ཤིན་ཧྭ་གསར་འགྱུར་ཁང་གི་གློག་འཕྲིན་ལྟར། ཤིན་ཅང་ནི་རང་རྒྱལ་གྱི་དངོས་མིན་རིག་གནས་ཤུལ་བཞག་རྣམ་གྲངས་ཀྱི་ཐོན་ཁུངས་ལྗོངས་ཆེན་པོ་ཞིག་ཡིན་པ་དང་། ཀྲུང་དབྱང་དང་རང་སྐྱོང་ལྗོངས་སྲིད་གཞུངགི་རྒྱབ་སྐྱོར་འོག ས་གནས་དེ་གས་དངོས་མིན་རིག་གནས་ཤུལ་བཞག་ཐོན་སྐྱེད་རང་བཞིན་གྱི་གསར་སྤེལ་དང་། བེད་སྤྱོད་བྱེད་པར་སྐུལ་འདེད་བཏང་བ་བརྒྱུད། ཤིན་ཅང་གི་དངོས་མིན་རིག་གནས་ཤུལ་བཞག་དམངས་ཁྲོད་དུ་སྲུང་སྐྱོབ་དང་རྒྱུད་འཛིན་བྱེད་པར་སྐུལ་འདེད་བཏང་ཡོད་པ་རེད།

ཤིན་ཅང་རིག་གནས་ཚན་པས་བསྡོམས་རྩིས་བྱས་པར་གཞིགས་ན། ཤིན་ཅང་གི་དངོས་མིན་རིག་གནས་ཤུལ་བཞག་ཐོན་ཁུངས་དེ་རིགས་བཅུ་ལྷག་ཙམ་ལ་ཁྱབ་ཡོད་པ་དང་། རྣམ་གྲངས་ཁྱོན3784ཡོད། དེའི་ཁྲོད་གྲངས་ཉུང་མི་རིགས་ཀྱི་རྣམ་གྲངས་ཀྱི15%ཡན་ཟིན་གྱི་ཡོད་པ་དང་། དམངས་སྲོལ་དང་། སྲོལ་རྒྱུན་གླུ་གཞས། སྲོལ་རྒྱུན་ཞབས་བྲོ། སྲོལ་རྒྱུན་ལག་རྩལ་སོགས་རིགས་ཁག་གི་རྣམ་གྲངས་ཀྱིས་སྤྱིའི་རྣམ་གྲངས་ཀྱི60%ཡན་ཟིན་གྱི་ཡོད་པ་རེད། ད་ལྟ་ཡོད་པའི་རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞག་མིང་ཐོའི་ནང་བཅུག་པའི་རྣམ་གྲངས70དང་། རང་སྐྱོང་ལྗོངས་རིམ་པའི་རྣམ་གྲངས185། ས་གནས་རིམ་པའི་རྣམ་གྲངས535། རྫོང་རིམ་པའི་རྣམ་གྲངས2480བཅས་ཡོད་པ་རེད། །