ཤིན་ཧྭ་དྲ་བའི་བོད་ཡིག་འཕྲིན་ལམ་དུ་གནས་ཚུལ་འབྱོར་གསལ།  བོད་ལྗོངས་མཁའ་འགྲུལ་སྤྱི་གཉེར་ཁང་གིས་ཟླ་10ཚེས་26ཉིན་ནས་བཟུང་2014ལོའི་དགུན་དཔྱིད་ཀྱི་དུས་གཏན་གནམ་གྲུའི་འཆར་གཞི་ལག་བསྟར་བྱེད་འགོ་བཙུགས་ཤིང་།དེ་ནས་བཟུང་ལྷ་ས་ནས་པེ་ཅིང་བར་གྱི་ཐད་གཏོང་མཁའ་ལམ་གསར་པ་ཤར་གཏོང་བྱེད་པ་དང་ཆབས་ཅིག་ཁྲེང་ཏུའུ་ནས་སན་ཡཱ་བར་གྱི་མཁའ་ལམ་ཡང་སླར་གསོ་བྱེད་རྒྱུ་ཡིན་པ་རེད།
    ཤེས་རྟོགས་བྱུང་བར་གཞིགས་ན།ལྷ་ས་ནས་པེ་ཅིང་བར་གྱི་ཐད་གཏོང་མཁའ་ལམ་ནི་བོད་ལྗོངས་སྤྱི་གཉེར་ཁང་གིས་འདི་ལོར་ལྷ་ས།དབྱིང་ཁྲོན།པེ་ཅིང་བར་གྱི་མཁའ་ལམ་ཤར་གཏོང་བྱས་པའི་རྨང་གཞིའི་ཐོག་གསར་དུ་བཏོད་པའི་ཐད་གཏོང་མཁའ་ལམ་ཞིག་ཡིན་ལ་འཕུར་ཐེངས་གཅིག་ལ་ཆུ་ཚོད་བཞི་གཡས་གཡོན་དགོས་ཀྱི་ཡོད།དེ་སྔོན་གྱི་དབྱིང་ཁྲོན་བརྒྱུད་དེ་འཕུར་བ་དང་བསྡུར་ན་ཆུ་ཚོད་གཉིས་ཙམ་གྲོན་ཆུང་ཐུབ་ཀྱི་ཡོད་པ་རེད།