ཟླ་བ10པའི་ཚེས25ཉིན་གྱི་ཕྱི་དྲོར།ཞིང་ཆེན་ཏང་ཨུའི་ཧྲུའུ་ཅི།ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་ཝང་ཏུང་མིང་དང་ཞིང་ཆེན་ཏང་ཨུའི་ཧྲུའུ་ཅི་གཞོན་པ།ཞིང་དཔོན་ཝེ་ཧུང་རྣམ་གཉིས་ཁྲེང་ཏུའུ་ཡི་དུས་རབས་གསར་པའི་འགྲེམས་སྟོན་ལྟེ་གནས་ཀྱི་སྐབས་བཅོ་ལྔ་པའི་ནུབ་རྒྱུད་དངོས་མང་སྟོན་ཚོགས་ཀྱི་འགྲེམས་སྟོན་བྱེད་གནས་གཙོ་བོར་གཟིགས་སྐོར་ཡོང་སྐབས་དཀར་མཛེས་ཁུལ་གྱི་འགྲེམས་སྟོན་ཁང་དུ་གཟིགས་སྐོར་གནང་བ་རེད།ཁུལ་ཨུའི་ཧྲུའུ་ཅི་ཧུའུ་ཁྲང་ཧྲེང་དང་ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཡེ་ཤེས་ཟླ་བ་རྣམ་གཉིས་ཀྱིས་ལྷན་ཕེབསམཛད་དེ་གཟིགས་སྐོར་གནང་བ་རེད།དཀར་མཛེས་ཁུལ་འགྲེམས་སྟོན་ཁང་དུ་ལྟ་སྐོར་ཡོང་མཁན་དང་ཚོང་པ་ཧ་ཅང་མང་ལ་དུང་དཀར་ལུང་པའི་རྟགས་ཅན་གྱི་གཏེར་ཆུ་དང་མཐོ་སྒང་གི་སྐྱེ་ཁམས་ལ་ཕུག བོད་གྲོང་གི་ཕག་ཤ་སྐམ་པོའི་རིགས།རྒྱ་བོད་སྨན་སོགས་ཁྱད་ཆོས་ལྡན་པའི་ཐོན་རྫས་ཀྱིས་ལྟ་སྐོར་བའི་ཡིད་དབང་འགུགས་པ་རེད།ཕྱི་དྲོའི་ཆུ་ཚོད5པ་ཡས་མས་སུ་ཝང་ཏུང་མིང་དང་ཝེ་ཧུང་རྣམ་གཉིས་རང་ཁུལ་གྱི་འགྲེམས་སྟོན་ཁང་དུ་ཕེབས་སྐབས།ཧུའུ་ཁྲང་ཧྲེང་དང་ཡེ་ཤེས་ཟླ་བ་རྣམ་གཉིས་ཀྱིས་རང་ཁུལ་གྱི་ཐོན་སྐྱེད་བྱས་པའི་དུང་དཀར་ལུང་པའི་རྟགས་ཅན་གྱི་གཏེར་ཆུ་ཕུལ་བས་ཁོང་གཉིས་ཀྱིས་དགའ་སྤྲོ་ཆེན་པོས་མཐོ་སྒང་གི་ཆུ་གསོལ་རྗེས་རང་ཁུལ་གྱི་གཏེར་ཆུ་གསར་སྦོལ་གྱི་གནས་ཚུལ་སྐོར་ལ་ཆ་རྒྱུས་བླངས།ད་ལོར་རང་ཁུལ་གྱིས་དྲི་མེད་དྭངས་གཙང་གི་དཀར་མཛེས་ཁུལ་ཞེས་པའི་ཁྱད་ཆོས་ལྡན་པའི་ས་གནས་ཐོན་རྫས་རབ་རིམ་གྱི་འགྲེམས་ཚོང་ཆེད་སྒྲོམ་གྱི་བཟོ་བཀོད་གཅིག་གྱུར་བྱས་པ་ནང་བཞིན་དཀར་མཛེས་བརྗོད་བྱ་གཙོ་བོར་བྱས་པའི་འགྲེམས་སྟོན་ཁང་བཟོ་བཀོད་བྱས་ཡོད་ལ།ཆང་དང་ཤ་རིགས།ཤ་མོ།སིལ་ཏོགསྨན་རྫས།ཆུ།སྔོ་ཚལ།ལྗོངས་རྒྱུ་།རིག་གནས་བཅས་ཐོན་ཁུངས་མཐུན་རྐྱེན་ཆེན་པོ10ལ་དམིགས་ནས་ཁེ་ལས་ཁྱད་འཕགས་ཅན21དང་ཞིང་ལས་ཐོན་རྫས་ཁེ་ལས22བདམས་ནས་རིམ་པ་གཉིས་ཀྱི་འགྲེམས་སྟོན་ནང་ཞུགས་པ་དང་ཐོན་རྫས་ཡོང་རྫོགས་ལ་དྲི་མེད་དྭངས་གཙང་གི་དཀར་མཛེས་ཁུལ་ཞེས་པའི་སྤྱི་པའི་ཚོང་རྟགས་གཅིག་གྱུར་བཀོད་ཡོད།ཝང་ཏུང་མིང་དང་ཝེ་ཧུའུ་རྣམ་གཉིས་ཀྱིས་དལ་མོའི་ངང་ནས་རང་ཁུལ་གྱི་ཚོང་ཟོག་ལ་གཟིགས་སྐོར་གནང་ཞོར་འབྲེལ་ཡོད་གནས་ཚུལ་རྣམས་ཞིབ་ཚགས་ཀྱིས་དྲིས།མི་རིགས་ཀྱི་ལག་རྩལ་སྒྱུ་རྩལ་འགྲེམས་སྟོན་ཁང་དུ་ཝང་ཏུང་མིང་དང་ཝེ་ཧུང་རྣམ་གཉིས་ཀྱིས་སྲོལ་རྒྱུན་གྱི་ལག་རྩལ་དང་དེང་རབས་ཀྱི་ལྟ་བ་ལྡན་པའི་ལག་རྩལ་ཐོན་རྫས་ལ་གཟིགས་སྐོར་གནང་རྗེས་ཝང་ཏུང་མིང་གིས་དཀར་མཛེས་ཁུལ་གྱིས་སྔར་ལྷག་གིས་སྲོལ་རྒྱུན་གྱི་མི་རིགས་ལག་རྩལ་ཐོན་རྫས་ཐོན་ལས་སྟོབས་ཆེན་བཟོས་ནས་ཚོང་དོན་སྡེ་ཁག་དང་འབྲེལ་བ་བྱ་རྒྱུར་ཤུགས་སྣོན་བརྒྱབ་ནས་ཐོན་རྫས་དེ་དག་ཕྱི་རྒྱལ་དུ་ཚོང་གང་ཐུབ་བྱ་དགོས་ཞེས་ཐུགས་རེ་གནང་བ་རེད།