གསར་འགོད་པས་ཡུན་ནན་ཞིང་ཆེན་དམངས་སྲིད་ཐིན་ནས་ཤེས་གསལ་བྱུང་བ་ལྟར་ན།  ཡུན་ནན་ཞིང་ཆེན་ཧྲའོ་ཐིན་གྲོང་ཁྱེར་དམངས་སྲིད་ཅུའུ་ཡིས་ཡར་ཞུ་བྱས་པར་ཕྱི་དྲོའི་དུས་ཚོད3དང་སྐར་མ50བར་དུ་ས་འགུལ་ལས་ཡུས་ལིང་དང་། ཧྲའོ་ཡང་། ཏྰ་ཀན་སོགས་རྫོང་ཁག་གསུམ་ལ་གནོད་འཚེ་ཅུང་ཆེན་པོ་ཐེབས། དེའི་ནང་མང་ཚོགས་ཁྲི70ལྷག་ལ་གནོད་འཚེ་ཐེབས་པ་དང་། མང་ཚོགས43རྐྱེན་ངན་ལས་འདུས་ཤིང་མང་ཚོགས150ལྷག་ལ་རྨས་ཕོག ས་འགུལ་ལས་གནོད་འཚེ་ཐེབས་ཚུལ་ད་ལྟ་སྤྱི་བསྡོམས་བྱེད་བཞིན་པའི་སྒང་ཡིན། 

ཀྲུང་གོའི་ས་འགུལ་བརྟག་དཔྱད་དྲ་བ་ལས་འབྱོར་བའི་གནས་ཚུལ་ལྟར་ན།    2012ལོའི་ཟླ9བའི་ཚེས7ཉིན་གྱི་དུས་ཚོད11དང་སྐར་མ19སྟེང་ཡུན་ནན་ཞིང་ཆེན་ཧྲའོ་ཐོན་གྲོང་ཁྱེར་ཡུས་ལིང་རྫོང་དང་། ཀུའེ་ཀྲུག་ཞིང་ཆེན་པའེ་ཅེ་ས་ཁུལ་ཝུས་ཉིན་དབྱིས་རིགས་མིའོ་རིགས་རང་སྐྱོང་རྫོང་གི་ས་མཚམས་སུ་ཚད་རིམ5.7ཅན་གྱི་ས་འགུལ་བྱུང་ཞིང་། ས་འགུལ་གྱི་གཏིང་ཚད་སྤྱི་ལེ14ལ་སླེབས། 

   ཕྱི་དྲོའི་ཆུ་ཚོད13བར་དུ། ས་འགུལ་འཕྲོ་འགུལ་ཐེངས16ལ་བྱུང་བ་དང་། དེའི་ཁྲོད་དུ་M2.0རིམ་པའི་མན་ཐེངས8་དང་། 2.0ནས་2.9རིམ་པ་ཐེངས་4། 4.0ནས་4.9རིམ་པ་ཐེངས་2། 5.0ནས་5.9རིམ་པ་ཡན་ཐེངས་2། ཆེས་ཆེ་བའི་ས་འགུལ་འཕྲོ་འགུལ་5.6རིམ་པ་བྱུང་།

  ཡུན་ནན་ཞིང་ཆེན་གནོད་སེལ་རྒུད་སྐྱོབ་ཨུ་ཡོན་ལྷན་ཁང་དང་། ཞིང་ཆེན་དམངས་སྲིད་ཐིན་གྱིས་མིག་སྔར་རིམ་པ་གཉིས་ཀྱི་གནོད་སེལ་འཕྲད་སྒྲུབ་སྒྲུབ་མགོ་བརྩམས་ཤིང་། གནོད་ཐེབས་ས་ཁུལ་དུ་མགྱོགས་མྱུར་སྒོས་སྦྲ་གུར་སྟོང6000དང་ཉལ་ཐིལ་སྟོང6000། དགུན་ལྭ་མཐིག་པོ་སྟོང6000བསྐྱལ། དེ་དང་ཆབས་ཅིག ཡུན་ནན་ཞིང་ཆེན་དམངས་སྲིད་ཐིན་གྱི་ཐིན་ཀྲང་ཝང་ཧྲུའུ་ཧྥུན་གྱིས་བྱ་བའི་ཚན་ཆུང་སྣེ་ཁྲིད་བྱས་ཏེ་གནོད་ཐེབས་ས་ཁུལ་དུ་སོང་སྟེ། གནོད་སེལ་རྒུད་སྐྱོབ་བྱ་བར་རོགས་འདེགས་སྣེ་ཁྲིད་བྱས།  །