བོད་རང་སྐྱོང་ལྗོངས་སློབ་གསོ་ཡིག་རྒྱུགས་གླིང་གི་གསར་འགྱུར་གཏམ་བཤད་མི་སྣ་ཡང་ཧྭ་ཡིས་ངོ་སྤྲོད་བྱས་པ་ལྟར་ན། འདི་ལོར་ལྗོངས་ཡོངས་སུ་ཐོ་འགོད་བྱས་ནས་ཡིག་རྒྱུགས་ནང་ཞུགས་མཁན་མི་གྲངས་༡༩༠༠༨ཡོད་པ་དང་། དེའི་ཁྲོད་དཀྱུས་མའི་ཡིག་རྒྱུགས་སློབ་མ༡༦༣༤༡དང་། མཐོ་རིམ་ལས་རིགས་སློབ་གྲྭ་སོགས་གཞན་པའི་ཡིག་རྒྱུགས་སློབ་མ༢༦༦༧ཡོད་པ་རེད། དཀྱུས་མའི་ཡིག་རྒྱུགས་སློབ་མར་ཐོ་འགོད་བྱས་པའི་ནང་གྲངས་ཉུང་མི་རིགས་ཀྱི་ཡིག་རྒྱུགས་སློབ་མ༡༤༥༣༡དང་། རྒྱ་རིགས་ཀྱི་ཡིག་རྒྱུགས་སློབ་མ༡༨༡༠ཟིན་གྱི་ཡོད། རིག་ཚན་ཡིག་རྒྱུགས་སློབ་མ༧༩༨༧དང་རྩིས་ཚན་ཡིག་རྒྱུགས་སློབ་མ༨༣༥༤བཅས་ཟིན་གྱི་ཡོད་པ་རེད། 
     འཆར་གཞིའི་ཁྲོད་དཀྱུས་མའི་ཡོང་ཁུངས་ཀྱི་སློབ་མ་བསྡུ་ཚད་མི་གྲངས༩༨༠༩ཡིན། དེའི་ཁྲོད་རིག་ཚན་རིགས་མི༤༧༦༥ཡོད་པའི་ནང་དངོས་གཞིའི་སློབ་མ་༢༤༠༨  ཆེད་སྦྱོང་སློབ་མ༢༢༧༦ གྲ་སྒྲིག་ཚན་ཁག་མི༨༡བཅས་འདུས་ཡོད། རྩིས་ཚན་རིགས་མི༥༠༤༤དང་དེའི་ནང་དངོས་གཞིའི་སློབ་མ༢༩༥༩   ཆེད་སྦྱོང་སློབ་མ་༡༩༦༡  གྲ་སྒྲིག་ཚན་ཁག་མི༡༢༤བཅས་འདུས་ཡོད།   དམག་དཔུང་ཡོང་ཁུངས་ཀྱི་སློབ་མ་བསྡུ་ཚད་མི་གྲངས་༣༠༠ཡིན་པ་དང་དེའི་ཁྲོད་རིག་ཚན་རིགས་མི༡༤༠ རྩིས་ཚན་རིགས་མི༡༦༠ཡོད་པ་དེ་དག་ཚང་མ་ནི་དངོས་གཞིའི་སློབ་མ་ཡིན་པ་རེད། མཐོ་རིམ་ལས་རིགས་དང་༢༼ ༣ ༽+༢སློབ་མ་བསྡུ་ཚད་མི༡༤༣༦ཡོད་པ་དེ་དག་ཚང་མ་ནི་ཆེད་སྦྱོང་སློབ་མ་ཡིན་པ་རེད། ཁྱོན་བསྡོམས་ཀྱི་སློབ་མ་བསྡུ་འཆར་མི་གྲངས༡༡༥༤༥ཡིན། ཐོ་འགོད་ཡིག་རྒྱུགས་གྲངས་ཚད་དང་རྒྱུགས་འཕྲོད་གྲངས་ཚད་ལས་ཤེས་ཐུབ་པ་ནི། འདི་ལོར་རྒྱུགས་འཕྲོད་པའི་བསྡུར་ཚད་ནི༡༠ : ༦ཡིན་པ་རེད།