ཀྲུང་གོའི་བོད་ཀྱི་དྲ་བའི་འཕྲིན།  དཔྱིད་ཚིགས་པ་ནས་བཟུང་།  ཡུན་ནན་ཞིང་ཆེན་དུ་བསྟུད་མར་ལོ་གསུམ་རིང་ལ་ཐན་སྐྱོན་བྱུང་བའི་རྣམ་པ་ད་དུང་མུ་མཐུད་དུ་འབྱུང་བཞིན་ཡོད།  ཡུན་ནན་ཞིང་ཆེན་དམངས་སྲིད་ཐིན་གྱིས་སྤེལ་བའི་སྙན་ཞུ་ལྟར་ན།  ཟླ2པའི་ཚེས16ཉིན།  ཐན་སྐྱོན་གྱི་གནོད་འཚེ་ཡིས་ཡུན་ནན་ཞིང་ཆེན་གྱི་ཧྲའོ་ཐོན་དང་།  ཆུའུ་ཅིན།  ཁོན་མིན།  ཁྲའོ་ཞོན་སོགས་ཁུལ13དང་རྫོང91གི་མང་ཚོགས་ཁྲི631.83ལ་གནོད་འཚེ་ཐེབས་ཡོད་པ་དང་།  མང་ཚོགས་ཁྲི242.76ལ་ཚད་རིམ་མི་འདྲ་བའར་འཐུང་ཆུ་ལ་དཀའ་ཁག་བྱུང་།  གནོད་འཚེ་ལས་ཞིང་ཆེན་ཡོངས་སུ་རོགས་སྐྱོར་བྱེད་དགོས་པའི་མི་གྲངས་ཁྲི231.38ལ་སླེབས་ཡོད་པ་དང་།  ཞིང་ཆེན་ཡོངས་སུ་དཔལ་འབྱོར་གྱོང་གུན་སྒོར་དུང་ཕྱུར23.42ཐེབས།  དེའི་ནང་ཞིང་ལས་ཐད་ཀྱི་གྱོང་གུན་སྒོར་དུང་ཕྱུར22.13ཟིན།  ཉིན་རེར་འཕར་བཞིན་པའི་ཐན་སྐྱོན་གནོད་འཚེ་ལ་དམིགས་ཏེ།  ཟླ2པའི་ཚེས17ཉིན།  རྒྱལ་ཁབ་གནོད་འགོག་ཨུ་ཡོན་ལྷན་ཁང་དང་།  རྒྱལ་ཁབ་དམངས་སྲིད་པུའུ་ཡིས་རྒྱལ་ཁབ་རིམ་པ་བཞི་བའི་གནོད་སྐྱོབ་བབ་བསྟུན་བྱེད་ཐབས་ལག་བསྟར་བྱས་ཏེ།  ལས་བྱེད་ཚན་ཆུང་གནོད་ཐེབས་ས་ཁུལ་ལ་མངགས།   །