ཀྲུང་གོའི་བོད་ཀྱི་དྲ་བའི་འཕྲིན། གསར་འགོད་པས་ཚེས20ཉིན་བོད་རང་སྐྱོང་ལྗོངས་ལྷ་ས་གྲོང་ཁྱེར་ནས་བསྡུས་པའི་བོད་ལྗོངས་བུད་མེད་དང་བྱིས་པའི་འཕེལ་རྒྱས་འཆར་འགོད་གནས་ཚུལ་གསར་འགྱུར་སྒྲོག་སྤེལ་ཚོགས་འདུ་སྟེང་རྒྱུས་ལོན་པ་ལྟར་ན། 2001ལོར་བོད་རང་སྐྱོང་ལྗོངས་ཀྱི་བུད་མེད་འཕེལ་རྒྱས་རྩ་གནད་ལག་བསྟར་བྱས་པ་ནས་བཟུང་། བུད་མེད་ཀྱི་ཁེ་དབང་ལ་ལེགས་བཅོས་མངོན་གསལ་ཐོབ་པ་དང་། བུད་མེད་ཇུས་འགོད་དང་དོ་དམ་ནང་དུ་ཞུགས་པའི་ཆུ་ཚད་སྔར་ལས་ཇེ་མཐོར་སོང་། རྒྱུས་ལོན་པ་ལྟར་ན། བོད་ལྗོངས་ཀྱིས་བུད་མེད་ཇུས་འགོད་དང་དོ་དམ་ནང་དུ་ཞུགས་པའི་འབྲེལ་ཡོད་ཁྲིམས་སྲོལ་སྲིད་ཇུས་སྔར་ལས་གཏན་འཁེལ་དང་འཐུས་ཚང་དུ་བཏང་ནས། བུད་མེད་ཚོའི་ཟུར་ཞུགས་དང་ཇུས་འགོད་འདུ་ཤེས་བཅས་ཀྱི་ནུས་ཤུགས་སྔར་ལས་མཐོར་འདེགས་སུ་སོང་།