ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་འདིའི་སྤྱི་ཚེས27ཉིན་ནས་བཟུང་།ཡོ་རོབ་མནའ་འབྲེལ་གྱིས་ཀྲུང་གོར་འཐུས་ཆན་བཀོད་པའི་ལག་ཁྱེར་སྙན་ཞུ་སྔར་ལས་སྟབས་བདེ་རུ་གྱུར་བ་དང་།དམིགས་སུ་བགར་བའི་ཀྲུང་གོའི་ཡུལ་སྐོར་བས་སྙན་ཞུ་ཕུལ་སྐབས་མགྲོན་ཁང་གི་མངགས་ཐོ་དང་གནམ་གྲུའི་པ་སེ་སོགས་ཀྱི་བདེན་དཔང་ཡིག་ཆ་མི་དགོས་ཞེས་ཁྱབ་བསྒྲགས་བྱས་པ་དང་།བྱེད་ཐབས་འདི་སྙན་ཞུ་ཕུལ་བའི་ཧྲིན་ཀིན་རྒྱལ་ཁབ་དེ་རུ་ཚོང་དོན་འཚམས་འདྲི་དང་དུས་ཡུན་ཐུང་ངུའི་ཆེད་ལས་གསོ་སྦྱོང་། རིག་གནས་དང་ལུས་རྩལ་བྱེད་སྒོར་ཞུགས་པ། གྲོགས་དང་གཉེན་ཉེར་སྐོར་བ་བྱེད་པའི་སྙན་ཞུ་པར་འཚམ་ཞིང་།གནས་སྐབས་སུ་ཡུལ་སྐོར་ལ་འགྲོ་མཁན་དག་ལ་མི་འཕྲོད་པ་རེད།ཤེས་རྟོགས་བྱུང་བར་གཞིགས་ན།ཀྲུང་གོ་ནི་ཡོ་རོབ་མནའ་འབྲེལ་གྱི་རིགས་འདིའི་སྟབས་བདེ་ལོངས་སུ་སྤྱད་པའི་རྒྱལ་ཁབ་ཐོག་མ་དེ་ཆགས་ཡོད།  །