ཀྲུང་གོའི་བོད་ཀྱི་དྲ་བའི་འཕྲིན། གསར་འགོད་པས་བོད་རང་སྐྱོང་ལྗོངས་དཔེ་མཛོད་ཁང་ནས་ཤེས་རྟོགས་བྱུང་བར་གཞིགས་ན།བོད་རང་སྐྱོང་ལྗོངས་དཔེ་མཛོད་ཁང་གིས་སྔར་ལས་ལྷག་པའི་སྒོ་ནས་དཔེ་མཛོད་ཁང་གི་སྤྱི་བའི་རིག་གནས་ཀྱི་ཞབས་ཞུའི་ནུས་ཤུགས་ཇེ་ལེགས་སུ་གཏོང་རྒྱུ་ཡིན་པ་དང་།བོད་ཡིག་གནའ་དཔེ་ལ་ཕྱོགས་ཡོངས་རྩད་ཞིབ་དང་སྲུང་སྐྱོང་བྱེད་ཤུགས་ཆེ་རུ་གཏོང་བ།བོད་ཡིག་སྒྱུར་སྒྲིག་དང་ས་གནས་ཀྱི་ཐུན་མོང་མ་ཡིན་པའི་རིག་གནས་ཐོན་ཁུངས་འཛུགས་སྐྲུན་ལས་དོན་ཆེ་རུ་གཏོང་བ་བཅས་བྱ་རྒྱུ་རེད།

བོད་རང་སྐྱོང་ལྗོངས་དཔེ་མཛོད་ཁང་གི་འགོ་བས།བོད་ལྗོངས་ནི་བོད་ཡིག་གནའ་དཔེ་ཡི་གཏེར་མཛོད་ལྟ་བུ་ཡིན་ལ།ཉར་འཇོག་བྱས་པའི་ཚད་ལྡན་ཡིག་ཆའི་གྲངས་ཀ་མང་བ་དང་ནང་དོན་ཕུན་སུམ་ཚོགས་པ།རིགས་དབྱེ་མང་བ་བཅས་ཡིན།འོན་ཀྱང་མཐའ་ཡས་པའི་གནའ་དཔེ་དང་ཚད་ལྡན་ཡིག་ཆ་འདི་དག་ལྗོངས་ཡོངས་ཀྱི་དགོན་སྡེ༡༦༠༠དང་།སྟོང་ཕྲག་ཡན་གྱི་བྲག་ཕུག་སོགས་སུ་ཡོད་རྐྱེན་ཕྱོགས་ཡོངས་ནས་རྩད་ཞིབ་དང་སྲུང་སྐྱོབ་བྱ་རྒྱུ་ནི་ཧ་ཅང་དཀའ་བའི་ལས་ཞིག་ཡིན།དེ་བས་རྗེས་ཕྱོགས་བོད་རང་སྐྱོང་ལྗོངས་དཔེ་མཛོད་ཁང་གིས་རང་སྐྱོང་ལྗོངས་གནའ་དཔེ་སྲུང་སྐྱོབ་ལྟེ་གནས་ཀྱི་རང་སྟོབས་ནུས་པ་ལེགས་པར་འདོན་སྤེལ་བྱས་ནས་བོད་ལྗོངས་དཔེ་མཛོད་ཁང་གི་འཛུགས་སྐྲུན་ནི་རྒྱལ་ཡོངས་ཀྱི་བོད་ཡིག་སྲུང་སྐྱོང་ལྟེ་གནས་དང་རྒྱལ་ཁབ་ཀྱི་གནའ་དཔེ་སྲུང་སྐྱོབ་ལྟེ་གནས་སྟེ་བོད་ཡིག་གནའ་དཔེ་བསྐྱར་བསྐྲུན་བྱེད་པའི་རྟེན་གཞིར་འགྱུར་བར་ཧུར་བརྩོན་བྱ་རྒྱུ་ཡིན་གསུངས།  །