དང་། ནོར་འཁྲུལ་གྱི་བྱ་བ་མི་བསྒྲུབ་པར་ཀྲུང་གོ་དང་མཉམ་དུ་ཀྲུང་གོ་དང་འཇར་པན་གྱི་འབྲེལ་བ་འཕེལ་རྒྱས་སུ་གཏོང་བའི་བྱ་བའི་ཆེ་ཕྱོགས་སྲུང་སྐྱོབ་བྱེད་དགོས་ཟེར།