མཚོ་སྔོན་ཞིང་ཆེན་གྲངས་ཉུང་མི་རིགས་རྩོམ་རིག་ལོ་ཙཱ་མཐུན་ཚོགས་ཀྱིས་བགྲང་བྱ་ལྔའི་རིང་དུ། ༼འབྲོང༽ཞེས་པའི་རྩོམ་རིག་དཔེ་ཚོགས་འདོན་ཐེངས་དང་པོ་པར་སྐྲུན་བྱེད་བཞིན་པའི་སྒང་ཡིན་ལ། དཔེ་ཚོགས་འདི་འཆར་གཞི་ལྟར་ན་ཟླ་དྲུག་པར་རྩོམ་པ་པོ་པར་སྐྲུན་ཁང་གིས་པར་བསྐྲུན་འགྲེམ་སྤེལ་བྱ་རྒྱུ་རེད།

༼འབྲོང༽ཞེས་པའི་རྩོམ་རིག་དཔེ་ཚོགས་ཀྱི་འདོན་ཐེངས་དང་པོའི་ཁྲོད༼འཇུ་སྐལ་བཟང་གི་སྙན་ངག་གཅེས་བསྡུས༽(ལུང་རིན་ཆེན་གྱིས་བསྒྱུར)དང་།༼གཅན་མེ་སྟག་གི་སྙན་ངག་གཅེས་བསྡུས༽(ལོ་རྒྱ་ཚེ་རིང་གིས་བསྒྱུར)། ༼ཁྲི་སེམས་དཔའི་སྙན་ངག་གཅེས་བསྡུས༽ (འཕྲིན་ཁྱུང་གིས་བསྒྱུར།) ༼བོད་རིགས་བུད་མེད་སྙན་ངག་པ་བཅོ་ལྔའི་སྙན་ངག་ཕྱོགས་བསྒྲིགས༽(འགྱུར་མེད་རྡོ་རྗེ་ཡིས་བསྒྱུར)བཅས་ཁག་བཞི་འདུས།