1985ལོ་ནས་མགོ་བརྩམས་ཏེ་བོད་ལྗོངས་ཀྱིས་རོང་འབྲོག་ས་ཁུལ་དུ་བཅའ་སྡོད་ལམ་ལུགས་གཙོ་བྱས་པའི་སློབ་གྲྭ་ཆུང་འབྲིང་སྒྲུབ་པ་དང་།  འོས་འགན་སློབ་གསོ་མྱོང་བཞིན་པའི་རོང་འབྲོག་པའི་བུ་བུ་མོར་ཟ་མ་དང་འདུག་གནས།  སློབ་ཡོན་སོགས་ཀྱི་ཐད་ནས“འགན་ལེན་གསུམ”ཀྱི་སྲིད་ཇུས་ལག་བསྟར་བྱས། མིག་སྔའི་བར་བོད་རང་སྐྱོང་ལྗོངས་ཀྱིས་སྔ་གཞུག་ཏུ“འགན་ལེན་གསུམ”གྱི་འགྲོ་གྲོན་ཚད་གཞི་ཐེངས་དགུ་ལ་ཇེ་མཐོར་བཏང་ཞིང་།  “འགན་ལེན་གསུམ”ཀྱི་གཟིགས་སྐྱོང་སྲིད་ཇུས་སློབ་གྲྭ་འགྲིམ་བཞིན་པའི་བོད་ལྗོངས་ཡོངས་ཀྱི་རོང་འབྲོག་པའི་བུ་བུ་མོར་ཁྱབ་ཡོད་པས།   བོད་ལྗོངས་ཀྱི་ཁྱད་ཆོས་དང་མི་རིགས་ཀྱི་ཁྱད་ཆོས་ལྡན་པའི་སློབ་གསོ་མ་ལག་ཞིག་རིམ་གྱི་ཆགས་ཡོད། 

ལོ་མང་པོའི་རིང་ཀྲུང་དབྱང་སྲིད་གཞུང་གིས་རྒྱབ་སྐྱོར་བྱས་འོག   བོད་ལྗོངས་ཀྱིས་བློ་བརྟན་འགྱུར་མེད་སྒོས་ལས་ཞུགས་སྔོན་སྐྱོད་ཐབས་ཇུས་ལག་བསྟར་བྱས་ཏེ།  ཕྱོགས་ཡོངས་སུ་མཐོ་རིམ་སློབ་གྲྭའི་མཐར་ཕྱིན་སློབ་མ་དང་།  མཁར་གྲོང་གི་ལས་ཤོར་མི་སྣ།  རོང་འབྲོག་ཁུལ་གྱི་ངལ་ལས་ལྷག་མ།  ལས་གནས་འཚོལ་དཀའ་བའི་མང་ཚོགས་སོགས་ལ་དམིགས་ནས་ལས་ཞུགས་སྲིད་ཇུས་ལག་བསྟར་བྱས།

ལོ་མང་པོའི་རིང་བོད་རང་སྐྱོང་ལྗོངས་ཀྱིས་སློབ་གྲྭ་ཆེན་མོའི་ལས་ཞུགས་གནད་དོན་ལ་དམིགས་ཏེ།  རོགས་སྐྱོར་སྲིད་ཇུས་རབས་དང་རིམ་པ་སྤེལ།  2006ལོ་ནས2010ལོའི་བར་བོད་ལྗོངས་ཀྱི་ཁྱིམ་ཐོ་ལྡན་པའི་སློབ་གྲྭ་ཆེན་མོའི་ལས་ཞུགས་ཀྱི་ཚད་བརྒྱ་ཆའི་གྱ་བཞི་ལ་བུད་པ་དང་།  2011ལོའི་ཟླ11པར་བོད་རང་སྐྱོང་ལྗོངས་ཀྱི་ཏང་ཨུའི་ཧྲུའུ་ཅི་ཁྲེན་ཆོན་གོ་ཡིས་བོད་རང་སྐྱོང་ལྗོངས་ཀྱི་ཏང་གི་འཐུས་མིའི་ཚོགས་ཆེན་ཐེངས་བརྒྱད་པའི་སྟེང་སྙན་ཞུ་ཕུལ་བ་ལས་ནུས་ཤུགས་ཡོད་ཚད་བཏོན་ནས་བོད་ལྗོངས་ཀྱི་ཁྱིམ་ཐོ་ལྡན་པའི་སློབ་གྲྭ་ཆེན་མོ་བའི་ལས་ཞུགས་གནད་དོན་ཐག་གཅོད་བྱེད་པར་བརྩོན་ལེན་བྱེད་རྒྱུ་ཡིན་པར་བསྟན།  བོད་རང་སྐྱོང་ལྗོངས་ཀྱི་ལས་ཞུགས་ཞབས་ཞུའི་མ་ལག་རྒྱུན་ཆད་མེད་པར་འཐུས་ཚང་དུ་སོང་བ་བརྒྱུད། “མི་རེར་ལས་ཀ་རེ་ཡོད་པའི”ལས་ཞུགས་བགྲོད་ལམ་ཞིག་བཏོད། 

སློབ་གསོ་དང་ལས་ཞུགས་གནད་དོན་ནི་དམངས་འཚོ་ཡི་རྨང་རྡོ་ཡིན་པ་དང་།  བོད་རང་སྐྱོང་ལྗོངས་ཀྱི་རིམ་པ་སོ་སོའི་ཏང་ཨུ་དང་།  སྲིད་གཞུང་གིས་སློབ་གསོ་འཕེལ་རྒྱས་དང་ལས་ཞུགས་གནད་དོན་ཐག་གཅོད་བྱེད་པ་ནི་བྱ་བ་ཀུན་གྱི་གཙོ་གནད་དུ་བཞག་སྟེ།  ལག་ལེན་སྟེང་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡི་སྤྱི་ཚོགས་རིང་ལུགས་འཆམ་འཐུན་སྤྱི་ཚོགས་གསར་སྐྲུན་བྱེད་དགོས་ན་ངེས་པར་དུ་ཆེས་དགོས་གལ་ཆེ་ཞིང་།  ཆེས་རྩ་གནད་ཡིན་པའི་དམངས་གཙོ་གནད་དོན་ལེགས་པོར་འཛིན་དགོས་པའི་མཛུབ་སྟོན་དགོངས་དོན་ལག་བསྟར་བྱས།