ཀྲུང་དབྱང་གི་ཞིན་ཅང་ལས་དོན་བཞུགས་མོལ་ཚོགས་འདུ་འཚོགས་ནས་ལོ་གཉིས་འཁོར་བའི་སྐབས་སུ།ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ནམ་ཀྲུང་དབྱང་སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི་ཀྲོའུ་ཡུང་ཁང་གིས་ཉེ་ཆར་ཞིན་ཅང་ཡུ་གུར་རང་སྐྱོང་ལྗོངས་སུ་ཕྱིན་ནས་ལས་དོན་ལ་རྟོག་ཞིབ་གནང་བ་རེད།
ཀྲོའུ་ཡུང་ཁང་གིས་ནན་བཤད་གནང་དོན།ཞིན་ཅང་གིས་གཟབ་ནན་ངང་ལོ་གཉིས་རིང་གི་གྲུབ་འབྲས་ལ་ཕྱོགས་སྡོམ་བྱས་ཏེ་ཀྲུང་དབྱངས་གི་ཞིན་ཅང་ལས་དོན་བཞུགས་མོལ་ཚོགས་འདུའི་དགོངས་དོན་ལག་བསྟར་དོན་འཁྱོལ་མཐའ་གཅིག་ཏུ་བྱེད་དགོས་པ་དང་ཆབས་ཅིག་མུ་མཐུད་དུ་ཕྱོགས་སོ་སོའི་ནུས་ཤུགས་མཉམ་གཅིག་ཏུ་བསྡུས་ཏེ།ཞིན་ཅང་ཐོད་རྒལ་ཚུལ་གྱི་འཕེལ་རྒྱས་གཏོང་བ་དང་ཡུན་རིང་བདེ་འཁོད་ཡོང་བར་འབད་བརྩོན་ལྷོད་མེད་བྱས་ནས་ཏང་གི་ཚོགས་ཆེན་བཅོ་བརྒྱད་པ་རྒྱལ་ཁའི་འཚོག་རྒྱུར་བསུ་བ་ཞུ་དགོས།